ନୂଆଦିଲ୍ଲୀ: ଆମେରିକାର ନବନିଯୁକ୍ତ ଏଫବିଆଇ ମୁଖ୍ୟ କାଶ ପଟେଲ ଭଗବାନ ଶ୍ରୀକୃଷ୍ଣଙ୍କ ନାମ ନେଇ ତାଙ୍କର ଅଭିବାଦନ ଆରମ୍ଭ କରିଛନ୍ତି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା FBI ମୁଖ୍ୟ ପାଇଁ କାଶ ପଟେଲଙ୍କୁ ଚୟନ କରାଯାଇଥିଲା। ସେ ଗୁରୁବାର ସିନେଟ୍‌ ନ୍ୟାୟିକ କମିଟି ସମ୍ମୁଖରେ ତାଙ୍କର ଅଭିବାଦନ ସମୟରେ "ଜୟ ଶ୍ରୀ କୃଷ୍ଣ" ସହିତ ତାଙ୍କ ପିତାମାତାଙ୍କୁ ସ୍ୱାଗତ କରିଥିଲେ। ଏହି ସ୍ୱତନ୍ତ୍ର ଦିନରେ ତାଙ୍କ ସହିତ ରହିବା ଏବଂ ଭାରତରୁ ଆମେରିକା ଯାତ୍ରା କରିବା ପାଇଁ କାଶ ପଟେଲ ତାଙ୍କ ପିତାମାତାଙ୍କୁ ଧନ୍ୟବାଦ ଜଣାଇଥିଲେ। ଏହାସହ ସେ ପିତାମାତାଙ୍କ ପାଦ ଛୁଇଁ ପ୍ରଣାମ କରିଥିଲେ। 

ପ୍ରକାଶଥାଉକି କାଶ ପଟେଲ ଭାରତୀୟ ବଂଶୋଦ୍ଭବ ଏବଂ ତାଙ୍କୁ ଡୋନାଲ୍ଡ ଟ୍ରମ୍ପ ଆମେରିକାର ସବୁଠାରୁ ଶକ୍ତିଶାଳୀ ତଦନ୍ତକାରୀ ସଂସ୍ଥା ଏଫବିଆଇର ମୁଖ୍ୟ ଭାବରେ ମନୋନୀତ କରିଛନ୍ତି। ସିନେଟରେ ଶୁଣାଣି ସମୟରେ, କାଶ ପଟେଲ କହିଥିଲେ, "ମୁଁ ଆଜି ଏଠାରେ ବସିଥିବା ମୋ ବାପା ଏବଂ ମୋ ମାଆ ଅଞ୍ଜନାଙ୍କୁ ସ୍ୱାଗତ କରିବାକୁ ଚାହୁଁଛି। ସେମାନେ ଭାରତରୁ ଏଠାକୁ ଆସିଛନ୍ତି। ମୋ ଭଉଣୀ ମଧ୍ୟ ଏଠାରେ ଅଛନ୍ତି। ସେ ମଧ୍ୟ ମୋ ସହିତ ରହିବାକୁ ଆସିଛନ୍ତି।" ଆଜି ସେମାନଙ୍କ ପାଇଁ ସମୁଦ୍ର ପାର ହୋଇଗଲିଣି। ତୁମେମାନେ ଏଠାରେ ରହିବା ମୋ ପାଇଁ ସବୁ କିଛି। ଜୟ ଶ୍ରୀ କୃଷ୍ଣ।"

ସିନେଟ୍ ଶୁଣାଣି ସମୟରେ, କାଶ ପଟେଲ ଆମେରିକାର ଏହି ଶକ୍ତିଶାଳୀ ତଦନ୍ତକାରୀ ସଂସ୍ଥା ଉପରେ ଲୋକଙ୍କ ବିଶ୍ୱାସ ପୁଣିଥରେ ଫେରାଇ ଆଣିବାକୁ ପ୍ରତିଶ୍ରୁତି ଦେଇଛନ୍ତି। ନିଜକୁ ଏହି ପଦବୀ ପାଇଁ ଜଣେ ଆଦର୍ଶ ପ୍ରାର୍ଥୀ ଭାବରେ ବର୍ଣ୍ଣନା କରିଛନ୍ତି। ସେ ଯୁକ୍ତି ବାଢ଼ିଛନ୍ତି ଯେ ଏଫବିଆଇ ଜନସାଧାରଣଙ୍କ ନିକଟରେ ବିଶ୍ୱସନୀୟତା ହରାଇଛି।ଆଜି ଏଫବିଆଇ ଉପରେ ବହୁତ କମ ବିଶ୍ୱାସ ଅଛି। କେବଳ ୪୦ ପ୍ରତିଶତ ଆମେରିକୀୟଙ୍କର ଏଫବିଆଇ ଉପରେ ବିଶ୍ୱାସ ଅଛି, ଏବଂ ସେହି ବିଶ୍ୱାସ ପାଇବାର ଦୁଇଟି ଉପାୟ ଅଛି।

କାଶ ପଟେଲ କହିଛନ୍ତି ଯେ ହିଂସାତ୍ମକ ଅପରାଧକୁ ନିୟନ୍ତ୍ରଣ କରିବା ତାଙ୍କର ପ୍ରାଥମିକ ଲକ୍ଷ୍ୟ। ସେ କହିଥିଲେ, "କେବଳ ୨୦୨୩ ମସିହାରେ, ଏକ ଲକ୍ଷ ବଳାତ୍କାର, ଏକ ଲକ୍ଷ ଡ୍ରଗ୍ସ ଓଭରଡୋଜ୍ ଏବଂ ୧୭ ହଜାର ହତ୍ୟାକାଣ୍ଡ ଘଟିଛି। ତେବେ ଆମର ପ୍ରଥମ କାର୍ଯ୍ୟ ହେବ ଆମ ସମ୍ପ୍ରଦାୟକୁ, ଆମ ପିଲାମାନଙ୍କ ପାଇଁ ସୁରକ୍ଷିତ ବ୍ୟବସ୍ଥା କରିବା। ସେମାନଙ୍କର ଏକ ପାର୍କ ରହିବା ଉଚିତ। ସେମାନଙ୍କ ଚାଲିବା ରାସ୍ତାରେ ଛୁଞ୍ଚି ନୁହେଁ, ଖେଳିବା ପାଇଁ।" 

ସେହି ସମୟରେ, ସିନେଟରେ ଶୁଣାଣି ସମୟରେ, ଡେମୋକ୍ରାଟିକ୍ ନେତାମାନେ କାଶ ପଟେଲଙ୍କୁ ଜଣେ ଷଡ଼ଯନ୍ତ୍ର ତତ୍ତ୍ୱବାଦୀ ବୋଲି କହିଥିଲେ ଏବଂ ଡୋନାଲ୍ଡ ଟ୍ରମ୍ପଙ୍କ କଠୋର ସମାଲୋଚକ ଥିବା ୬୦ ଜଣଙ୍କ ତାଲିକା ଦେଖାଇଥିଲେ, ଯାହାଙ୍କ ବିଷୟରେ କାଶ ପଟେଲ ତାଙ୍କ 2022 ପୁସ୍ତକରେ କଠୋର ତଦନ୍ତ ଦାବି କରିଥିଲେ।