ନବରଙ୍ଗପୁର ୩୧।୧: ନବରଙ୍ଗପୁର ଜିଲ୍ଲା କୋଡ଼ିଙ୍ଗା ଥାନା ଅନ୍ତର୍ଗତ ଭାଟିଗାଁ ନିକଟରେ ଦୁଇ ବାଇକ୍ ମୁଁହାମୁହିଁ ଧକ୍କା ହୋଇଛି । ଦୁର୍ଘଟଣା ଫଳରେ ଦୁଇ ବାଇକ୍ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ତିନି ଜଣ ଗୁରୁତର ହୋଇଛନ୍ତି । ନିଜ ସରକାରୀ କାର୍ଯ୍ୟରେ ସେହିରାସ୍ତା ଦେଇ ଯାଉଥିବା ନବରଙ୍ଗପୁର ଏସ୍‌ପି     ଦୁଇ ଆହତଙ୍କୁ ନିଜ ଗାଡ଼ିରେ ଆଣି ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଆଉ ଜଣେ ଆହତକୁ ଆମ୍ବୁଲାନ୍ସ ଯୋଗେ ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି l 

ସୂଚନାଯୋଗ୍ୟ ଯେ, ନବରଙ୍ଗପୁର ଜିଲ୍ଲା   କୋଡ଼ିଙ୍ଗା ଥାନା ଭାଟିଗାଁ ନିକଟରେ ଦୁଇ ବାଇକ୍ ମୁଁହାମୁହିଁ ଧକ୍କା ହୋଇଥିଲା । ଗୋଟିଏ ବାଇକ୍ ଚିର୍ମା ପଟରୁ ନବରଙ୍ଗପୁର ଅଭିମୁଖେ ଆସୁଥିଲେ । ବାଇକ୍‌ରେ ଅବେଦ କୁମାର ତାରା ଓ ଜଗତ ରାଜ ଖରା ଥିବାବେଳେ ଅନ୍ୟ ବାଇକ୍‌ରେ ନବରଙ୍ଗପୁର ଥାନା ଅନ୍ତର୍ଗତ ପଡାଲଗୁଡା ଗ୍ରାମର ସଦାଶିବ ଭତ୍ରା, ଧନିଆ ମାଝୀ ଓ ରଘୁ ବୈରାଗୀ ତିନି ଜଣ କୋଷାଗୁମୁଡା ଅଞ୍ଚଳର କୁସୁମପାଲି ଗ୍ରାମକୁ ସମ୍ପର୍କୀୟଙ୍କ ନିର୍ବନ୍ଧ କାର୍ଯ୍ୟରେ ଯୋଗଦେବାକୁ ଯାଉଥିଲେ । ତେବେ ଭାଟିଗାଁ ଓ ସରଗିଗୁଡା ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ହିଁ ଧନିଆ ମାଝୀ ଓ ରଘୁ ବୈରାଗୀ ଦୁଇ ଜଣଙ୍କ ମୃତ୍ୟୁ ହୋଇଥିଲା । ଅନ୍ୟ ତିନି ଗୁରୁତର ହୋଇଥିଲେ । ତେବେ ଠିକ୍ ସେହି ସମୟରେ କୋଷାଗୁମୁଡା ଅଞ୍ଚଳକୁ ନିଜ ସରକାରୀ କାର୍ଯ୍ୟରେ ଯାଉଥିବା ବେଳେ ନବରଙ୍ଗପୁର ଏସ୍‌ପି ମିହିର କୁମାର ପଣ୍ଡା ଆହତ ଦୁଇ ଜଣଙ୍କୁ ନିଜ ଗାଡ଼ିରେ ବୋହି ଆଣି ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଅନ୍ୟ ଜଣେ ଆହତଙ୍କୁ ଆମ୍ବୁଲାନ୍ସ ଯୋଗେ ଚିକିତ୍ସାଳୟକୁ ଅଣାଯାଇଥିଲା । ଏସ୍‌ପିଙ୍କ ଏହି କାର୍ଯ୍ୟ ପାଇଁ ଚାରି ଆଡୁ ପ୍ରଶଂସାର ସୁଅ ଛୁଟିଛି ।

You Can Read:

ଅଟାଳ ଗାଁରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସେପଟେ ପଢାବି କଲୋନୀର ଏକ ଘରୁ ମିଳିଲା ୨ ଯୁବକଙ୍କ ମୃତଦେହ