ନୂଆଦିଲ୍ଲୀ : ପଳାତକ ହୀରା ବ୍ୟବସାୟୀ ମେହୁଲ୍ ଚୋକ୍ସି ଗିରଫ। ପିଏନ୍ବି ଘୋଟାଲା ମାମଲାର ମୁଖ୍ୟ ଅଭିଯୁକ୍ତ ମେହୁଲ ଚୋକସିଙ୍କୁ ବେଲଜିୟମରୁ ଗିରଫ କରାଯାଇଛି। ପିଏନ୍ବି ଦୁର୍ନୀତି ମାମଲାରେ ଫେରାର ଥିଲେ ହୀରା ବ୍ୟବସାୟୀ ମେହୁଲ ଚୋକସି। ଭାରତ ସରକାରଙ୍କ ଅପିଲ ପରେ ସେ ଗିରଫ ହୋଇଛନ୍ତି। ଗୀତାଞ୍ଜଳି ଗ୍ରୁପ୍ ର ମାଲିକ ମେହୁଲ ଚୋକସୀ ଗତ କିଛି ଦିନ ଧରି ଚିକିତ୍ସା ପାଇଁ ବେଲଜିୟମ୍ ଯାଇଥିବା ବେଳେ ପୋଲିସ ଗିରଫ କରିଛି । ମେହୁଲକୁ ବେଲଜିୟମ୍ ପୋଲିସ ଦୁଇଟି ମାମଲାରେ ଗିରଫ କରିଛି ।ତାଙ୍କ ନାଁରେ ୧୩,୫୦୦ କୋଟି ଟଙ୍କାର ବ୍ୟାଙ୍କ ଠକେଇ ହୋଇଥିବା ଅଭିଯୋଗ ହୋଇଛି। ଗିରଫଦାରୀ ପରେ, ଭାରତ ସରକାର ତାଙ୍କର ପ୍ରତ୍ୟର୍ପଣ ଦାବି କରିଛନ୍ତି। ସୋମବାର ବେଲଜିୟମର ଫେଡେରାଲ ପବ୍ଲିକ୍ ସର୍ଭିସ୍ ଅଫ୍ ଜଷ୍ଟିସ୍ ମେହୁଲ ଚୋକସିଙ୍କ ଗିରଫଦାରୀକୁ କରିଛି ନିଶ୍ଚିତ ।
ମେହୁଲ ଚୋକସି ୨୦୧୮ ମସିହାରେ ଭାରତରୁ ପଳାଇ ଆସିଥିଲେ। ପରେ ସେ ଆଣ୍ଟିଗୁଆ ଓ ବାରବୁଡାରେ ହାଜର ହୋଇଥିଲେ। ଯେଉଁଠାରେ ସେ ନିବେଶ ମାଧ୍ୟମରେ ନାଗରିକତା ହାସଲ କରିଥିଲେ। ମେ 2021ରେ ତାଙ୍କୁ ଡୋମିନିକାନ୍ ଗଣରାଜ୍ୟରେ ବେଆଇନ ଭାବରେ ପ୍ରବେଶ କରିବା ପାଇଁ ଗିରଫ କରାଯାଇଥିଲା। କିଛି ଦିନ ଜେଲରେ ରହିବା ପରେ, ତାଙ୍କୁ ମୁକ୍ତ କରାଯାଇଥିଲା। ୨୦୨୩ ନଭେମ୍ବର ୧୫ ତାରିଖରେ ମେହୁଲ ଚୋକସୀ ନିଜର ବେଲଜିୟମ୍ ପତ୍ନୀଙ୍କ ଜରିଆରେ ନାଗରିକତା କାର୍ଡ ହାସଲ କରିଥିଲା । ତେବେ ମେହୁଲ ଏନେଇ ଜାଲ୍ ଦସ୍ତାବେଜ୍ ଦେଇଥିବା ଅଭିଯୋଗ ରହିଛି ।
ବଡ଼ କଥା ହେଉଛି, ମେହୁଲ ଚୋକସି ନିଜକୁ 'ହନି-ଟ୍ରାପ୍' ଏବଂ ଅପହରଣ ଷଡ଼ଯନ୍ତ୍ରର ଶିକାର ବୋଲି କହିଥିଲେ। ଏହି ସମୟ ମଧ୍ୟରେ, ବାରବରା ଜବାରିକା ନାମକ ଜଣେ ମହିଳାଙ୍କ ନାଁ ପ୍ରକାଶ ପାଇଲା। ସେତେବେଳେ ଚୋକସି କହିଥିଲେ ଯେ, ହଙ୍ଗେରୀର ବାସିନ୍ଦା ବାରବରା ଜାବାରିକା ତାଙ୍କୁ ହନି-ଟ୍ରାପରେ ଫସାଇ ଦେଇଥିଲେ। ଚୋକସିଙ୍କ ଅନୁଯାୟୀ, ତାଙ୍କୁ ବଳପୂର୍ବକ ଅପହରଣ କରାଯାଇଥିଲା, ନିର୍ଯାତନା ଦିଆଯାଇଥିଲା ଏବଂ ଏକ ଡଙ୍ଗାରେ ଆଣ୍ଟିଗୁଆରୁ ଡୋମିନିକାକୁ ନିଆଯାଇଥିଲା। ସେ ଦାବି କରିଥିଲେ ଯେ ବାରବରା ମଧ୍ୟ ଏହି ସମ୍ପୂର୍ଣ୍ଣ ଷଡ଼ଯନ୍ତ୍ରର ଏକ ଅଂଶ ଥିଲେ। ତେବେ ଆସନ୍ତୁ ଜାଣିବା କିଏ ସେହି ବାରବରା ଜାବାରିକା?
ବାରବରା ଜାବାରିକାଙ୍କ ଲିଙ୍କଡିନ୍ ପ୍ରୋଫାଇଲ୍ ଅନୁସାରେ, ସେ ବୁଲଗେରିଆର ଜଣେ ସମ୍ପତ୍ତି ଇନଭେଷ୍ଟମେଣ୍ଟ ଏଜେଣ୍ଟ। ସେ ନିଜକୁ ଜଣେ ସେଲ୍ସ ନେଗୋସିଏଟର ବୋଲି କହିଛନ୍ତି। ରିଅଲ୍ ଇଷ୍ଟେଟ୍ ଏବଂ ପ୍ରତ୍ୟକ୍ଷ ବିକ୍ରୟ କ୍ଷେତ୍ରରେ ତାଙ୍କର ଅଭିଜ୍ଞତା ଅଛି। ଯେତେବେଳେ ମେହୁଲ ଚୋକସିଙ୍କୁ ଡୋମିନିକାରେ ଗିରଫ କରାଯାଇଥିଲା, ସେତେବେଳେ ବାରବରାଙ୍କ ନାଁ ଆସିଥିଲା। ଜଣାପଡିଥିଲା ଯେ ଚୋକସୀ ବାରବରାଙ୍କ ପ୍ରେମରେ ପଡ଼ି ଯାଇଥିଲେ। ମେହୁଲ ଚୋକସିଙ୍କ ପତ୍ନୀ ପ୍ରିତୀ ଚୋକସି ଅଭିଯୋଗ କରିଥିଲେ ଯେ 2020ରେ ଦୁହିଁଙ୍କ ସାକ୍ଷାତ ହୋଇଥିଲା।
ସେତେବେଳେ ବାରବରା ହନିଟ୍ରାପ୍ ଷଡ଼ଯନ୍ତ୍ରର ଅଂଶ ଥିଲେ। ବାରବରା ଜାବାରିକାଙ୍କ ସହିତ ମିଛ ବନ୍ଧୁତା କରିଥିଲେ ଆଉ ତାଙ୍କୁ ଅପହରଣ କରାଯିବାର ଠିକ୍ ପୂର୍ବରୁ ରାତ୍ରୀଭୋଜନ ପାଇଁ ନିମନ୍ତ୍ରଣ କରିଥିଲେ। ସେ ସେଠାରେ ପହଞ୍ଚିବା ମାତ୍ରେ ତାଙ୍କୁ ବଳପୂର୍ବକ ସେଠାରୁ ନେଇଯାଇଥିଲା। ଯଦିଓ ବାରବରା ଏହି ଦାବିଗୁଡ଼ିକୁ ପ୍ରତ୍ୟାଖ୍ୟାନ କରିଥିଲେ। ସେ ପ୍ରୀତି ଚୋକସିଙ୍କ ଅଭିଯୋଗକୁ ମଧ୍ୟ ଖଣ୍ଡନ କରିଥିଲେ ଏବଂ କହିଥିଲେ ଯେ ସେ ଚୋକସିଙ୍କ ପ୍ରେମିକା ନୁହଁନ୍ତି। ଏ କଥା କିଛି ରିପୋର୍ଟରେ ଦାବି କରାଯାଇଛି।
ବାରବରା ଦାବି କରିଛନ୍ତି ଯେ ତାଙ୍କର ନିଜସ୍ୱ ଚାକିରି ଅଛି ଏବଂ ତାଙ୍କୁ ଟଙ୍କା, ଅଳଙ୍କାର, କୌଣସି ପ୍ରକାରର ସାହାଯ୍ୟ, ହୋଟେଲ ବୁକିଂ ଇତ୍ୟାଦିର ଆବଶ୍ୟକତା ନାହିଁ। ସେ ଆହୁରି ମଧ୍ୟ ଦାବି କରିଛନ୍ତି ଯେ ମେହୁଲ ଚୋକସି ତାଙ୍କ ପରିଚୟକୁ ଜାଲିଆତି କରିଥିଲେ। ତାଙ୍କ ସହିତ ବନ୍ଧୁତା ସ୍ଥାପନ କରିବାକୁ ନିଜକୁ 'ରାଜ' ଭାବରେ ପରିଚୟ ଦେଇଥିଲେ। NDTVର ଏକ ରିପୋର୍ଟରେ, ବାରବରା କହିଛନ୍ତି, "ରାଜ ନାଁ ମେହୁଲ ଚୋକସି ପ୍ରଥମେ ମୋ ସହିତ ଯୋଗାଯୋଗ କରିଥିଲେ। ସେ ମୋ ନମ୍ବର ମାଗିଥିଲେ ଏବଂ ମୋ ସହିତ ବନ୍ଧୁତା କରିଥିଲେ। ତାଙ୍କ ସ୍ତ୍ରୀ ଯାହା କହୁଛନ୍ତି ତାହା ସତ୍ୟ ନୁହେଁ।"
୨୦୧୮ରେ ମେହୁଲ ଚୋକସୀ ଦେଶ ଛାଡି ପଳାଇଥିଲେ । ୨୦୧୮ରେ ଭାରତ ଛାଡିବା ଆଗରୁ ୨୦୧୭ରେ ସେ ଏଣ୍ଟିଗୁଆର ନାଗରିକତା ହାସଲ କରିଥିଲା । ସ୍ବାସ୍ଥ୍ୟଗତ କାରଣ ଦର୍ଶାଇ ସେ ଭାରତ ଆସି କୋର୍ଟରେ ହାଜର ହେବାକୁ ମନା କରିଥିଲା । ଭାରତରେ ତାର ଅନେକ ସମ୍ପତ୍ତି ଜବତ କରାଯାଇଛି । ୨୦୨୧ରେ ମେହୁଲ ଚୋକସୀ ଏଣ୍ଟିଗୁଆର ପଡୋଶୀ ଦେଶ ଡୋମିନିକାରେ ଗିରଫ ହୋଇ ଜେଲ୍ ରେ ୫୧ ଦିନ ରହିଥିଲା । ଏବେ ବେଲଜିୟମ୍ ରେ ଧରାପଡି ଜେଲ୍ ରେ ଥିବା ମେହୁଲ ଚୋକସୀକୁ ଭାରତ ଆଣିବା ଲାଗି ସିବିଆଇ ଏବଂ ଇଡି ଚେଷ୍ଟା କରିବ ।
