ନୂଆଦିଲ୍ଲୀ ୨୩/୦୪: ଆତଙ୍କୀ ହମଲା ପରେ ନିସ୍ତବ୍ଧ ପହଲଗାମ । ବୈସାରନ ଘାଟିରେ ହୋଇଥିବା ଆତଙ୍କୀ ହମଲା ସାରା ବିଶ୍ୱକୁ ଦୋହଲାଇଛି । ଆକ୍ରମଣରେ ଏକାଧିକ ମୃତ୍ୟୁ, ଅନେକ ବି ଗୁରୁତର । ଆକ୍ରମଣ ପଛରେ ଲସ୍କର-ଏ-ତୋଏବାର ଫ୍ରଣ୍ଟ, TRF ଅର୍ଥାତ୍ 'ଦି ରେଜିଷ୍ଟାନ୍ସ ଫ୍ରଣ୍ଟ' ।
ଜାମ୍ମୁ-କାଶ୍ମୀରରେ ଲସ୍କର ଓ ଟିଆରଏଫର ଆତଙ୍କବାଦୀ କାର୍ଯ୍ୟକଳାପ ପଛରେ ଅଛି ଜଣେ ମାଷ୍ଟରମାଇଣ୍ଡ । ସେ ଆଉ କେହି ନୁହେଁସ ସେ ହେଉଛି କୁଖ୍ୟାତ ଆତଙ୍କବାଦୀ ସୈଫୁଲ୍ଲା ଖାଲିଦ । ଲସ୍କର-ଏ-ତୋଇବା ଡେପୁଟି ଚିଫ୍ ସାଇଫୁଲ୍ଲା ଖାଲିଦଙ୍କୁ ସାଇଫୁଲ୍ଲା କାସୁରୀ ମଧ୍ୟ କୁହାଯାଏ । ସେ ଭାରତର ସବୁଠାରୁ ବଡ଼ ଶତ୍ରୁ ହାଫିଜ୍ ସୟିଦର ବହୁତ ଖାସ୍ । ଭାରତରେ ହୋଇଥିବା ଅନେକ ବଡ଼ ବଡ ଆତଙ୍କବାଦୀ ଆକ୍ରମଣରେ ତାର ନାମ ଉଲ୍ଲେଖ କରାଯାଇଛି। ତେବେ ଜାଣିଛନ୍ତି କିଏ ସେହି ସୈଫୁଲ୍ଲା ଖାଲିଦ? କେମିତି ତାର ଜୀବନଶୈଳୀ ?
କୁଖ୍ୟାତ ଆତଙ୍କବାଦୀ । ଯାତ୍ରା କରନ୍ତି ଲଗ୍ଜୁରୀ କାରରେ । ସୁରକ୍ଷା ଦେବାକୁ ଲସ୍କର ଆତଙ୍କବାଦୀମାନେ ସର୍ବଦା ଅତ୍ୟାଧୁନିକ ଅସ୍ତ୍ରଶସ୍ତ୍ରରେ ସଜ୍ଜିତ ଥାଆନ୍ତି । ପାକିସ୍ତାନରେ ଏହାର ପ୍ରଭାବ ବେଶ୍ ଅଧିକ । କାରଣ ସେଠାକାର ସେନା ଅଧିକାରୀମାନେ ଖାଲିଦ ଉପରେ କରନ୍ତି ଫୁଲ ବର୍ଷା । ଯାହାକି ପାକିସ୍ତାନୀ ସେନାର ସୈନିକଙ୍କୁ ଭଡକାଇବାରେ ସହାୟକ ହୁଏ ।
ସୂଚନା ଥାଉକି, ପହଲଗାମ ଆକ୍ରମଣର ମାତ୍ର ଦୁଇ ମାସ ପୂର୍ବରୁ, ସୈଫୁଲ୍ଲା ଖାଲିଦ ପାକିସ୍ତାନର ପଞ୍ଜାବର କଙ୍ଗନପୁରରେ ପହଞ୍ଚିଥିଲା । ଯେଉଁଠାରେ ପାକିସ୍ତାନ ସେନାର ଏକ ବଡ଼ ବାଟାଲିୟନ ଅବସ୍ଥିତ ଅଛି । ସେଠାରେ, ଜଣେ ପାକିସ୍ତାନୀ ସେନା କର୍ଣ୍ଣେଲ, ଜାହିଦ ଜରିନ ଖଟ୍ଟାକ, ତାଙ୍କୁ ଏକ ଜିହାଦି ଭାଷଣ ଦେବାକୁ ନିମନ୍ତ୍ରଣ କରିଥିଲେ ।
ସେ ସେଠାରେ ପହଞ୍ଚିବା ପରେ କର୍ଣ୍ଣେଲ ନିଜେ ତାଙ୍କ ଉପରେ ଫୁଲ ବର୍ଷା କରିଥିଲେ । ଏହା ପରେ, ଏହା ପାକିସ୍ତାନୀ ସେନାକୁ ଭାରତ ବିରୋଧରେ ପ୍ରବଳ ଉସୁକାଇଥିଲା। ସେ ଏପରି କହିଥିଲା ଯେ ସେମାନେ ଯେତେ ଅଧିକ ଭାରତୀୟ ସୈନିକଙ୍କୁ ହତ୍ୟା କରିବେ । ସେତେ ପରିମାଣରେ ତାଙ୍କ ଭଗବାନ ମାନେ ଆହ୍ଲା ତାଙ୍କୁ ଅଧିକ ପୁରସ୍କାର ଦେବେ ।
ସେହିପରି, ପାକିସ୍ତାନର ଖାଇବର ପଖତୁନଖ୍ୱାରେ ଅନୁଷ୍ଠିତ ଏକ ବୈଠକରେ, ଭାରତ ବିରୋଧରେ ବିଷ ଓଗାଳିଥିଲା । ସେଥିରେ ଲେଖାଥିଲା, "ମୁଁ ପ୍ରତିଶ୍ରୁତି ଦେଉଛି ଆଜି ୨ ଫେବୃଆରୀ, ୨୦୨୫ । ଆମେ ୨ ଫେବୃଆରୀ ୨୦୨୬ ସୁଦ୍ଧା କାଶ୍ମୀରକୁ ଦଖଲ କରିବାକୁ ଯଥାସମ୍ଭବ ଚେଷ୍ଟା କରିବୁ ।
ଆଗାମୀ ଦିନରେ ଆମର ମୁଜାହିଦ୍ଦିନମାନେ ସେମାନଙ୍କର ଆକ୍ରମଣକୁ ତୀବ୍ର କରିବେ। ଆମେ ଆଶା କରୁଛୁ ଯେ କାଶ୍ମୀର ୨ ଫେବୃଆରୀ ୨୦୨୬ ସୁଦ୍ଧା ମୁକ୍ତ ହୋଇଯିବ। ଏହି ବୈଠକ ଆଇଏସଆଇ ଏବଂ ପାକିସ୍ତାନ ସେନା ମିଳିତ ଭାବରେ ଆୟୋଜନ କରିଥିଲେ । ତାଙ୍କୁ ଶୁଣିବା ପାଇଁ ବହୁ ସଂଖ୍ୟକ ଆତଙ୍କବାଦୀ ଏକାଠି ହୋଇଥିଲେ।
ଗୁଇନ୍ଦା ରିପୋର୍ଟ ଅନୁଯାୟୀ, ଗତ ବର୍ଷ ଶହ ଶହ ପାକିସ୍ତାନୀ ଅନେକ ସଂଖ୍ୟାରେ ଯୁବକ ଆବୋଟାବାଦର ଜଙ୍ଗଲରେ ସଂଗଠିତ ଏକ ଆତଙ୍କବାଦୀ ଶିବିରରେ ଅଂଶଗ୍ରହଣ କରିଥିଲେ। ଏହାକୁ ଲସ୍କର-ଏ-ତୈବାର ରାଜନୈତିକ ଶାଖା PMML ଓ SML ଦ୍ୱାରା ଆୟୋଜନ କରାଯାଇଥିଲା ।
ଏଥିରେ ସୈଫୁଲ୍ଲା ମଧ୍ୟ ଉପସ୍ଥିତ ଥିଲା । ସେ ଏହି ଶିବିରରୁ ଆତଙ୍କବାଦୀ ଆକ୍ରମଣ ପାଇଁ ଯୁବକଙ୍କୁ ବାଛିଥିଲା । ଯେଉଁମାନଙ୍କୁ ପରେ ଟାର୍ଗେଟ କିଲିଂ ପାଇଁ ତାଲିମ ଦିଆଯାଇଥିଲା । ଏଠାରେ ମଧ୍ୟ ସୈଫୁଲ୍ଲା ଭାରତ ବିରୋଦ୍ରେଧ ଉତ୍ତେଜନାପୂର୍ଣ୍ଣ ଭାଷଣ ଦେଇ ସେଠାରେ ଉପସ୍ଥିତ ଯୁବକଙ୍କୁ ଉକ୍ସାଇଥିଲା ।
ପରେ ଯୁବକମାନଙ୍କୁ ଆତଙ୍କବାଦୀ ତାଲିମ ଦେଇଥିଲା । ଆହୁରି ବି ଶୁଣିବାକୁ ମିଳିଥିଲା କି, ସେମାନଙ୍କୁ ପାକିସ୍ତାନୀ ସେନା ସହାୟତାରେ ସୀମା ପାର କରି ଅନୁପ୍ରବେଶ କରିବାକୁ ବାଧ୍ୟ କରାଯାଉଥିଲା । ୫ ଅଗଷ୍ଟ ୨୦୧୯ରେ ସମ୍ବିଧାନ ସଂଶୋଧନ କରି ଜମ୍ମୁ-କାଶ୍ମୀରରୁ ଧାରା ୩୭୦ ଏବଂ ୩୫ଏ କୁ ହଟାଇ ଦିଆଯାଇଥିଲା।
ଏହା ପରେ, ISI ପାକିସ୍ତାନ ସ୍ଥିତ ଆତଙ୍କବାଦୀ ସଂଗଠନ ଲସ୍କର-ଏ-ତୈବା ଏବଂ ଜୈଶ-ଏ-ମହମ୍ମଦକୁ କଭର କରିବା ପାଇଁ TRF ଅର୍ଥାତ୍ 'ଦି ରେଜିଷ୍ଟାନ୍ସ ଫ୍ରଣ୍ଟ' ଗଠନ କରିଥିଲା । ପାକିସ୍ତାନୀ ସେନା ଏହି ଆତଙ୍କବାଦୀ ସଂଗଠନକୁ ସାହାଯ୍ୟ କରେ । ଏବେ ଏହି ସଂଗଠନ୍ ବ୍ୟାପ୍ତ ଆଉ ପ୍ରତିଟି ମୁହୂର୍ତ୍ତରେ ନରସଂହାର କରିବାକୁ ପ୍ରସ୍ତୁତ । ତେବେ ବିଶେଷ ସୂତ୍ରରୁ ଜଣାପଡିଛି କି, ଖାଲିଦ୍ କାଶ୍ମୀରରେ ରହି ସଂଗଠନ ଚଳାଉଛି ।
