ମୁମ୍ଵାଇ ୩୧।୦୭; ବଲିଉଡ୍ ଅଭିନେତା ପ୍ରତୀକ ସ୍ମିତା ପାଟିଲ । ଚଳିତ ବର୍ଷ ଫେବୃଆରୀ ୧୪ ତାରିଖରେ ପ୍ରିୟା ବାନାର୍ଜୀଙ୍କୁ ବିବାହ କରିଥିଲେ। ପ୍ରତୀକ ଏବଂ ପ୍ରିୟା ତାଙ୍କ ସ୍ୱର୍ଗତ ମାଆ ସ୍ମିତା ପାଟିଲଙ୍କ ବାନ୍ଦ୍ରା ସ୍ଥିତ ଘରେ ବାହା ହୋଇଥିଲେ । ଏହି ବିବାହରେ କେବଳ କିଛି ଘନିଷ୍ଠ ଲୋକ ଯୋଗ ଦେଇଥିଲେ। ଏକ ସାକ୍ଷତକାରରେ ସମୟରେ, ଦମ୍ପତି କହିଥିଲେ ଯେ ସେ କାହିଁକି ଏହି ଘରେ ବିବାହ କଲେ।
ପ୍ରତୀକ କହିଥିଲେ, " ପ୍ରିୟା ମୋ ମାଆଙ୍କୁ ସ୍ୱପ୍ନରେ ଦେଖିଥିଲେ। ଏହା ପରେ ସେମାନେ ଏହି ଘରେ ବିବାହ କରିବାକୁ ନିଷ୍ପତ୍ତି ନେଇଥିଲେ। ପ୍ରିୟା କହିଥିଲେ, "ମୋ ପାଇଁ, ଘରେ ବିବାହ କରିବା ପ୍ରାଥମିକତା ଥିଲା। ମୁଁ ତାଙ୍କୁ କହିଥିଲି ଯେ ଯଦି ତୁମେ ଗ୍ରାଣ୍ଡ ୱେଡିଂ ଚାହୁଁଛ, ତେବେ ଆମେ ବିବାହ କରିବାନାହିଁ। ପ୍ରିୟା ତାଙ୍କ ସ୍ୱପ୍ନକୁ ଏହିପରି ଶବ୍ଦରେ ପ୍ରକାଶ କଲେ ଯେ ମୁଁ ଆଶ୍ଚର୍ଯ୍ୟ ହୋଇଗଲି । ସେହି ମୁହୂର୍ତ୍ତ ଏପରି ଥିଲା ମୁଁ ଅନୁଭବ କଲି ଏହି ଘରେ ବିବାହ କରିବା ଉଚିତ । ଏହା ସ୍ୱପ୍ନରେ ଥିଲା, ହେଲେ ସ୍ୱପ୍ନ ବହୁତ ଅଦ୍ଭୁତ…
ପ୍ରିୟା କହିଥିଲେ ଯେ ଏହି ସ୍ୱପ୍ନ ପରେ ସେ ଅନୁଭବ କଲେ ଯେ ଏହି ଘରେ ଏକ ସ୍ୱତନ୍ତ୍ର ସ୍ଥାନ ଅଛି। ଯେଉଁଠାରେ ସ୍ମିତା ପାଟିଲ ତାଙ୍କ ମୃତ୍ୟୁ ପୂର୍ବରୁ ତାଙ୍କ ପୁଅ ସହିତ ରହିବାକୁ ଚାହୁଁଥିଲେ। ମୁଁ ଜାଣିଥିଲି ଯେ ଏହି ଘର ତାଙ୍କ ପାଇଁ ଏବଂ ତାଙ୍କ ମାଆଙ୍କ ପାଇଁ। ସେ ତାଙ୍କ ସହିତ ସେହି ଘରେ ତାଙ୍କ ଜୀବନ ବିତାଇବାକୁ ଚାହୁଁଥିଲେ। ତେଣୁ, ମୁଁ ଅନୁଭବ କଲି ଯେ ଏହା ତାଙ୍କର ସ୍ୱପ୍ନ। ସେ ଆମ ସହିତ ନାହାନ୍ତି ସତ କିନ୍ତୁ ଯଦି ଆମେ ବିବାହ କରୁ, ତେବେ ଆମେ ଅନୁଭବ କରିବୁ ଯେ ସେ ଆମ ସହିତ ଅଛନ୍ତି। କହିବାକୁ ଗଲେ ପ୍ରତୀକ ତାଙ୍କ ବାପା ରାଜ ବବର ଏବଂ ଭାଇଭଉଣୀଙ୍କୁ ତାଙ୍କ ବିବାହକୁ ନିମନ୍ତ୍ରଣ କରିନଥିଲେ। ପ୍ରତୀକ ରାଜ ବବର ଏବଂ ଅଭିନେତ୍ରୀ ସ୍ମିତା ପାଟିଲଙ୍କ ପୁଅ। ରାଜ ବବରଙ୍କ ପ୍ରଥମ ପତ୍ନୀ ନାଦିରା ବବର, ଯାହାଙ୍କ ସହିତ ତାଙ୍କର ଦୁଇଟି ସନ୍ତାନ ଅଛନ୍ତି - ଆର୍ଯ୍ୟ ବବର ଏବଂ ଜୁହି ବବର।
