କଟକ: କାଠଯୋଡ଼ି ନଦୀ ପଠାରେ ଅଜଣା ମହିଳାଙ୍କ ମୃତଦେହ । କଟକ ପରମହଂସ କୋଚିଲାଇ ନିକଟରେ ଜଣେ ମହିଳାଙ୍କ ଶବ ଭାସୁଛି । ମୃତଦେହର ମୁହଁ ଏବଂ ବେକରେ ଗଭୀର କ୍ଷତ ଥିବା ଦେଖିବାକୁ ମିଳିଛି । ଘଟଣାସ୍ଥଳରେ କନ୍ଦରପୁର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଘଟଣାସ୍ଥଳରୁ ଏକ ଧାରୁଆ ଅସ୍ତ୍ର ଜଵତ, ଗ୍ଲୋଭ୍ସ ଏବଂ ମଙ୍କି କ୍ୟାପ୍ ଜଵତ କରିଛି ପୋଲିସ । ତାଙ୍କ ହାତରେ ପିତା ବୋଲି ଲେଖା ରହିଛି ।
ମହିଳା ଜଣଙ୍କ ଓଡ଼ିଆ ହୋଇଥିବେ ବୋଲି ପୋଲିସ ସନ୍ଦେହ କରୁଛି । ଡଗ୍ ସ୍କ୍ୱାର୍ଡ ଓ ସାଇଣ୍ଟିଫିକ ଘଟଣାସ୍ଥଳରେ ପହଞ୍ଚି କରୁଛନ୍ତି ତଦନ୍ତ । ମୃତଦେହ ପାଖରୁ ଛୋଟ ପିଲାର ଡ୍ରେସ୍, ପାନପୁଡ଼ିଆ, ହର୍ଲିକ୍ସ, ବ୍ରସ, ଜିଭ-ଛେଲା ମିଳିଥିବା ନେଇ ସୂଚନା ରହିଛି । ମହିଳାଙ୍କୁ ହାଣି ହତ୍ୟା ଯାଇଥିବା ପୋଲିସ ସନ୍ଦେହ କରୁଛି ।
