ନୂଆପଡା ୨/୭: ଚାଷ ଜମିରେ ଥିବା ଖଳାରେ ଫୁଟିଥିଲା ଛତୁ । ଖୁସିରେ ପରିବାର ଲୋକ ଆଣି ରାନ୍ଧି ଖାଇଥିଲେ । ହଠାତ ରାତିରେ ସମସ୍ତଙ୍କୁ ଝାଡା ବାନ୍ତି ହୋଇଥିଲା ।ଏବେ ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ନୂଆପଡା ଖଡିଆଳ ଥାନା କିରିକିଟା ଗାଁ ବନ୍ଧପଡାରେ ବିଷାକ୍ତ ଛତୁ ଖାଇ ଗୋଟିଏ ପରିବାରର ୧୦ ଜଣ ଅସୁସ୍ଥ ହୋଇପଡିଥିଲେ । ସମସ୍ତଙ୍କୁ ଖଡିଆଳ ମେଡିକାଲରେ ଭର୍ତ୍ତି କରାଯାଇଥିଲା । ୬ ଜଣ ସୁସ୍ଥ ହୋଇଥିବାବେଳେ ୪ ଜଣଙ୍କ ସ୍ବାସ୍ଥ୍ୟରେ ଉନ୍ନତି ଆସିନଥିଲା । ସେମାନଙ୍କୁ ନୂଆପଡା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।
