ଲମତାପୁଟ ୧୨/୧୧: ପାଡୁଆ ପୋଲିସ ଓ ଅବକାରୀ ବିଭାଗର ମିଳିତ ରେଡ୍ । ଲମତାପୁଟ ଗଲୁର ପଞ୍ଚାୟତର ଡୁମୁରିଗୁଡା ଗାଁ ଓ ଗଙ୍ଗାଗୁଡା ଗାଁ ନିକଟରେ ୧୯ ଏକର ଜମିରୁ ପ୍ରାୟ ୨୨ ହଜାର ଗଞ୍ଜେଇ ଗଛ ନଷ୍ଟ । ଗୁଇନ୍ଦା ସୂଚନା ଆଧାରରେ କୋରାପୁଟ ଏସ୍ପିଙ୍କ ନିର୍ଦ୍ଦେଶରେ ଆରମ୍ଭ ହୋଇଛି ଅପରେସନ ଗ୍ରୀନ କ୍ଲିନ । ଏହି ଗାଁ ଗୁଡିକ ଆନ୍ଧ୍ର ସୀମାନ୍ତବର୍ତ୍ତୀ ଜଲାପୁଟ ଜଳଭଣ୍ଡାର କୂଳରେ ରହିଛି । ଏଠି ଅନେକ ଦିନ ଧରି ବେଆଇନ ଗଞ୍ଜେଇ ଚାଷ ହୋଇଆସୁଛି । ଏହି ଅଞ୍ଚଳ ମାଓ ପ୍ରଭାବିତ ଅଞ୍ଚଳରେ ପୂର୍ବରୁ ଡିଭିଏଫ୍ ଫୋର୍ସ,ନନ୍ଦପୁର,ପାଡୁଅ ପୋଲିସ ଓ କୋରାପୁଟ ଅବକାରୀ ବିଭାଗ ମିଳିତ ଉଦ୍ୟମରେ ଚଢାଉ କରାଯାଇଥିଲା । ଏହି ଗଞ୍ଜେଇ ଚାଷ ସରକାରୀ ଜମିରେ ହୋଇଛି ନା ମାଲିକାନା ଜମିରେ ହୋଇଛି ତାହା ଜଣାପଡିନି । ଆର୍ଆଇଙ୍କ ରିପୋର୍ଟ ମିଳିବା ପରେ ଯଦି ତାହା ମାଲିକାନା ଜମି ହୋଇଥାଏ ତାହେଲେ ଜମି ମାଲିକଙ୍କ ନାଁରେ ମାମଲା ରୁଜୁ କରାଯିବ । ଏ ସଂପର୍କରେ ସୂଚନା ଦେଇଛନ୍ତି ନନ୍ଦପୁର ଏସ୍ଡିପିଓ ସମ୍ବିତ କିମୱାର ମାଝୀ ।
