ଦିଗପହଣ୍ଡି ୨୮/୬: ସାମାନ୍ୟ ଝଗଡା ନେଲା ଉଗ୍ର ରୂପ । ସ୍କୁଲ ସାମ୍ନାରେ ଛାତ୍ରକୁ ଛୁରି ଭୁସିଲା ସହପାଠୀ । ଗଞ୍ଜାମ ଜିଲ୍ଲା ଦିଗପହଣ୍ଡି ପାଟପୁର ଥାନା ରଘୁନାଥ ହାଇସ୍କୁଲର ଘଟଣା । ଛାତ୍ରଙ୍କ ଛାତିରେ ଆଘାତ ଲାଗିଛି । ଗୁରୁତର ଅବସ୍ଥାରେ ବ୍ରହ୍ମପୁର MKCG ମେଡିକାଲରେ ଭର୍ତ୍ତି କରାଯାଇଛି । ଉଭୟ ଛାତ୍ର ନବମ ଶ୍ରେଣୀର ।
ପୂର୍ବରୁ ମଧ୍ୟ ଟ୍ୟୁସନରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଆଜି କୌଣସି କଥାକୁ ନେଇ ୨ ଛାତ୍ରଙ୍କ ମଧ୍ୟରେ କଥା କଟାକଟି ହୋଇଥିଲା । ପରେ ଜଣେ ଉତ୍ତ୍ୟକ୍ତ ହୋଇ ଅନ୍ୟଜଣକୁ ଛୁରି ଭୁସି ଦେଇଥିବା ଅଭିଯୋଗ ହୋଇଛି । ଆକ୍ରମଣ କରିଥିବା ଛାତ୍ରଙ୍କୁ ଅଟକ ରଖି ପଚରାଉଚରା କରୁଛି ପୋଲିସ ।