ସୁନ୍ଦରଗଡ଼ ୧୨।୧: ସୁନ୍ଦରଗଡ଼ ତଳସରା ଥାନା ଅନ୍ତର୍ଗତ ତୁମୁଲିଆ ପେଟ୍ରୋଲ ପମ୍ପ ନିକଟରେ ଟ୍ରକ୍ରେ ଲାଗିଲା ନିଆଁ । ହୁତୁ ହୁତୁ ହୋଇ ଜଳିଲା ଟ୍ରକ୍ । ଅଗ୍ନିକାଣ୍ଡ ଫଳରେ ଟ୍ରକ୍‌ଟି ସମ୍ପୂର୍ଣ୍ଣ ଜଳିଯାଇଛି । ଉପସ୍ଥିତି ବୁଦ୍ଧି ଖଟାଇ ଟ୍ରକ୍ ଚାଳକ ଗାଡ଼ିକୁ ଛିଡ଼ା କରି ଗାଡିରୁ ଡେଇଁ ନିଜ ଜୀବନ ବଞ୍ଚାଇଛନ୍ତି । ଗାଡିରେ ଥିବା କୋଇଲାରେ ନିଆଁ ଲାଗିଯାଇଥିଲା । ଘଟଣାସ୍ଥଳରେ ଅଗ୍ନିଶମ ବିଭାଗ ଟିମ୍ ପହଞ୍ଚି ନିଆଁକୁ ଆୟତ କରିଛି । ଗାଡ଼ିଟି ଛତିଶଗଡ଼ ପଟୁ ବାଲିସଙ୍କରା ଦେଇ ରାଉରକେଲା ଯାଉଥିବା ବେଳେ ଏହି ଘଟଣା ଘଟିଛି । ଘଟଣାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇପାରିନଥିବା ବେଳେ ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା   ଅନୁମାନ କରାଯାଉଛି । ଏହି ଘଟଣା ଯୋଗୁଁ କଛି ସମୟଧରି ରାସ୍ତା ଜାମ ହୋଇଥିବା ଦେଖିବାକୁ ମିଳିଥିଲା । ଅଗ୍ନିଶମ ବିଭାଗ ଚେଷ୍ଟାରେ ଏହା କେବଳ ଟ୍ରକ୍ ଇଞ୍ଜିନ ପର୍ଯ୍ୟନ୍ତ ସୀମିତ ରହିଛି । ନିଆଁ ଆୟତ ହେବା ପରେ ଯାତାୟାତ ସ୍ଵାଭାବିକ ହୋଇଥିଲା ।

You Can Read:

ଯୋଗାଣ ନିରୀକ୍ଷକଙ୍କୁ କାର୍ଯ୍ୟରୁ ନିଲମ୍ବିତ କଲେ ଖାଦ୍ୟ ଯୋଗାଣ ମନ୍ତ୍ରୀ