ମାଲକାନଗିରି ୮/୬: କାର୍ଯ୍ୟକ୍ଷମ ହୋଇନି, ୨ଥର ଭୁଶୁଡିଲାଣି । ନିମ୍ନମାନର କାମ ଅଭିଯୋଗ ଆଣିଲେ ଲୋକେ । ପୁଣି ଭୁଶୁଡି ପଡିଛି ମାଲକାନଗିରି ଏୟାରପୋର୍ଟ ପାଚେରୀ । ବିଳମ୍ବିତ ରାତିରେ ପ୍ରବଳ ବର୍ଷା ହୋଇଥିବାବେଳେ ପାଣି ସୁଅରେ ନିର୍ମାଣାଧୀନ ବିମାନବନ୍ଦରର ଲମ୍ବା ପାଚେରୀ ଭୁଶୁଡି ପଡିଛି ।୨୦ରୁ ୩୦ ମିଟର ଯାଏ ପାଚେରୀ ଭୁଶୁଡି ପଡିଥିଲେ ମଧ୍ୟ କାହାର କିଛି କ୍ଷତି ହୋଇନି ।
ଗତ ବର୍ଷ ମଧ୍ୟ ପାଚେରୀ ଭାଙ୍ଗି ଜଣେ ଶ୍ରମିକଙ୍କର ମୃତ୍ୟୁ ହୋଇଥିଲା । ବିମାନବନ୍ଦର କାର୍ଯ୍ୟକ୍ଷମ ହେବା ପୂର୍ବରୁ ବାରମ୍ବାର ପାଚେରୀ ଭୁଶୁଡିବା ନେଇ ନାନା ପ୍ରଶ୍ନ ସୃଷ୍ଟି ହୋଇଛି । ନିମ୍ନମାନର କାମ ହୋଇଥିବା ନେଇ ଅଭିଯୋଗ ଆଣିଛନ୍ତି ସ୍ଥାନୀୟ ଲୋକ । ଏନେଇ ଜିଲ୍ଲା ପ୍ରଶାସନର କୌଣସି ପ୍ରତିକ୍ରିୟା ମିଳିପାରିନି ।
