ଶୀତ ଦିନ ହେଲେ ଲୋକେ ଗାଧୋଇବାକୁ ଡରନ୍ତି । ଏଥିପାଇଁ ଅନେକ ଲୋକ ଗରମ ପାଣିରେ ଗାଧୋଇବାକୁ ଭଲ ପାଆନ୍ତି। କାହିଁକି ନା ଧାରଣା ଅଛି ଯେ ଗରମ ପାଣିରେ ଗାଧୋଇବା ଦ୍ୱାରା ଶରୀର ସତେଜ ହୋଇଥାଏ । ଅତ୍ୟଧିକ ଥଣ୍ଡାରୁ ଆରାମ ମିଳିଥାଏ। ବାସ୍ତବରେ ଗରମ ପାଣିରେ ଗାଧୋଇବା ଦ୍ୱାରା ଫାଇଦା ମିଳିଥାଏ।
ଗରମ ପାଣିରେ ଗାଧୋଇବାର ଯେତିକି ଫାଇଦା ଅଛି, ସେତିକି ଅସୁବିଧା ମଧ୍ୟ ରହିଛି। ଅତ୍ୟଧିକ ଗରମ ପାଣି ଚର୍ମର ପ୍ରାକୃତିକ ଆର୍ଦ୍ରତାକୁ ନଷ୍ଟ କରିଦିଏ। ଯାହା ଦ୍ୱାରା ଚର୍ମ ଶୁଖିଲା ହୋଇଯାଏ। ଏହା ଚର୍ମରେ ଜ୍ୱଳନ, କୁଞ୍ଚନ ଏବଂ ଫାଟ ସୃଷ୍ଟି କରିପାରେ।
ଗରମ ପାଣିରେ ସ୍ନାନ କରିବା ଦ୍ୱାରା ଚର୍ମର ଉପର ସ୍ତରରେ ଜ୍ୱଳନ ମଧ୍ୟ ସୃଷ୍ଟି ହୋଇପାରେ, ବିଶେଷ କରି ସେନ୍ସିଟିଭ ସ୍କିନ୍ କ୍ଷେତ୍ରରେ ଏହା ଦେଖାଯାଏ। ଅତ୍ୟଧିକ ଗରମ ପାଣିରେ ଗାଧୋଇବା ଦ୍ୱାରା ଚର୍ମରେ ଲାଲ ରଙ୍ଗ, କୁଞ୍ଚନ ଏବଂ ଆଲର୍ଜି ହୋଇପାରେ। ଏହା ଚର୍ମର ଅବସ୍ଥାକୁ ଖରାପ କରିପାରେ।
ଏହା ବ୍ୟତୀତ ଗରମ ପାଣିରେ ଗାଧୋଇଲେ ଶରୀରର ତାପମାତ୍ରା ବଢିଯାଏ। ଏହା ଦ୍ୱାରା ରକ୍ତଚାପ ବୃଦ୍ଧି ପାଇପାରେ। ବିଶେଷକରି ଯଦି ରକ୍ତଚାପ ସମସ୍ୟା ଥାଏ, ତେବେ ଗରମ ପାଣିରେ ଗାଧୋଇବା ହୃତପିଣ୍ଡ ଏବଂ ରକ୍ତବାହୀ ଉପରେ ଅତିରିକ୍ତ ଚାପ ପକାଇପାରେ। ଏହା ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ।
ନିୟମିତ ଭାବେ ଗରମ ପାଣିରେ ଗାଧୋଇବା ଦ୍ୱାରା ଶରୀରର ତାପମାତ୍ରା ବୃଦ୍ଧି ହୁଏ। ଫଳରେ ମୁଣ୍ଡ ବୁଲାଇବା, ଥକାପଣ ଏବଂ ଶରୀର ଦୁର୍ବଳ ଲାଗିପାରେ। ଏହା ହୃତପିଣ୍ଡ କିମ୍ବା ରକ୍ତଚାପ ସମସ୍ୟା ଥିବା ବ୍ୟକ୍ତିଙ୍କ ପାଇଁ ବିପଦପୂର୍ଣ୍ଣ ହୋଇପାରେ।
ଗରମ ପାଣିରେ ଗାଧୋଇଲେ କ'ଣ ମିଳେ ଫାଇଦା:
-ଶୀତଦିନେ ଗରମ ପାଣିରେ ଗାଧୋଇଲେ ଆରାମ ମିଳିଥାଏ ଏବଂ ଚାପ କମିଯାଏ। ଏହା ମାନସିକ ଥକାପଣକୁ ଦୂର କରିଥାଏ ଏବଂ ଶରୀରକୁ ଆରାମ ଦେଇଥାଏ ।
-ଏହା ବ୍ୟତୀତ, ଗରମ ପାଣିରେ ଗାଧୋଇବା ଦ୍ୱାରା ମାଂସପେଶୀ ଚାପ ମଧ୍ୟ କମିଯାଏ। ଗରମ ପାଣିରେ ସ୍ନାନ କଲେ ରକ୍ତ ସଞ୍ଚାଳନ ମଧ୍ୟ ବୃଦ୍ଧି ପାଇଥାଏ। ଏହା ଶରୀରର ସମସ୍ତ ଅଙ୍ଗକୁ ରକ୍ତ ସଞ୍ଚାଳନ ବଢାଇଥାଏ। ଯେଉଁ କାରଣରୁ ଅମ୍ଳଜାନ ଏବଂ ପୋଷକ ତତ୍ତ୍ୱ ଶରୀରର ଟିସୁ ଏବଂ ଅଙ୍ଗରେ ସଠିକ୍ ଭାବରେ ପହଞ୍ଚିପାରେ।
-ଯଦି ଜଣେ ବ୍ୟକ୍ତିର ମାଂସପେଶୀ ଯନ୍ତ୍ରଣା ସମସ୍ୟା ଥାଏ, ତେବେ ଗରମ ପାଣିରେ ଗାଧୋଇବା ଉପକାରୀ ହୋଇପାରେ। ଯଦି ଉଷୁମ ପାଣିରେ ସ୍ନାନ କରନ୍ତି, ତେବେ ଚର୍ମକୁ ଆରାମ ମିଳିଥାଏ। ଚର୍ମରୁ ମଇଳା ମଧ୍ୟ ଦୂର ହୋଇଥାଏ।
