କଟକ: ନେତାଜୀ ସୁବାଷ ଚନ୍ଦ୍ର ବୋଷଙ୍କ ଜୟନ୍ତୀ ଅବସରରେ କଟକରେ ଵିଜେଡି ପକ୍ଷରୁ ଏକ ବିଶାଳ ମଶାଲ ଶୋଭାଯାତ୍ରା କରାଯାଇଛି।ଗୁରୁବାର ସଧ୍ୟାରେ ବକ୍ସିବଜାର ଅଗ୍ନିଶମ କାର୍ଯ୍ୟାଳୟ ନିକଟରୁ ଏହି ମଶାଲ ଶୋଭାଯାତ୍ରା ଵାହାରି ନେତାଜୀଙ୍କ ଜନ୍ମସ୍ଥାନ ଓଡିଆ ଵଜାରସ୍ଥିତ ପର୍ଯ୍ୟନ୍ତ ଯାଇଥିଲା।
ବିଜେଡି ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟଙ୍କ ନେତୃତ୍ବରେ ଆୟୋଜିତ ଏହି ମଶାଲ ଶୋଭାଯାତ୍ରାରେ ରାଜ୍ୟର ବହୁ ଯୁବ ନେତୃବୃନ୍ଦ ଯୋଗ ଦେଇଥିଲେ। ଵିଜେଡି ନେତା ଚନ୍ଦ୍ର ସାରଥି ବେହେରା, ପ୍ରଣବ ବଳବନ୍ତରାୟ, ଅଂଶୁମାନ ମହାନ୍ତି, ସୁନିଲ ମହାନ୍ତି ଓ ଦେଵେଶ ଆଚାର୍ଯ୍ୟ ପ୍ରମୁଖ ଏହି ମଶାଲ ଶୋଭାଯାତ୍ରାରେ ଯୋଗ ଦେଇ ନେତାଜୀ ଜନ୍ମସ୍ଥାନ ସଂଗ୍ରହାଳୟକୁ ଜାତୀୟ ସ୍ମାରକୀ ପ୍ରଦାନ ଦାଵି ଦୋହରାଇଥିଲେ।
