ଜୟପୁର ୨୪/୧: ସକାଳୁ ଫୁଲ ତୋଳିବାକୁ ଯାଉଥିଲେ ହୋଇଯାଆନ୍ତୁ ସାବଧାନ । କାହିଁକି ନା ଆପଣଙ୍କୁ ଟାର୍ଗେଟ କରିପାରନ୍ତି ଲୁଟେରା । ଜୟପୁର ଅମ୍ବାଗୁଡାରୁ ଆସିଛି ଏମିତି ଘଟଣା । ଫୁଲ ତୋଳିବାକୁ ଯାଇ ଲୁଟ୍ର ଶିକାର ହୋଇଛନ୍ତି ମହିଳା । ଶୁକ୍ରବାର ସକାଳ ପ୍ରାୟ ୬ଟା ସମୟ ।ଆମ୍ବାଗୁଡା ଗାଁର ନ୍ୟୁ କଲୋନୀର ପ୍ରଫୁଲ୍ଲ ମଣି ପାତ୍ର ଘର ଆଗରେ ଥିବା ଗଛରୁ ଫୁଲ ତୋଳିବାକୁ ଯାଇଥିଲେ । ସେଠି ଫୁଲ ତୋଳୁଥିବା ବେଳେ ହଠାତ ପଛପଟୁ ୨ଜଣ ଦୁର୍ବୃତ୍ତ ମାଡିବସିଥିଲେ ।
ପ୍ରଫୁଲ୍ଲ ମଣି କିଛି ବୁଝିବା ପୂର୍ବରୁ ବେକରୁ ସୁନା ଚେନ୍ ଝାମ୍ପି ନେଇ ବାଇକରେ ଚଂପଟ ମାରିଥିଲେ । ଲୁଟ୍ ସୁନାର ଓଜନ ଦେଢ ତୋଳା ହେବ ବୋଲି କହିଛନ୍ତି ପ୍ରଫୁଲ୍ଲ ମଣି ।ଥାନାରେ ଅଭିଯୋଗ ପରେ ପୋଲିସ ତନାଘନା ଆରମ୍ଭ କରିଛି । ବିଭିନ୍ନ ସ୍ଥାନରେ ସିସିଟିଭି ଯାଞ୍ଚ କରୁଛି ପୋଲିସ
ଗତ କିଛି ଦିନ ଧରି ଜୟପୁରରେ ଲୁଟେରାଙ୍କ ଉତ୍ପାତ ବଢି ବଢି ଚାଲିଛି । ଲୁଟେରାମାନେ ମହିଳାମାନଙ୍କୁ ଟାର୍ଗେଟ କରୁଛନ୍ତି । ସକାଳ ସମୟରେ ଏକୁଟିଆ ମହିଳାଙ୍କୁ ଟାର୍ଗେଟ କରୁଛନ୍ତି । ସୁଯୋଗ ଦେଖି ସୁନା ଅଳଙ୍କାର ଲୁଟି ନେଇଛନ୍ତି । ଯାହା ପୁରା ଅଞ୍ଚଳରେ ଭୟର ବାତାବରଣ ସୃଷ୍ଟି କରିଛି ।
