ଚେନ୍ନାଇ: ତାମିଲନାଡ଼ୁରେ ପୁଣି ଥରେ AIADMK ଓ କେନ୍ଦ୍ରରେ ଶାସନରେ ଥିବା ବିଜେପି ମଧ୍ୟରେ ମେଣ୍ଟ ହୋଇଛି । ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଇଡାପ୍ପାଦୀ କେ ପଲାନୀସ୍ୱାମୀଙ୍କ (EPS)ଙ୍କ ନେତୃତ୍ୱରେ ଦୁଇ ଦଳ ଆଗାମୀ ବର୍ଷ ହେବାକୁ ଥିବା ବିଧାନସଭା ନିର୍ବାଚନ ଲଢିବେ । କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ଶୁକ୍ରବାର ଚେନ୍ନାଇରେ ଏକ ସଂଯୁକ୍ତ ପ୍ରେସ୍ କନଫରେନ୍ସିଂରେ ମେଣ୍ଟ ନେଇ ଘୋଷଣା କରିଛନ୍ତି । ଉଲ୍ଲେଖଯୋଗ୍ୟ ଯେ ପୂର୍ବରୁ ବି ଦଳ ମଧ୍ୟରେ ମେଣ୍ଟ ଥିଲା ।
ଅମିତ୍ ଶାହ କହିଛନ୍ତି, ଆଜି ଏଆଇଏଡିଏମକେ ଓ ବିଜେପି ନେତା ନିଷ୍ପତ୍ତି ନେଇଛନ୍ତି ଯେ ଆଗାମୀ ତାମିଲନାଡ଼ୁ ବିଧାନସଭା ନିର୍ବାଚନ ଉଭୟ ଦଳ ଏକ ହୋଇ ଲଢିବେ । ଶାହ କହିଛନ୍ତି ଯେ ଆସନ ବୁଝାମଣା ଓ ସରକାର ଗଠନ ପରେ ମନ୍ତ୍ରଣାଳୟ, ଏହି ଦୁଇ ପ୍ରସଙ୍ଗ ଉପରେ ପରେ ନିଷ୍ପତ୍ତି ନିଆଯିବ । ସେ କହିଛନ୍ତି ଯେ ରାଷ୍ଟ୍ରୀୟ ସ୍ତରରେ ପିଏମ୍ ମୋଦୀଙ୍କ ନେତୃତ୍ୱରେ ଓ ତାମିଲନାଡ଼ୁରେ EPSଙ୍କ ନେତୃତ୍ୱରେ ନିର୍ବାଚନ ଲଢାଯିବ । ଶାହ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ମେଣ୍ଟ ସରକାର ପଲାନୀସ୍ୱାମୀ ମୁଖ୍ୟମନ୍ତ୍ରୀ ଚେହେରା ହେବେ ।
#WATCH | Chennai, Tamil Nadu: On the BJP-AIADMK alliance for Tamil Nadu Vidhan Sabha elections, Union Home Minister Amit Shah says, "It was delayed because now this alliance is going to be permanent. It will not have any issues again... The BJP respects and takes pride in Tamil… pic.twitter.com/JSSNpDhZ1n
— ANI (@ANI) April 11, 2025
ସାମ୍ୱାଦିକ ସମ୍ମିଳନୀରେ ଅମିତ୍ ଶାହଙ୍କ ସହ ପଲାନୀସ୍ୱାମୀ ଓ ବିଜେପି ନେତା ଆନ୍ନାମଲାଇ ଉପସ୍ଥିତ ଥିଲେ । ଏହି ଅବସରରେ ଶାହ ୧୯୯୮ ଲୋକସଭାରେ ମିଳିଥିବା ବଡ଼ ବିଜୟ କଥା ମଧ୍ୟ ଉଲ୍ଲେଖ କରିଛନ୍ତି । ସେତେବେଳେ ବିଜେପି ଓ ଏଆଇଏଡିଏମକେ ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ନେତୃତ୍ୱରେ ମେଣ୍ଟ କରିଥିଲା । ବିଜେପି-ଏଆଇଏଡିଏମକେ ମେଣ୍ଟ ତାମିଲନାଡ଼ୁରେ ୩୯ ଲୋକସଭା ଆସନରୁ ୩୦ ଜିତିଥିଲା ।
Also Read: ଆନ୍ନାମଲାଇଙ୍କ ସ୍ଥାନ ନେବେ ଏନ୍.ନାଗେନ୍ଦ୍ରନ୍, ତାମିଲନାଡ଼ୁ ବିଜେପି ଅଧ୍ୟକ୍ଷ ପାଇଁ ନାମାଙ୍କନ ଭରିଲେ ବିଜେପି ବିଧାୟକ
