ବଲାଙ୍ଗୀର ୩୦/୧୧: ବଲାଙ୍ଗୀର ସ୍ଥିତ ଭୀମଭୋଇ ମେଡିକାଲରେ ଅଭାବନୀୟ ପରିସ୍ଥିତି । ସର୍ଟସର୍କିଟରୁ ଜଳିଗଲା ତାର । ସବୁ ବିଭାଗରେ ବିଦ୍ୟୁତ ସେବା ଠପ୍ । ହନ୍ତସନ୍ତ ରୋଗୀ ଓ ସଂପର୍କୀୟ । ଶୁକ୍ରବାର ବିଳମ୍ବିତ ରାତିରେ ଭୀମଭୋଇ ମେଡିକାଲର ମୁଖ୍ୟ ସର୍ଜରୀ ୱାର୍ଡ ସମ୍ମୁଖରେ ମୁଖ୍ୟ ତାର ସହ ସମସ୍ତ ବିଭାଗକୁ ସଂଯୋଗ ହୋଇଥିବା ତାର ଗଚ୍ଛିତ ହୋଇ ଯାଇଥିଲା । ସେହି ସ୍ଥାନରେ ସର୍ଟସର୍କିଟ ହୋଇ ଜଳିଯାଇଛି ସମସ୍ତ ତାର । ଫଳରେ ବିଦ୍ୟୁତ ସେବା ଏକପ୍ରକାର ଠପ୍ ହୋଇଯାଇଛି । ଡାଏଲିସିସ ସହ ଅଲଟ୍ରାସାଉଣ୍ଡ ଭଳି ସେବା ବନ୍ଦ ହୋଇ ଯାଇଛି । ତେବେ ହସ୍ପିଟାଲକୁ ଟ୍ରାନ୍ସଫର୍ମରରୁ ଆସିଥିବା ମୁଖ୍ୟ କେବୁଲ ସହ ଅନ୍ୟ ବିଭାଗକୁ ଯାଉଥିବା କେବୁଲ ଯେମିତି ଏକାଠି କରି ନିଆଯାଇଥିବାରୁ ଏତେ ବଡ ଅଘଟଣ ଘଟିଥିବା କୁହାଯାଉଛି । କରେଣ୍ଟ ନଥିବାରୁ ନାହିଁନଥିବା ଅସୁବିଧାର ସମ୍ମୁଖୀନ ହେଉଥିବା ରୋଗୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
