ଖଲ୍ଲିକୋଟ 26/12 : ଖଲ୍ଲିକୋଟ ପୋଲିସ୍ କୁ ମିଳିଛି ବଡ ସଫଳତାI ଦୀର୍ଘ ଦିନ ହେଲା ଖଲ୍ଲିକୋଟ ଅଞ୍ଚଳରୁ ବିଭିନ୍ନ ମନ୍ଦିରରୁ ହୁଣ୍ଡି ଭାଙ୍ଗି ଚୋରି ହେଉଥିବା ଘଟଣା ସାମ୍ନାକୁ ଆସୁଥିବା ବେଳେ ଗୁରୁବାର ଖଲ୍ଲିକୋଟ ପୋଲିସ ଦୁଇଜଣ ଚୋରକୁ ଧରିବାରେ ସଫଳ ହୋଇଛି I ରମ୍ଭା ପାହାଡା ସାହିରେ ରହୁଥିବା ସ୍ଵାମୀ ଓ ସ୍ତ୍ରୀ ଖଲ୍ଲିକୋଟ ଅଞ୍ଚଳର ପଥରା , କେଶପୂର ଓ ରମ୍ଭା ଥାନା ଅନ୍ତର୍ଗତ ବିଭିନ୍ନ ମନ୍ଦିରରୁ ଚୋରି କରି ଆସୁଥିଲେ I ଖଲ୍ଲିକୋଟ ପୋଲିସ୍ ଜାତୀୟ ରାଜପଥରେ ଗାଡି ଚେକିଙ୍ଗ କରୁଥିବା ବେଳେ ଏକ ସ୍କୁତି ଯୋଗେ ସ୍ଵାମୀ ଓ ସ୍ତ୍ରୀ ଯାଉଥିବା ବେଳେ ପୋଲିସ ସନ୍ଦେହ କରି ତାଙ୍କୁ ଅଟକାଇ ଯାଞ୍ଚ କରିଥିଲା । ସ୍କୁଟି ଡିକିରୁ ନଗଦ ୩୦ ହଜାର ଟଙ୍କା ୩ ଗୋଟି ମୋବାଇଲ , ଗୋଟିଏ ସୁନା ଖଡ଼ିକା ଓ ରୁପାର ଲକେଟ୍ ଜବତ କରିଥିଲେ। ଏହା ସହିତ ଗୋଟାଏ ଲୁହା ରଡ ଓ ସ୍କ୍ରୁ ଡ଼୍ରାଇଭର ସେମାନେ ବ୍ୟବହାର କରୁଥିଲେ ଯାହା ସ୍କୁଟିରୁ ଜବତ କରିବା ସହିତ ଦୁଇଜଣଙ୍କୁ ଗିରଫ କରିଛି ଖଲ୍ଲିକୋଟ ପୋଲିସ୍ I
ଜିଲ୍ଲାର ବିଭିନ୍ନ ମନ୍ଦିରରୁ ଚୋରି ଅଭିଯୋଗ ଆସିବା ପରେ ଗଞ୍ଜାମ ଏସପି ଙ୍କ ନିର୍ଦ୍ଦେଶ କ୍ରମେ ରମ୍ଭା ଥାନା ଏବଂ ଖଲ୍ଲିକୋଟ ଥାନାକୁ ନେଇ ଦୁଇଟି ଟିମ୍ ଗଠନ କରା ଯାଇଥିଲା I ଗୁରୁବାର ପୋଲିସ୍ କୁ ସଫଳତା ମିଳିଛି I ଛତ୍ରପୁର ଏସ.ଡି.ପି.ଓ. ଏକ ପ୍ରେସ୍ ମିଟ୍ ରେ କହିଛନ୍ତି ଏହି ଦମ୍ପତ୍ତିଙ୍କୁ ରିମାଣ୍ଡରେ ନେଇ ଅଧିକ ତଦନ୍ତ କରାଯିବ।
Also Read-
