ନୂଆଦିଲ୍ଲୀ ୧୧/୦୧: ଚହଲ-ଧନଶ୍ରୀଙ୍କ ପରେ ଆଉ ଜଣେ କ୍ରିକେଟର । ବୈବାହିକ ଜୀବନରେ ପଡିବାକୁ ଯାଉଛି ଭଟ୍ଟା । ଶିଖର ଧାୱନ ଏବଂ ଆୟେଶା ମୁଖାର୍ଜୀଙ୍କ ପରେ, ହାର୍ଦ୍ଦିକ ପାଣ୍ଡ୍ୟା ଏବଂ ନତାଶା ଷ୍ଟାନକୋଭିକ୍ ଙ୍କ ସମ୍ପର୍କ ଶେଷ ହୋଇଗଲା। ନିକଟରେ ଟିମ୍ ଇଣ୍ଡିଆର ଲେଗ୍ ସ୍ପିନର ୟୁଜଭେନ୍ଦ୍ର ଚହଲ ଏବଂ ଧନଶ୍ରୀ ବର୍ମାଙ୍କ ଛାଡପତ୍ରର ଖବର ମଧ୍ୟ ଆସିଛି । ତେବେ ଏହି ଖବର ଚର୍ଚ୍ଚା ଥମିନଥିବାବେଳେ ପୁଣି ଚର୍ଚ୍ଚା ଆଉ ଗୋଟିଏ ସେଲିବ୍ରିଟି କପଲ୍କୁ ନେଇ ।
ଦୁହେଁ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ପରସ୍ପରକୁ କରିଛନ୍ତି ଅନଫଲୋ । ଭାରତୀୟ କ୍ରିକେଟର ମନୀଷ ପାଣ୍ଡେ ଏବଂ ତାଙ୍କ ପତ୍ନୀ ଆଶ୍ରିତା ସେଟ୍ଟୀଙ୍କ ମଧ୍ୟରେ ତିକ୍ତତା ଥିବା ଖବର ଆସିଛି । ତେବେ ମନୀଷ ପାଣ୍ଡେ ଇନଷ୍ଟାରୁ ତାଙ୍କ ପତ୍ନୀଙ୍କ ଫଟୋ ହଟାଇ ଦେଇଛନ୍ତି । ଭାରତୀୟ ଦଳର ଅଭିଜ୍ଞ ବ୍ୟାଟସମ୍ୟାନ୍ ମନୀଷ ପାଣ୍ଡେଙ୍କ ଇନଷ୍ଟାଗ୍ରାମ ପ୍ରୋଫାଇଲ୍ରୁ ତାଙ୍କ ପତ୍ନୀ ଆଶ୍ରିତା ଶେଟ୍ଟୀଙ୍କ ଫଟୋ ଗାଏବ ।
ମନୀଷ ସୋସିଆଲ ମିଡିଆରେ ବହୁତ କମ୍ ସକ୍ରିୟ । କିନ୍ତୁ ସେ ତାଙ୍କ ସ୍ତ୍ରୀଙ୍କ ସହ ଅନେକ ଫଟୋ ସେୟାର କରିଥିଲେ । ଏବେ ସବୁକିଛି ଡିଲିଟ କରିଦେଇଛନ୍ତି । ଆଶ୍ରିତା ଶେଟ୍ଟୀ ବି ତାଙ୍କ ପ୍ରୋଫାଇଲରୁ ମନୀଷ ପାଣ୍ଡେଙ୍କ ସହ ଫଟୋ ହଟାଇ ଦେଇଛନ୍ତି । ଦୁହେଁ ସୋସିଆଲ ମିଡିଆରେ ପରସ୍ପରକୁ ଅନ୍ଫଲୋ କରିଛନ୍ତି । କହିବାକୁ ଗଲେ ୨୦୧୫ରେ ଭାରତ ପାଇଁ ଡେବ୍ୟୁ କରିଥିବା ମନୀଷ ପାଣ୍ଡେ ୨୦୧୯ରେ ଆଶ୍ରିତା ସେଟ୍ଟୀଙ୍କୁ ବିବାହ କରିଥିଲେ ।
ଆଶ୍ରିତାଙ୍କ ପରିବାର କର୍ଣ୍ଣାଟକର ଏବଂ ସେ ଜଣେ ତାମିଲ ଚଳଚ୍ଚିତ୍ର ଅଭିନେତ୍ରୀ । ବିବାହ ପରେ, ତାଙ୍କୁ ଭାରତୀୟ ଦଳର ମ୍ୟାଚ୍ ଏବଂ IPL ସମୟରେ ମଧ୍ୟ ଦେଖିବାକୁ ମିଳୁଥିଲା । କିନ୍ତୁ ତାଙ୍କୁ IPL 2024 ସମୟରେ ଦେଖାଯାଇ ନଥିଲା । ମନୀଷ ପାଣ୍ଡେ କୋଲକାତା ନାଇଟ୍ ରାଇଡର୍ସର ଅଂଶ ଥିଲେ ଏବଂ ଦଳ ମଧ୍ୟ ଚାମ୍ପିଅନ୍ ହୋଇଥିଲା । ଚାମ୍ପିଅନ୍ ହେବା ପରେ ମଧ୍ୟ, ଆଶ୍ରିତା କିଛି ପୋଷ୍ଟ କରିନଥିଲେ।
