ନୂଆଦିଲ୍ଲୀ୧୨/୧୨ : ଦିଲ୍ଲୀରେ ରେକର୍ଡ ଭାଙ୍ଗିଲା ଶୀତ । ଚଳିତ ମାସରେ ପ୍ରଥମ ଥର ଦିଲ୍ଲୀରେ ସର୍ବନିମ୍ନ ତାପମାତ୍ରା ୫ ଡିଗ୍ରୀ ତଳକୁ ଖସିଛି । ସଫଦରଜଙ୍ଗରରେ ତାପାମାତ୍ରା ୪.୫ ଡିଗ୍ରୀ ରେକର୍ଡ କରାଯାଇଛି । ଯାହା ଗତ ୧୪ ବର୍ଷର ରେକର୍ଡ ଭାଙ୍ଗିଛି । ରବିବାର ଠାରୁ ଦିଲ୍ଲୀରେ ଶୀତ ଲହରୀ ଜାରି ରହିଛି । ଜାଡରେ ଥରୁଛି ଦିଲ୍ଲୀ ସମେତ ପୁରା ଉତ୍ତର ଭାରତ ।
ଆଗକୁ ଆହୁରି ଶୀତ ବଢିବା ନେଇ ଆକଳନ କରିଛି ପାଣିପାଗ ବିଭାଗ । ରେକର୍ଡ ଅନୁସାରେ ୧୯୮୭ ଡିସେମ୍ବର ୬ରେ ୪.୧ ଡିଗ୍ରୀ ରେକର୍ଡ ହୋଇଥିଲା । ବୁଧବାର ତାପମାତ୍ରା ୫ ଡିଗ୍ରୀ ତଳକୁ ଖସିଯାଇଛି । ଆସନ୍ତା ୧୩ ଯାଏ ଶୀତ ଲହରୀ ଜାରି ରହିବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ଏନ୍ସିଆର ଓ ଉତ୍ତର ଭାରତର ପାହାଡିଆ ଅଞ୍ଚଳରେ ବରଫପାତ ହେଉଛି । ଏହାର ପ୍ରଭାବରେ ଶୀତ ବଢିଥିବା କହିଛି ପାଣିପାଗ ବିଭାଗ ।
