ନୂଆଦିଲ୍ଲୀ: ହରିୟାଣା ନିର୍ବାଚନ ପୂର୍ବରୁ ଶାସକ ବିଜେପିକୁ ବଡ଼ ଝଟକା ଲାଗିଛି । ଭୋଟିଂର ଠିକ୍ ଦୁଇ ଦିନ ପୂର୍ବରୁ ପୂର୍ବତନ ସାଂସଦ ଏବଂ ଦଳିତ ନେତା ଅଶୋକ ତନୱର କଂଗ୍ରେସକୁ ଫେରିଛନ୍ତି । ମହେନ୍ଦ୍ରଗଡ଼ ନିର୍ବାଚନ ରାଲିରେ ରାହୁଲ ଗାନ୍ଧୀଙ୍କ ଉପସ୍ଥିତିରେ ସେ ପାର୍ଟିରେ ସାମିଲ ହୋଇଛନ୍ତି । ଏହି ଅବସରରେ ପୂର୍ବତନ ମୁଖ୍ୟମନ୍ତ୍ରୀ ଭୂପେନ୍ଦ୍ର ସିଂ ହୁଡ୍ଡା ମଧ୍ୟ ଉପସ୍ଥିତ ରହିଥିଲେ । ଉଲ୍ଲେଖଯୋଗ୍ୟ ଯେ ଅଶୋକ ତନୱର କିଛି ଘଣ୍ଟା ପୂର୍ବରୁ ବିଜେପି ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରୁଥିଲେ କିନ୍ତୁ କିଛି ସମୟ ପରେ ତାଙ୍କ ହୃଦୟ ପରିବର୍ତ୍ତନ ହୋଇଛି । ଅଶୋକ ତନୱର ଗତ ୫ ବର୍ଷରେ ୪ଟି ପାର୍ଟି ପରିବର୍ତ୍ତନ କରିଛନ୍ତି ।

ଅଶୋକଙ୍କ ଘର ବାହୁଡ଼ାକୁ ପରେ କଂଗ୍ରେସ ଏକ୍ସରେ ଏକ ପୋଷ୍ଟ କରିଛି । ଏଥିରେ କୁହାଯାଇଛି, 'କଂଗ୍ରେସ ଲଗାତାର ଶୋଷିତ, ବଞ୍ଚିତଙ୍କ ହକ୍ ପାଇଁ ସ୍ୱର ଉଠାଇଛି ଏବଂ ସମ୍ୱିଧାନର ରକ୍ଷା ପାଇଁ ସଚ୍ଚୋଟତା ସହ ଲଢେଇ କରୁଛି । ଆମର ଏହି ସଂଘର୍ଷ ଏବଂ ସମର୍ପଣରେ ପ୍ରଭାବିତ ହୋଇ ଆଜି ବିଜେପିର ବରିଷ୍ଠ ନେତା, ପୂର୍ବତନ ସାଂସଦ, ହରିୟାଣାରେ ବିଜେପିର କ୍ୟାମ୍ପେନ କମିଟିର ସଦସ୍ୟ ଏବଂ ଷ୍ଟାର ପ୍ରଚାରକ ଶ୍ରୀ ଅଶୋକ ତନୱର କଂଗ୍ରେସରେ ସାମିଲ ହୋଇଛନ୍ତି । ଦଳିତଙ୍କ ହକର ଲଢେଇକୁ ଆପଣଙ୍କ ଯୋଗଦାନରେ ମଜଭୁତି ମିଳିବ । କଂଗ୍ରେସ ପରିବାରରେ ଆପଣଙ୍କୁ ପୁନଃ ସ୍ୱାଗତ, ଭବିଷ୍ୟତ ପାଇଁ ଶୁଭ କାମନା ।'

कांग्रेस ने लगातार शोषितों, वंचितों के हक़ की आवाज़ उठाई है और संविधान की रक्षा के लिए पूरी ईमानदारी से लड़ाई लड़ी है।

हमारे इस संघर्ष और समर्पण से प्रभावित होकर आज BJP के वरिष्ठ नेता, पूर्व सांसद, हरियाणा में BJP की कैंपेन कमेटी के सदस्य और स्टार प्रचारक श्री अशोक तंवर… pic.twitter.com/DynuJEleSE

— Congress (@INCIndia) October 3, 2024

ଉଲ୍ଲେଖଯୋଗ୍ୟ ଯେ ଅଶୋକ ତନୱର ହିସାରରୁ ଲୋକସଭା ସାଂସଦ ରହି ସାରିଛନ୍ତି । ସେ ହରିୟାଣା କଂଗ୍ରେସର ଅଧ୍ୟକ୍ଷ ମଧ୍ୟ ରହିଥିଲେ । ୨୦୧୯ ଅକ୍ଟୋବରରେ ହୁଡ୍ଡାଙ୍କ ସହ କଥିତ ମତଭେଦ ଯୋଗୁଁ କଂଗ୍ରେସର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଥିଲେ । ଏହାପରେ ସେ ଆମ୍ ଆଦମୀ ପାର୍ଟିରେ ସାମିଲ ହୋଇଥିଲେ । କିନ୍ତୁ ଆପ୍ ଏବଂ କଂଗ୍ରେସ ମଧ୍ୟରେ ମେଣ୍ଟ କଥା ସାମନାକୁ ଆସିବା ପରେ ସେ ୨୦୨୪ ଜାନୁଆରୀରେ ଆମ ଆଦମୀ ପାର୍ଟି ଛାଡ଼ି ବିଜେପିରେ ସାମିଲ ହୋଇଥିଲେ । ନିଜେ ମନୋହର ଲାଲ ଖଟ୍ଟର ତାଙ୍କୁ ପାର୍ଟିରେ ସାମିଲ କରାଇଥିଲେ । ଅଶୋକ ତନୱର ହରିୟାଣାରେ ବିଜେପି ନିର୍ବାଚନ ଅଭିଯାନ ସମିଟିର ସଦସ୍ୟ ଏବଂ ପ୍ରମୁଖ ପ୍ରଚାରଙ୍କ ମଧ୍ୟରେ ସାମିଲ ଥିଲେ ।