ନୂଆଦିଲ୍ଲୀ ୦୫/୧୨: ଡିସେମ୍ୱର ୬, ଅର୍ଥାତ୍ ଶୁକ୍ରବାରଠୁ ଆଡିଲେଡରେ ଖେଳାଯିବ ଦ୍ୱିତୀୟ ଟେଷ୍ଟ । ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ । ଦିବା-ରାତ୍ର ଖେଳାଯିବ ଏହି ମ୍ୟାଚ୍ । ୬ ଡିସେମ୍ୱରରେ ସକାଳ ୯ଟାରେ ପଡିବ ଟସ୍ ଆଉ ୯.୩୦ରେ ଆରମ୍ଭ ହେବ ମ୍ୟାଚ୍ । ତେବେ ଏହି ଟେଷ୍ଟ ମ୍ୟାଚ୍ ପାଇଁ ଭାରତୀୟ ଟିମ୍ ଆଡିଲେଡରେ ପହଞ୍ଚି ସାରିଛି ।
ପର୍ଥରେ ପ୍ରଥମ ମ୍ୟାଚ୍ ୨୯୫ ରନ୍ରେ ଜିତିବା ଭାରତୀୟ ଦଳର ମନୋବଳ ଦୃଢ୍ ଅଛି । ଆଗକୁ ଆଡିଲେଡ୍ ଟେଷ୍ଟ ଜିତି ସିରିଜ ୨-୦ରେ ଆଗୁଆ ରହିବାକୁ ଚେଷ୍ଟା କରିବ ଟିମ୍ ଇଣ୍ଡିଆ । ଆଡିଲେଡ୍ ପହଞ୍ଚିବା ପରେ ଭାରତୀୟ ଟିମ୍କୁ ଜୋରଦାର ସ୍ୱାଗତ କରିଥିଲେ ଫ୍ୟାନ୍ସ । ବ୍ୟାରିକେଡ୍ ଭିତରେ ରହିଛି ଖେଳାଳିଙ୍କୁ ଚିଅର ଅପ୍ କରିବାର କୌଣସ ସୁଯୋଗ ହାତଛଡା କରିନଥିଲେ ।
ଫ୍ୟାନ୍ସ ମାନେ ଖେଳାଳିମାନେ ପହଞ୍ଚିବା ସମୟରେ ଗୀତ ଗାଇ ସେମାନଙ୍କର ବଢାଇଥିଲେ ମନୋବଳ । ଗୀତରେ ଗୀତରେ ରୋହିତ ଶର୍ମା, ରବିଚନ୍ଦ୍ରନ ଅଶ୍ୱିନ, ଏବଂ ଋଷଭ ପନ୍ତଙ୍କ ପାଇଁ ଗାଇଥିଲେ ଗୀତ । ଏମିତିକି ସବୁ ଖେଳାଳିଙ୍କ ନାଁରେ ଗୀତ ଗାଇଥିଲେ ଉପସ୍ଥିତ ଦର୍ଶକ । ଆଉ ଏସବୁ ଗୀତ ଶୁଣିବା ପରେ ଖେଳାଳିମାନେ ବି ଖୁସି ବ୍ୟକ୍ତ କରିଥିଲେ । ହସି ହସି ହାତ ହଲାଇ ଭିତରକୁ ଏଣ୍ଚ୍ରି କରିଥିଲେ ।
