ଚଣ୍ଡୀଖୋଲ ୨୯/୧୨: ପେଟ୍ରୋଲ ପମ୍ପ ନିକଟରେ ହୁତୁହୁତୁ ହୋଇ ଜଳିଗଲା ୫ ହାଇୱା ଟ୍ରକ । NH ୫୩ଚଣ୍ଡିଖୋଲ-ପାରାଦ୍ୱୀପ ଜାତୀୟ ରାଜପଥର କଉଡ଼କଲ ଛକ ନିକଟରେ ଘଟିଛି ଏହି ଅଘଟଣ । ଶନିବାର ବିଳମ୍ବିତ ରାତିରେ ଘଟିଛି ଅଘଟଣ । କଉଡକଲ ଛକ ନିକଟରେ ଏକ ପେଟ୍ରୋଲ ପମ୍ପ ନିକଟରେ ଛିଡା ହୋଇଥିବା ଟ୍ରକରେ କୌଣସି କାରଣରୁ ଲାଗିଥିଲା ନିଆଁ ଲାଗି ଯାଇଥିଲା ।
ଯାହା ଫଳରେ ସେଠି ଛିଡା ହୋଇଥିବା ଆଉ କିଛି ଟ୍ରକ କୁ ନିଆଁ ବ୍ୟାପିଯାଇଥିଲା । ନିଆଁର ପ୍ରକୋପ ଏତେ ଥିଲା ଯେ ଅନ୍ୟ ଟ୍ରକ୍କୁ ନିଆଁ ବ୍ୟାପି ଯାଇଥିଲା । ଯାହା ଫଳରେ ୫ଟି ହାଇୱା ଟ୍ରକ ସହ ପାଖରେ ଥିବା ଏକ କ୍ୟାବିନରେ ମଧ୍ୟ ନିଆଁ ଲାଗି ହୁତୁହୁତୁ ହୋଇ ଜଳୁଥିଲା । ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ବହୁ ସମୟର ପ୍ରଚେଷ୍ଟା ପରେ ନିଆଁକୁ ଆୟତ୍ତ କରିଥିଲା ।
୫ଟି ହାଇୱା ସହ ଗୋଟିଏ ଦୋକାନ ଜଳି ଯାଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ତେବେ ପାଖରେ ପେଟ୍ରୋପ ପମ୍ପ ରହି ଥିବାରୁ ଏକ ବଡ଼ ଅଘଟଣ ରୁ ଅଳ୍ପକେ ବର୍ତ୍ତୀ ଯାଇଛନ୍ତି ସମସ୍ତେ ।
