କରଞ୍ଜିଆ ୨୮।୧: ଶିମିଳିପାଳରେ ପୁଣି ଶିକାରୀ ସକ୍ରିୟ ହୋଇପଡ଼ିଛନ୍ତି । ଶିକାରୀଙ୍କୁ ଧରାଇଦେଇଛି AI କ୍ୟାମେରା । AI କ୍ୟାମେରାରେ ଧରାପଡିଲେ ୫ ଶିକାରୀ । ଏମାନଙ୍କୁ ଧରିଛନ୍ତି ବନ ବିଭାଗର ସ୍ବତନ୍ତ୍ର ଏନଫୋର୍ସମେଣ୍ଟ ଟିମ୍ ।
ସୂଚନାଯୋଗ୍ୟ ଯେ, ଶିମିଳିପାଳ ଅଭୟାରଣ୍ୟରେ ଶିକାରୀଙ୍କୁ ଧରାଇଦେଇଛି AI କ୍ୟାମେରା । ଏହା ଦ୍ବାରା ବନ ବିଭାଗ ୫ ଶିକାରୀଙ୍କୁ ଗିରଫ କରିବାରେ ସଫଳ ହୋଇଛି । ଗିରଫ ଶିକାରୀମାନଙ୍କ ନିକଟରୁ ୫ଟି ଦେଶୀ ବନ୍ଧୁକ, ସମ୍ବର ଓ ହରିଣ ଶିଙ୍ଗ, ଧନୁତୀର ଓ ଫାଶ ଜବତ ହୋଇଛି । ସ୍ବତନ୍ତ୍ର ଏନଫୋର୍ସମେଣ୍ଟ ଟିମ୍ ଶିକାରୀ ମାନଙ୍କୁ ଗିରଫ କରିଥିବା ସୂଚନା ରହିଛି। ଗିରଫ ହୋଇଥିବା ସମସ୍ତ ଅଭିଯୁକ୍ତ କପ୍ତିପଦା ଥାନା ଅଞ୍ଚଳର ବୋଲି ଜଣାପଡିଛି । ଏ ନେଇ ଶିମିଳିପାଳ ଦକ୍ଷିଣ ବନ୍ୟପ୍ରାଣୀ ବନଖଣ୍ଡର ଉପ ନିର୍ଦ୍ଦେଶକ ସମ୍ରାଟ୍ ଗୌଡା ସୂଚନା ଦେଇଛନ୍ତି ।
ଶିମିଳିପାଳରେ ଲୁଚିଛପି ଶିକାର କରୁଥିଲେ, ୧୩ ଶିକାରୀଙ୍କୁ ଧରାଇଲା AI କ୍ୟାମେରା
ତେବେ ଶିମିଳିପାଳ ଅଭୟାରଣ୍ୟରେ AI କ୍ୟାମେରା ଲାଗିବା ଦ୍ବାରା ଶିକାରୀ ମାନେ ଅତି ସହଜରେ ଧରାପଡ଼ିଯାଉଛନ୍ତି । ଗତ ୨୩ ତାରିଖରେ ମଧ୍ୟ ୩ ଜଣ ଶିକାରୀଙ୍କୁ ଧରାଇ ଦେଇଥିଲା AI କ୍ୟାମେରା । ଶିମିଳିପାଳ ଅଭୟାରଣ୍ୟରେ ଶିକାର ପାଇଁ କିଛି ଶିକାରୀ ଉଦ୍ୟମ କରୁଥିଲେ । ଏହି ସମୟରେ ଶିମିଳିପାଳ ଦକ୍ଷିଣ ବନ୍ୟପ୍ରାଣୀ ବନଖଣ୍ଡରୁ ୩ ଶିକାରୀଙ୍କୁ ଧରିଥିଲା ସ୍ବତନ୍ତ୍ର ଏନଫୋର୍ସମେଣ୍ଟ ଟିମ୍ । ସେମାନଙ୍କ ନିକଟରୁ ୨ଟି ଦେଶୀ ବନ୍ଧୁକ, ଧନୁ ତୀର ଓ ଶିକାର ପାଇଁ ବ୍ୟବହୃତ ଫାଶ ଜବତ ହୋଇଛି । ୩ ଅଭିଯୁକ୍ତ ଉଦଳା ଥାନା ଅଞ୍ଚଳର ବୋଲି ଜଣାପଡିଥିଲା । ଶିମିଳିପାଳ ଦକ୍ଷିଣ ବନ୍ୟପ୍ରାଣୀ ବନଖଣ୍ଡର ଉପ ନିର୍ଦ୍ଦେଶକ ସମ୍ରାଟ୍ ଗୌଡା ଏହି ସୂଚନା ଦେଇଥିଲେ ।
ଶିକାରୀଙ୍କୁ ଧରିଲା AI କ୍ୟାମେରା, ବନ୍ଧୁକ ସହ ବିଭିନ୍ନ ସାମଗ୍ରୀ ଜବତ
ଉଲ୍ଲେଖଯୋଗ୍ୟ ଯେ, ଗତ ବର୍ଷ ଚିନ୍ତା ବଢ଼ାଇଥିଲା ଜଙ୍ଗଲ ନିଆଁ । ଯାହାଫଳରେ ୩୬୦ ଡିଗ୍ରୀ AI କ୍ୟାମେରା ଶିମିଳିପାଳରେ ଲଗାଯାଇଥିଲା । ୬ଟି ଟାୱାରରେ ଲଗାଯାଇଥିଲା ଏହି AI କ୍ୟାମେରା । ଧୂଆଁ ଉଠିବା ମାତ୍ରେ ସମ୍ପୃକ୍ତ ସ୍ଥାନକୁ ଜୁମ୍ କରି ଭିଡ଼ିଓ କରିବା ସହ ଲୋକେସନ୍ ଜଣାଇଦେବ ଏହି AI କ୍ୟାମେରା । ତେବେ ଏହି କ୍ୟାମେରା ଦ୍ବାରା ଶିକାରୀ ମାନଙ୍କୁ ଠାବ କରିବାରେ ଧରିବାରେ ସକ୍ଷମ ହେଉଛନ୍ତି ବନ ବିଭାଗର ସ୍ବତନ୍ତ୍ର ଏନଫୋର୍ସମେଣ୍ଟ ଟିମ୍ ।
You Can Read:
