କାଶ୍ମୀର ୧୩/୦୯: ଯବାନଙ୍କ ଜୀବନ ବଞ୍ଚାଇ ନିଜେ ସହିଦ ହୋଇଗଲା । ଆମେ କହୁଛୁ କୁକୁର କେଣ୍ଟ କଥା । ସାଥୀ ଯବାନଙ୍କ ଜୀବନ ବଞ୍ଚାଇ ଆତଙ୍କୀଙ୍କ ଗୁଳିରେ ଟଳିପଡିଲା ଏହି କୁକୁର । ସୂଚନା ଥାଉକି, ଜମ୍ମୁ କାଶ୍ମୀର ରଜୋରୀ ଜିଲ୍ଲାର ଏକ ଗାଁରେ କିଛି ଆତଙ୍କବାଦୀ ଲୁଚିଥିବା ଖବର ମିଳିଥିଲା । ଖବର ମିଳିବା ପରେ ଗତକାଲି ସର୍ଚ୍ଚ ଅପରେସନକୁ ଜୋରଦାର କରାଯାଇଥିଲା ।
ସର୍ଚ୍ଚ ଅପରେସନ୍ ଚାଲିଥିବାବେଳେ ସୁରକ୍ଷାକର୍ମୀଙ୍କ ଉପରକୁ ଅଚାନକ ଗୁଳି ଚଳାଇବା ଆରମ୍ଭ କରିଦେଇଥିଲେ ଆତଙ୍କବାଦୀ । ଏହି ଗୁଳି ବିନିମୟରେ ଜଣେ ଯବାନ ସହିଦ୍ ହୋଇଥିବା ବେଳେ ଅନ୍ୟ ୩ଜଣ ଯବାନ ଆହତ ହୋଇଛନ୍ତି । ସବୁଠୁ ଦୁଃଖଦ କଥା ଏହି ଅପରେସନରେ ସାମିଲ ଥିବା ଏକ କୁକୁର ‘କେଣ୍ଟି’ ସହିଦ ହୋଇଯାଇଛି । ସାଥୀ ଯବାନଙ୍କ ଜୀବନ ବଞ୍ଚାଇ ନିଜେ ସହିଦ୍ ହୋଇଯାଇଛି ।
ଜାମ୍ମୁ-କଶ୍ମୀରରେ ସୁରକ୍ଷା କର୍ମୀଙ୍କ ଗୁଳିରେ ଜଣେ ଆତଙ୍କୀ ବି ନିପାତ ହୋଇଛି । କଲାକୋଟର ଦୁର୍ଗମ ନାର୍ଲା ଅଞ୍ଚଳରେ ମୁହାଁମୁହିଁ ହୋଇଥିଲେ ସୁରକ୍ଷାକର୍ମୀ ଏବଂ ଆତଙ୍କୀ । ଏନକାଉଣ୍ଟର ବେଳେ ସୁରକ୍ଷାବାହିନୀ ଗୁଳିରେ ଜଣେ ଆତଙ୍କବାଦୀ ନିପାତ ହୋଇଛି । ଏହି ସମୟରେ ଜଣେ ଯବାନ ସହିଦ ହୋଇଥିବା ବେଳେ ଅନ୍ୟ ୩ ଜଣ ଆହତ ହୋଇଛନ୍ତି ।
wp:embed {"url":"https://www.prameyanews7.com/infiltration-has-been-reduced-by-90-20-per-cent-solicitor-general-tushar-mehta-infromed-suprem-court-for-govt/","type":"wp-embed","providerNameSlug":"prameya-news-7"}ଅପରେସନ ସମୟରେ ୨୧-ଆର୍ମି ଡଗ୍ ୟୁନିଟରେ ଥିବା ଭାରତୀୟ ସେନାର କୁକୁର କେଣ୍ଟ ଦେଶପାଇଁ ପ୍ରାଣବଳୀ ଦେଇଛି । ଅପରେସନ ବେଳେ ଘଟଣାସ୍ଥଳରୁ ପଳାୟନ କରୁଥିବା ଆତଙ୍କବାଦୀଙ୍କୁ ଧରିବାରେ ଏହି ୬ ବର୍ଷର ଲାବ୍ରାଡର କୁକୁର ଯବାନଙ୍କୁ ସହାୟତା କରୁଥିଲା । ଆତଙ୍କବାଦୀ ତାକୁ ଗୁଳି ମାରିଦେଇଛନ୍ତି ।
ଶୁକ୍ରବାର ରାଜୌରୀ ଜିଲ୍ଲାର ଏକ ଦୁର୍ଗମ ଗାଁରେ ଆତଙ୍କବାଦୀମାନେ ଚଢ଼ାଉ କରିବାକୁ ଯାଇଥିବା ସୂଚନା ପାଇ ସୁରକ୍ଷା ବାହିନୀ ସେମାନଙ୍କୁ ଘେରି ଯାଇଥିଲେ। ସେହିଦିନଠୁ ଚାଲିଥିଲା ସର୍ଚ୍ଚ ଅପରେସନ୍ । ସୁରକ୍ଷାକର୍ମୀଙ୍କ ଉପରକୁ ଆତଙ୍କୀ ଗୁଳି ଚଳାଇବା ପରେ ଅପରେସନକୁ ଜୋରଦାର କରାଯାଇଥିଲା ।
