ଭୁବନେଶ୍ବର ୧।୧: ପାତ୍ରପଡ଼ା ବ୍ରିଜ୍ରେ ସିରିଜ ଦୁର୍ଘଟଣା । ପିକଅପ୍ ଭ୍ୟାନ୍ ଦ୍ଵାରା ଏକାଧିକ ଗାଡ଼ି ଦୁର୍ଘଟଣା ଗ୍ରସ୍ତ ହୋଇଛି । ଦୁର୍ଘଟଣାରେ ୪ ଜଣ ଆହତ ହୋଇଛନ୍ତି । ଆହତଙ୍କୁ ମେଡିକାଲ ସ୍ଥାନାନ୍ତର କରାଯାଇଛି ।
ସୂଚନାଯୋଗ୍ୟ ଯେ, ଭୁବନେଶ୍ବର ପାତ୍ରପଡ଼ା ବ୍ରିଜ୍ ଉପରେ ସ୍କର୍ପିଓ, ପିକଅପ୍ ଭ୍ୟାନ, ବାଇକ୍ ଏବଂ ଇଲେକ୍ଟ୍ରିକ୍ ସ୍କୁଟର ମଧ୍ୟରେ ସିରିଜ୍ ଦୁର୍ଘଟଣା ହୋଇଛି । ବରମୁଣ୍ଡାରୁ ଖୋର୍ଦ୍ଧା ଅଭିମୁଖେ ଯାଉଥିବା ଏହି ଗାଡ଼ି ଗୁଡ଼ିକ ସିରିଜ୍ ଦୁର୍ଘଟଣାର ଶୀକାର ହୋଇଛନ୍ତି । ଘଟଣାରେ ୪ ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରେ ୩ ଜଣ ଗୁରୁତର ହୋଇଥିବା ବେଳେ ଜଣେ ସାମାନ୍ୟ ଆହତ ହୋଇଥିବା ସୂଚନା ମିଳିଛି । ଦୁର୍ଘଟଣା ଯୋଗୁଁ ଲୋକଙ୍କ ଭିଡ଼ ହେବାରୁ ରାସ୍ତା ସାମାନ୍ୟ ଜାମ୍ ହୋଇଛି । ଖବର ପାଇ ସ୍ଥାନୀୟ ତମାଣ୍ଡୋ ଥାନା ପୋଲିସ ଓ ପିସିଆର ଭ୍ୟାନ ପହଞ୍ଚି ରାସ୍ତା କ୍ଲିୟର କରିବା ସହ ଆହତଙ୍କୁ ମେଡିକାଲ ସ୍ଥାନାନ୍ତର କରିଥିଲେ । ଗାଡ଼ି ଜବତ କରି ଥାନାକୁ ନେବା ସହ କାହିଁକି ଦୁର୍ଘଟଣା ହେଲା ତାର ତଦନ୍ତ ଚଲାଇଛି ପୋଲିସ ।
You Can Read:
ବୀଭତ୍ସ ହତ୍ୟାକାଣ୍ଡ : ଗାଁ ଦାଣ୍ଡରେ ହାଣି ଖଣ୍ଡ ଖଣ୍ଡ କରି ଫିଙ୍ଗିଦେଲେ ଦୁର୍ବୃତ୍ତ
