ମୁମ୍ଵାଇ ୦୨।୦୪; ବଲିଉଡ୍ର ଷ୍ଟାରକପଲ ଶାହରୁଖ ଖାନ ଏବଂ ଗୌରୀ ଖାନ । ସେମାନଙ୍କ ଘର ମନ୍ନତକୁ ନବୀକରଣ କରୁଛନ୍ତି। ଗୌରୀ ଏହି ଘରକୁ ଅଧିକ ବିଳାସପୂର୍ଣ୍ଣ କରିବାକୁ ଯାଉଛନ୍ତି। ନବୀକରଣ(ରିନୋବେସନ୍) ପାଇଁ ମନ୍ନତକୁ ଖାଲି କରାଯାଇଛି ଏବଂ କିଙ୍ଗ୍ ଖାନ ତାଙ୍କ ପୂରା ପରିବାର ସହିତ ପାଲି ହିଲରେ ଦୁଇଟି ବିଳାସପୂର୍ଣ୍ଣ ଡୁପ୍ଲେକ୍ସ ଆପାର୍ଟମେଣ୍ଟକୁ ଶିଫ୍ଟ ହୋଇଛନ୍ତି। ଶାହାରୁଖ ଏହି ଆପାର୍ଟମେଣ୍ଟକୁ ଜ୍ୟାକି ଭାଗ୍ନାନୀ ଏବଂ ତାଙ୍କ ଭଉଣୀ ଦୀପଶିଖାଙ୍କ ଠାରୁ ଭଡାରେ ନେଇଛନ୍ତି। ହେଲେ ଗୌରୀ ମନ୍ନତର ନବୀକରଣ ପାଇଁ ଏକ ବୁଦ୍ଧିମାନ ପଦକ୍ଷେପ ନେଇଛନ୍ତି। ସେ ତାଙ୍କର ବିଳାସପୂର୍ଣ୍ଣ ଫ୍ଲାଟ ବିକ୍ରି କରିଦେଇଛନ୍ତି। ଏହି ଫ୍ଲାଟକୁ ବିକ୍ରି କରି ଗୌରୀ କୋଟି କୋଟି ଟଙ୍କା ଲାଭ କରିଛନ୍ତି।
ଗୌରୀ ଖାନ ମୁମ୍ବାଇର ପଶ୍ ଅଞ୍ଚଳ ଦାଦର ପଶ୍ଚିମରେ ଥିବା ତାଙ୍କର ଫ୍ଲାଟ ବିକ୍ରି କରିଦେଇଛନ୍ତି। ଗୌରୀ ଏହି ବିଳାସପୂର୍ଣ୍ଣ ଫ୍ଲାଟଟି ଅଢେଇ ବର୍ଷ ପୂର୍ବେ କିଣିଥିଲେ। ଏହି ଫ୍ଲାଟ ବିକ୍ରି କରିବା ପରେ ଗୌରୀ କୋଟି କୋଟି ଟଙ୍କା ଲାଭ କରିଛନ୍ତି। ନବୀକରଣ ପାଇଁ ପ୍ରାୟ ଦୁଇ ବର୍ଷ ସମୟ ଲାଗିବ ବୋଲି ଆଶା କରାଯାଉଛି।
ଏତିକି କୋଟି ଟଙ୍କାରେ ବିକ୍ରି ହେଲା ଘର
ଗଣମାଧ୍ୟମ ରିପୋର୍ଟ ଅନୁସାରେ, ଗୌରୀ ତାଙ୍କ ବାନ୍ଦ୍ରା ଘର ମନ୍ନତର ନବୀକରଣ ସମୟରେ ମୁମ୍ବାଇର ଦାଦର ପଶ୍ଚିମ ଅଞ୍ଚଳରେ ଥିବା ବିଳାସପୂର୍ଣ୍ଣ ଆବାସିକ ସମ୍ପତ୍ତି ବିକ୍ରି କରିଥିଲେ। ରିପୋର୍ଟ ଅନୁଯାୟୀ, ସମ୍ପତ୍ତି କାରବାର ମାର୍ଚ୍ଚ ୨୦୨୫ ରେ ଆନୁଷ୍ଠାନିକ ଭାବରେ ପଞ୍ଜିକୃତ ହୋଇଥିଲା। ଗୌରୀଙ୍କର ଏହି ଆପାର୍ଟମେଣ୍ଟ କୋହିନୂର ଆଲଟିସିମୋ କୋଠାରେ ଅଛି। ଏହି ପ୍ରକଳ୍ପରେ 2.5 BHK, 3 BHK ଏବଂ 3.5 BHK ମଧ୍ୟ ଅଛି। ଏହି ଆପାର୍ଟମେଣ୍ଟଟି ୧୯୮୫ ବର୍ଗଫୁଟ ଅଞ୍ଚଳରେ ନିର୍ମିତ। ଏଥିରେ ଦୁଇଟି ପାର୍କିଂ ସ୍ଥାନ ମଧ୍ୟ ଅଛି। ଗୌରୀ ଏହି ଆପାର୍ଟମେଣ୍ଟକୁ ଅଗଷ୍ଟ ୨୦୨୨ରେ ୮.୫ କୋଟି ଟଙ୍କାରେ କିଣିଥିଲେ। ଗୌରୀ ଏହି ଆପାର୍ଟମେଣ୍ଟକୁ ୩.୧ କୋଟି ଟଙ୍କା ଲାଭ ସହିତ ବିକ୍ରି କରିଛନ୍ତି। ଏହା ୧୧.୬୧ କୋଟି ଟଙ୍କାରେ ବିକ୍ରି କରିଛନ୍ତି।
