ମୁମ୍ଵାଇ ୦୨।୦୪; ମହାକୁମ୍ଭର ଭାଇରାଲ ଗର୍ଲ ମୋନାଲିସା । ସୋସିଆଲ ମିଡିଆରେ ସେ ଖୁବ୍ ଲାଇମ୍ ଲାଇଟ୍ ହାସଲ କରିଛନ୍ତି। ହେଲେ ଏବେ ଏକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ଯେଉଁଥିରେ ସେ କାନ୍ଦୁଥିବାର ନଜର ଆସୁଛନ୍ତି । କେଉଁ କାରଣରୁ ମୋନାଲିସା କାନ୍ଦୁଛନ୍ତି ତାହା ଜାଣିବାକୁ ଚାହୁଁଥିଲେ ୟୁଜର୍ସ । ମୋନାଲିସା କାନ୍ଦୁଥିବା ବେଳେ ତାଙ୍କ ପରିବାର ଲୋକେ ତାଙ୍କୁ ବୁଝାଉଥିବା ନଜର ଆସିଛି ।
ଭାଇରାଲ ହେଉଥିବା ଭିଡିଓରେ ମୋନାଲିସା ପ୍ରଥମେ ଏକ ରୁମ୍ରେ ବସି କାହା ସହ କଥା ହେଉଥିବା ନଜର ଆସୁଛନ୍ତି । ତେବେ ରୁମ୍ରୁ ବାହାରି ଆସିବା ପରେ ସେ ଅଚାନକ କାନ୍ଦିବା ଆରମ୍ଭ କରିଦେଇଥିଲେ । ଏହି ସମୟରେ ମୋନାଲିସାଙ୍କ ପରିବାର ଲୋକେ ତାଙ୍କୁ କିଛି ବୁଝାଉଥିବା ଦେଖିବାକୁ ମିଳିଛି ।
ତେବେ କିଛି ୟୁଜର୍ସ ମୋନାଲିସାଙ୍କ କାନ୍ଦିବା କାରଣକୁ ଫିଲ୍ମ ନିର୍ଦ୍ଦେଶକ ସନୋଜ ମିଶ୍ରାଙ୍କ ଗିରଫଦାରୀ ସହ ଯୋଡ଼ୁଛନ୍ତି । କାରଣ ସନୋଜ ମିଶ୍ରା ସେହି ନିର୍ଦ୍ଦେଶକ ଯିଏ ମୋନାଲିସାଙ୍କୁ ଫିଲ୍ମ ଅଫର୍ କରିଥିଲେ। କିନ୍ତୁ ଏବେ ତାଙ୍କୁ ଦୁଷ୍କର୍ମ ଅଭିଯୋଗରେ ଗିରଫ କରାଯାଇଛି । ଜଣେ ମହିଳାଙ୍କୁ ଫିଲ୍ମରେ ଅଭିନୟ ସୁଯୋଗ ଦେବା ଆଳରେ ତାଙ୍କ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଖୋଦ ମହିଳା ଜଣକ ଏହାକୁ ନେଇ ଥାନାର ଦ୍ୱାରସ୍ତ ହୋଇଥିଲେ । ସନୋଜ ତାଙ୍କୁ ତିନିଥର ଗର୍ଭପାତ କରିବାକୁ ବାଧ୍ୟ କରିଥିଲେ । ତଦନ୍ତ ପରେ ସନୋଜଙ୍କୁ ଗିରଫ କରିଛି ପୋଲିସ । ଏହି କାରଣରୁ ମୋନାଲିସା କାନ୍ଦୁଥାଇ ପାରନ୍ତି ବୋଲି ୟୁଜର୍ସ କରିଛନ୍ତି କମେଣ୍ଟ୍ ।
ମହାକୁମ୍ଭରେ ମାଳି ବିକ୍ରି କରୁଥିବା ବେଳେ ନିଜ ସୌନ୍ଦର୍ଯ୍ୟତାକୁ ନେଇ ଭାଇରାଲ ହୋଇଥିଲେ ମୋନାଲିସା । ଏହାପରେ ତାଙ୍କ ସହ ଗୋଟିଏ ସେଲ୍ଫି ନେବା ଏକ ଟ୍ରେଣ୍ଡ୍ ପାଲଟି ଯାଇଥିଲା । ଏହାରି ଫିଲ୍ମ ନିର୍ଦ୍ଦେଶକ ସନୋଜ ମିଶ୍ରା ତାଙ୍କୁ ବଲିଉଡ୍ରେ ଡେବ୍ୟୁ କରିବାକୁ ଫିଲ୍ମ ଅଫର କରିଥିଲେ ।
