ନୂଆଦିଲ୍ଲୀ ୦୩/୦୪: ବିଜେପି ସାଂସଦ ଅନୁରାଗ ଠାକୁରଙ୍କ ବୟାନକୁ ନେଇ ଭଡକିଛନ୍ତି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ । ଖଡଗେ କହିଛନ୍ତି, ବିଜେପି ନେତା ଯାହା ବି ଅଭିଯୋଗ କରୁଛନ୍ତି ତାହା କପଳକଳ୍ପିତ । ଯଦି ସେମାନେ ପ୍ରମାଣ କରିଦେବେ ତେବେ ମୁଁ ଇସ୍ତଫା ଦେବି । କିନ୍ତୁ ମୁଁ ମୁଣ୍ଡ ନୁଆଁଇବି ନାହିଁ। ସେ ଆହୁରି କହିଛନ୍ତି, ଯଦି ଅଭିଯୋଗ ପ୍ରମାଣିତ ହୁଏ ତେବେ ମୁଁ ଇସ୍ତଫା ଦେବି।

ମଲ୍ଲିକାର୍ଜୁନ ଖଡଗେ କହିଥିଲେ, ଅଭିଯୋଗ ପାଇଁ ସେ ଗୃହର ନେତାଙ୍କୁ କ୍ଷମା ମାଗିବା ପାଇଁ ମଧ୍ୟ ଦାବି କରିଥିଲେ। କଂଗ୍ରେସ ପାର୍ଟି ଅଧ୍ୟକ୍ଷ କହିଛନ୍ତି, ଅନୁରାଗ ଠାକୁର ଲୋକସଭାରେ ଯାହା କହିଛନ୍ତି ତାହା ଭୁଲ, ତାଙ୍କୁ କ୍ଷମା ମାଗିବା ଉଚିତ। ମୋ ପାଖରେ ୱାକଫ ଜମି ଗୋଟିଏ ଇଞ୍ଚ ମଧ୍ୟ ନାହିଁ। 

I rise in deep anguish. My life has always been an open book, full of struggles and battles, but I have always upheld the highest values in public life. After almost 60 years in politics, I don't deserve this.

Yesterday, completely false and baseless charges were hurled at me in… pic.twitter.com/dlvz5ba76H

— Congress (@INCIndia) April 3, 2025

ବିଜେପି ସାଂସଦ ଅନୁରାଗ ଠାକୁରଙ୍କ ଅଭିଯୋଗର ଜବାବ ଦେଇ ମଲ୍ଲିକାର୍ଜୁନ କହିଛନ୍ତି, ଯଦି ମୋ ବିରୋଧରେ ଲଗାଯାଇଥିବା ଅଭିଯୋଗ ପ୍ରମାଣିତ ହୁଏ, ତେବେ ମୁଁ ଇସ୍ତଫା ଦେବି। ବିଜେପି ମୋତେ ଭୟଭୀତ କରିବାକୁ ଚାହୁଁଛନ୍ତି । ମୁଁ ଆଦୌ ମୁଣ୍ଡ ନୁଆଁଇବି ନାହିଁ, ମୁଁ ଆଜି ପର୍ଯ୍ୟନ୍ତ କାହାଠାରୁ ଗୋଟିଏ ଇଞ୍ଚ ମଧ୍ୟ ନେଇନାହିଁ, ମୋର ଭାବନାକୁ ଆଘାତ ଲାଗିଛି। ଖଡଗେ ଅନୁରାଗ ଠାକୁରଙ୍କୁ ଇସ୍ତଫା ଦେବାକୁ ମଧ୍ୟ ଦାବି କରିଥିଲେ । ସେ କହିଛନ୍ତି, ଯଦି ଅନୁରାଗ ଠାକୁର ତାଙ୍କ ଦ୍ୱାରା ଲଗାଯାଇଥିବା ଅଭିଯୋଗକୁ ପ୍ରମାଣିତ କରିପାରିବେ ନାହିଁ, ତେବେ ସେ ଇସ୍ତଫା ଦେବା ଉଚିତ । ଖଡଗେ ଆହୁରି କହିଛନ୍ତି, ମୁଁ ଜଣେ ଶ୍ରମିକଙ୍କ ପୁଅ।

କଂଗ୍ରେସ ଅଧ୍ୟକ୍ଷ କହିଛନ୍ତି, ମୋ ଜୀବନ ସବୁବେଳେ ଏକ ଖୋଲା ପୁସ୍ତକ ହୋଇ ରହିଛି । ଏହା ସଂଘର୍ଷ ଏବଂ ଯୁଦ୍ଧରେ ପରିପୂର୍ଣ୍ଣ ରହିଛି, କିନ୍ତୁ ମୁଁ ସର୍ବଦା ଜୀବନର ସର୍ବୋଚ୍ଚ ମୂଲ୍ୟବୋଧକୁ ବଜାୟ ରଖିଛି। ବୁଧବାର, ଅନୁରାଗ ଠାକୁର ଲୋକସଭାରେ ମୋ ବିରୋଧରେ ସମ୍ପୂର୍ଣ୍ଣ ମିଥ୍ୟା ଏବଂ ଭିତ୍ତିହୀନ ଅଭିଯୋଗ ଆଣିଥିଲେ ।