ବାରିପଦା ୧୧।୧: ବାରିପଦା ଟାଉନ ଥାନା ସମ୍ମୁଖରୁ ସୁନା ଚେନ୍ ଲୁଟ୍ । ଦିନ ଦ୍ଵିପ୍ରହରରେ ବାରିପଦା ଟାଉନ ଥାନା ସମ୍ମୁଖରୁ ଏକ ବାଇକ୍‌ରେ ଆସି ମହିଳାଙ୍କ ବେକରୁ ଝାମ୍ପିନେଲେ ୩୫ରୁ ୪୦ ଗ୍ରାମ୍‌ର ସୁନା ଚେନ୍ । 

ସୂଚନାଯୋଗ୍ୟ ଯେ, ଶ୍ୟାମ ବାବା କଳସ ଶୋଭାଯାତ୍ରାରେ ମହିଳା ଜଣଙ୍କ ଯୋଗ ଦେଇ ଅନ୍ୟ ମହିଳାଙ୍କ ସହ ନିଜ ଘରକୁ ଫେରୁଥିବା ରାସ୍ତାରେ ଲୁଟ୍ ହୋଇଛି । ଦିନ ପ୍ରାୟ ୧୧ଟା ସମୟରେ ଲୁଟ୍ ଘଟଣା ଘଟିଛି । ମହିଳା ଜଣଙ୍କ ହେଉଛନ୍ତି ବାରିପଦା ଟାଉନ ଥାନା ଅନ୍ତର୍ଗତ ବଡ଼ବଜାର ଅଞ୍ଚଳର ପୁନମ ଖଣ୍ଡେଲଓ୍ବାଲ । ଟାଉନ ଥାନାରେ ଏନେଇ ଲିଖିତ ଅଭିଯୋଗ ହେବା ପରେ ଘଟଣାର ତଦନ୍ତ ଆରମ୍ଭ କରିଛି ବାରିପଦା ଟାଉନ ଥାନା ପୋଲିସ । ଶନିବାର ବାରିପଦା ସହରର ତିନୋଟି ସ୍ଥାନରେ ଏଭଳି ଛିନତାଇ ହୋଇଥିବା ସୂଚନା ରହିଛି । ସ୍ଥାନୀୟ ଅଞ୍ଚଳର ସିସିଟିଭି ଫୁଟେଜ ଆଧାରରେ ଘଟଣାର ତନାଘନା ଆରମ୍ଭ କରିଛି ପୋଲିସ । 

ବାରିପଦା ସହରରେ ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇ ଦିନକୁ ଦିନ ବଢି ଚାଲିଥିବା ଅପରାଧ ଉପରେ ପୋଲିସର ନିୟନ୍ତ୍ରଣ ରହୁନାହିଁ । ଯାହାକୁ ନେଇ ସ୍ଥାନୀୟ ଲୋକେ ପୋଲିସ ଉପରେ ଅଙ୍ଗୁଳି ଉଠାଇଛନ୍ତି । 

You Can Read:

ପ୍ରଶାସନକୁ ଲୋକାଭିମୁଖୀ କରିବାକୁ ଅନେକ ସଂସ୍କାରର ଆବଶ୍ୟକତା ଅଛି : ରାଜସ୍ବ ମନ୍ତ୍ରୀ