ନୂଆଦିଲ୍ଲୀ ୦୫/୧୨: ଚଳିତ ମାସରେ ପାକିସ୍ତାନ ବିପକ୍ଷରେ ଟି-୨୦ ସହ ଦିନିିକିଆ ସିରିଜ ଖେଳିବ ସାଉଥ୍ ଆଫ୍ରିକା । ଏଥିପାଇଁ ଆଫ୍ରିକା ବୋର୍ଡ ଟି-୨୦ ସ୍କ୍ୱାର୍ଡ ଘୋଷଣା ସରିଛି । ତେବେ ଏହି ସିରିଜରେ ଓ୍ୱିକେଟ କିପର ତଥା ବ୍ୟାଟର ହେନରିକ କ୍ଲାସେନ ହେବେ କ୍ୟାପଟେନ୍ ।
କ୍ଲାସେନଙ୍କୁ ଆସନ୍ତା ସିରିଜ ପାଇଁ ରିଟେନ କରିଛି SRH । SRH 'ଟିମ୍ ସିଇଓ କାବ୍ୟା ମାରନ ତାଙ୍କୁ ୨୩ କୋଟିରେ ରିଟେନ୍ କରିଛନ୍ତି । ହେଲେ ଆଇପିଏଲ୍ ପୂର୍ବରୁ ଏହି ଧାକ୍କଡ ବ୍ୟାଟ୍ସମ୍ୟାନ୍ ପାକିସ୍ତାନ ବିପକ୍ଷରେ ଦମ୍ ଦେଖାଇବାକୁ ପ୍ରସ୍ତୁତ ହେଉଛନ୍ତି । ଆଉ ଟିମ୍ର ଦାୟିତ୍ୱ ବି ନେବେ । କ୍ୟାପଟେନ୍ ମାର୍କମ ଶ୍ରୀଲଙ୍କା ଟେଷ୍ଟ ସିରିଜରେ ବ୍ୟସ୍ତ ଅଛନ୍ତି ।
ଏହାସହ ମାର୍କୋ ଜନସନ, କେଶବ ମହାରାଜ, ରବାଡା, ଟ୍ରିଷ୍ଟନ ଷ୍ଟବ୍ସ, ଗେରାଲ୍ଡ କୋଏଜିଆ ମଧ୍ୟ ଟି-୨୦ ଟିମ୍ରେ ନାହାଁନ୍ତି । ସାଉଥ୍ ଆଫ୍ରିକା ଏବଂ ପାକିସ୍ତାନ ଟିମ୍ ୧୦ ରୁ ୧୪ ଡିସେମ୍ୱର ମଧ୍ୟରେ ୩ଟି ଟି-୨୦ ମ୍ୟାଚ୍ ଖେଳିବ । ଆଶା ଅଛି ଆଇପିଏଲ୍ରେ ଧମାକା କରୁଥିବା ପ୍ଲେୟାର ଏବେ ପାକିସ୍ତାନୀଙ୍କ ଅଣ୍ଟା ଭାଙ୍ଗିବେ ।
