ମୁମ୍ଵାଇ ୨୨।୦୧; ବଲିଉଡର କିଙ୍ଗ ଖାନ ତଥା ଶାହାରୁଖ ଖାନ୍ । ତାଙ୍କର ସୋସିଆଲ ମିଡିଆରେ ବହୁତ ଫ୍ୟାନ୍ସ ଫଲୋଅର୍ସ ମଧ୍ୟ ଅଛନ୍ତି । ଅନେକ ସେଲିବ୍ରିଟିଙ୍କ ଠାରୁ ଅଧିକ ତାଙ୍କ ଇନଷ୍ଟାଗ୍ରାମର ଫଲୋଅର୍ସ । ହେଲେ ବର୍ତ୍ତମାନ କିଙ୍ଗ ଖାନଙ୍କୁ ପଛରେ ପକାଇଛନ୍ତି ଟେଲି ଅଭିନେତ୍ରୀ ଜନ୍ନତ୍ ଜୁବୈର୍। ତାଙ୍କୁ ଫଲୋର୍ସ ୪୯.୭ ମିଲିୟନ ଥିବାବେଳେ ଶାହରୁଖ ଖାନଙ୍କୁ ୪୭.୭ ମିଲିୟନ୍ ଫଲୋର୍ସ ଅଛନ୍ତି ।
ଇନଷ୍ଟାଗ୍ରାମରେ ଜନ୍ନତଙ୍କର ଅଧିକ ପ୍ରଶଂସକ ଅଛନ୍ତି। ସୂଚନା ଅନୁଯାୟୀ, ସେ କିଙ୍ଗ ଖାନଙ୍କୁ ଇନଷ୍ଟାଗ୍ରାମରେ ପଛରେ ପକାଇଛନ୍ତି। କେବଳ ଶାହାରୁଖ ଖାନ ନୁହଁନ୍ତି ଜନ୍ନତ ଜୁବୈର୍ ଅନେକ ବଲିଉଡ ସେଲିବ୍ରିଟିଙ୍କୁ ପଛରେ ପକାଇଛନ୍ତି। ଜନ୍ନତ ଜୁବୈରଙ୍କ ପ୍ରଶଂସକଙ୍କଠାରୁ ଜଣାପଡ଼ିଛି ଯେ, ତାଙ୍କୁ ଲୋକେ କେତେ ପସନ୍ଦ କରନ୍ତି । ତାଙ୍କ ପୋଷ୍ଟରେ ଲୋକେ ଅଧିକ ଲାଇକ ଓ କମେଣ୍ଟ କରନ୍ତି। ସୋସିଆଲ ମିଡିଆରେ ପ୍ରସିଦ୍ଧ ହେବା ବ୍ୟତୀତ ଜନ୍ନତ ଜୁବୈର ଟିଭିରେ ମଧ୍ୟ ବହୁତ ଲୋକପ୍ରିୟ। ଏହା ବ୍ୟତୀତ ଜନ୍ନତ ଜୁବୈର ରାନୀ ମୁଖାର୍ଜୀଙ୍କ ସହ ଫିଲ୍ମ ‘ହିଚ୍କି’ରେ ନିଜର ଯାଦୁ ଦେଖାଇଥିଲେ। କେବଳ ଏତିକି ନୁହେଁ ଜନ୍ନତ ଜୁବୈର କୋଟି କୋଟି ଟଙ୍କାର ମାଲିକାଣି।
ରିପୋର୍ଟ ଅନୁଯାୟୀ, ଜନ୍ନତଙ୍କ ସମ୍ପତ୍ତି ମୂଲ୍ୟ ୨୫ କୋଟି ଟଙ୍କା। ଜନ୍ନତଙ୍କ ଫ୍ୟାଶନ୍ ଏବଂ ଷ୍ଟାଇଲ୍ ତାଙ୍କୁ ସବୁବେଳେ ଖବରର ଚର୍ଚ୍ଚାରେ ରଖେ। ଜନ୍ନତ ସୋସିଆଲ ମିଡିଆରେ ମଧ୍ୟ ବହୁତ ସକ୍ରିୟ ଏବଂ ତାଙ୍କ ପ୍ରଶଂସକଙ୍କ ସହ ନିଜ ସହ ଜଡିତ ଅପଡେଟ୍ ସେୟାର କରନ୍ତି। ଲୋକମାନେ ଜନ୍ନତଙ୍କ ଫଟୋ ଏବଂ ଭିଡିଓ ପାଇଁ ମଧ୍ୟ ଉତ୍ସାହର ସହିତ ଅପେକ୍ଷା କରନ୍ତି।
