ମୁମ୍ବାଇ: ପ୍ରଖର ସ୍ରୋତରେ ଧୋଇଗଲା କିଞ୍ଚିତ ଖୁସି । ମହାରାଷ୍ଟ୍ର ଲୋନାଭାଲା ଝରଣା ନିକଟରେ ବଡ଼ ଦୁର୍ଘଟଣା ଘଟିଛି । ଛୁଟିରେ କାଟିବାକୁ ଆସିଥିବା ପୂରା ପରିବାର ଭୁସି ଡ୍ୟାମର ପଛୁଆ ପାଣିରେ ଭାସିଯାଇଛନ୍ତି । ଦୁଇ ଶିଶୁ ସମେତ ମୋଟ୍ ୫ଜଣ ଭାସିଛନ୍ତି । ରେସକ୍ୟୁ ଟିମ୍ ବହୁ ପ୍ରୟାସ କରିଥିଲେ ମଧ୍ୟରେ ପରିବାରକୁ ବଞ୍ଚାଇ ପାରିନାହିଁ । ଡ୍ୟାମ୍ ପାଣିରେ ବୁଡ଼ି ସମସ୍ତଙ୍କ ମୃତ୍ୟୁ ହୋଇଥିବା ସୂଚନା ରହଛି ।
ପୁଣେ ଗ୍ରାମାଞ୍ଚଳ ଏସପି ପଙ୍କଜ ଦେଶମୁଖଙ୍କ କହିବା ଅନୁଯାୟୀ, ଜଣେ ମହିଳା ଏବଂ ତାଙ୍କର ପିଲା ଲୋନାଭାଲା ଥିବାରେ ଭୁସି ଡ୍ୟାମ୍ ନିକଟରୁ ବୁଲିବାକୁ ଆସିଥିଲେ । ଏହି ସମୟରେ ଡ୍ୟାମର ପଛୁଆ ପାଣି ଆସିଥିଲା । ଅଚାନକ ପ୍ରଖର ସ୍ରୋତରେ ସମସ୍ତେ ଭାସିଯାଇଥିଲେ । ଫଳରେ ପୂରା ପରିବାର ପ୍ରାଣ ହରାଇଥିବା ସୂଚନା ରହିଛି । ଏସପି ପଙ୍କଜ ଦେଶମୁଖଙ୍କ ସୂଚନା ମୁତାବକ, ସେଠାରେ ଉପସ୍ଥିତ ଥିବା ଲୋକେ ଖବର ଦେବା ପରେ ରେସକ୍ୟୁ ଟିମ୍ ଘଟଣାସ୍ଥଳରେ ପହଞ୍ଚଛି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଏହି ଅଘଟଣରେ ୫ଜଣଙ୍କ ମଧ୍ୟରୁ ୩ଜଣଙ୍କ ମୃତଦେହ ଉଦ୍ଧାର ହୋଇଛି । ଏବେବି ଉଦ୍ଧାର କାର୍ଯ୍ୟ ଜାରି ରହିଛି ।
