ପୁରୀ ୦୪।୧୨ : ପୁରୀରେ ବିଭତ୍ସ ହତ୍ୟା। ଶ୍ରୀସେତୁ ବ୍ରିଜ ତଳେ ହୋଇଛି ବିଭତ୍ସ ହତ୍ୟା। ଜଳଖିଆ ଦୋକାନୀଙ୍କୁ ପଥରରେ ଛେଚି ହତ୍ୟା କରାଯାଇଥିବା ସୂଚନା ମିଳିଛି । ମୃତକ ଖଣ୍ଡିଆ ବନ୍ଧ ଗ୍ରାମର ସୁଦର୍ଶନ ସାହୁ ବୋଲି ଜଣାପଡିଛି। ଘଟଣାସ୍ଥଳରେ ପୋଲିସ ପହଞ୍ଚି ଛାନ୍ଭିନ୍ ଜାରି ରଖିଛି ।
ଖବର ଅନୁଯାୟୀ, ମଙ୍ଗଳବାର ବିଳମ୍ବିତ ରାତିରେ ଦୁଇ ବନ୍ଧୁଙ୍କ ସହ ଦୋକାନରୁ ଫେରୁଥିଲେ ସୁଦର୍ଶନ । ଏହି ସମୟରେ ଖଣ୍ଡିଆ ବନ୍ଧ ଗାଁର ସୁଦର୍ଶନ ସାହୁଙ୍କ କେହି ହତ୍ୟା କରିଛି । କିଏ ହତ୍ୟା କରିଛି, ଏନେଇ ଅସ୍ପଷ୍ଟ ରହିଛି । ହେଲେ ସୁଦର୍ଶନଙ୍କୁ ପଥରରେ ଛେଚି ହତ୍ୟା କରାଯାଇଥିବା ସୂଚନା ମିଳିଛି । ସେପଟେ ହତ୍ୟାକାଣ୍ଡ ସଂପର୍କରେ ଖବର ପାଇ ଟାଉନ୍ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି । ଏହାସହ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ଶବ ବ୍ୟବଚ୍ଛେଦ ରିପୋର୍ଟ ଏବଂ ପୋଲିସର ପ୍ରାଥମିକ ରିପୋର୍ଟ ଆସିବା ପରେ କିଏ ଓ କାହିଁକି ହତ୍ୟା କରିଲା । ସେନେଇ ସ୍ପଷ୍ଟ ସୂଚନା ମିଳିବ ବୋଲି ଆଶା କରାଯାଉଛି ।
