କାଶୀପୁର ୧୧/୯: ପ୍ରେମ ପାଇଁ ଅଭାବନୀୟ କାଣ୍ଡ । ପ୍ରେମିକାର ବାପା ଆକ୍ରମଣରେ ପ୍ରେମିକ ମୃତ, ପ୍ରେମିକା ଗୁରୁତର । ରାୟଗଡା ଜିଲ୍ଲା କାଶୀପୁର ବ୍ଲକ ଅଡାଟାକିରି ଗାଁରେ ଚାଞ୍ଚଲ୍ୟ । ସ୍ଥାନୀୟ ଅଞ୍ଚଳର ବିଜୟ ମାଝିଙ୍କ ଝିଅର ମଙ୍ଗଲସିଂ ମାଝୀଙ୍କ ସହ ପ୍ରେମ ସଂପର୍କ ଥିଲା । ଯାହାକୁ ବିରୋଧ କରିଆସୁଥିଲେ ବାପା ବିଜୟ । ହେଲେ ଘର ଲୋକଙ୍କ କଥାକୁ ଅମାନ୍ୟ କରି ମଙ୍ଗଲ ସହ ମିଶୁଥିଲେ ଯୁବତୀ । ଯାହାକୁ ନେଇ ସବୁବେଳେ ୨ ପରିବାର ଭିତରେ କଳହ ଲାଗିରହୁଥିଲା । ଭିତରେ ଭିତରେ ରାଗରେ ଜଳୁଥିବା ବିଜୟ ବୁଧବାର ବାହାଘର କରାଇଦେବାକୁ ଡାକି ମରଣାନ୍ତକ ଆକ୍ରମଣ କରିଥିଲେ । ଆକ୍ରମଣରେ ପ୍ରେମିକର ମୃତ୍ୟୁ ହୋଇଥିବାବେଳେ ଯୁବତୀ ଜଣକ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ହୋଇଛନ୍ତି । ଆକ୍ରମଣ ପରେ ଅଭିଯୁକ୍ତ ବିଜୟ ଫେରାର ହୋଇଯାଇଛନ୍ତି । କାଶୀପୁର ପୋଲିସ ଘଟଣାର ତଦନ୍ତ କରୁଛି ।
