ଦିଗପହଣ୍ଡି ୧୨/୧: ଗଞ୍ଜାମ ଜିଲ୍ଲା ଦିଗପହଣ୍ଡିରେ ବାଘ ଆତଙ୍କ । ସିସିଟିଭିରେ ବାଘ ବୁଲୁଥିବାର ଭିଜୁଆଲ କଏଦ ପରେ ଗାଁରେ କୋକୁଆ ଭୟ । ସଂଜ ନଇଁଲେ ଘରୁ ବାହାରିବାକୁ ଭୟ କରୁଛନ୍ତି ଲୋକେ । କିଛି ଦିନ ଭିତରେ ୨ଥର ସିସିଟିଭିରେ କଏଦ ହେଲାଣି ଭିଜୁଆଲ । ଭିଡିଓ ଭାଇରାଲ ହେବା ପରେ ବାଘ ଗୁଜବ ଲୋକଙ୍କୁ ଭୟଭୀତ କରିଛି ।
ଦିଗପହଣ୍ଡି ଦେବାହୁତି ନଗରରେ ରହୁଥିବା ପୋଷ୍ଟମାଷ୍ଟର ସୀମାଞ୍ଚଳ ପ୍ରଧାନଙ୍କ ଘରେ ଲାଗିଥିବା ସିସିଟିଭି କ୍ୟାମେରାରେ ଏକ ଜନ୍ତୁ ଯାଉଥିବାର ଭିଜୁଆଲ କଏଦ ହୋଇଥିଲା । ଯାହାକୁ ଚିତାବାଘ ବୋଲି ସନ୍ଦେହ କରାଯାଉଛି । ଖବର ପାଇ ବନବିଭାଗ ଦିଗପହଣ୍ଡିରେ ପହଞ୍ଚି ଛାନଭିନ ଚଳାଇଛି । କିଛିଦିନ ତଳେ ଦିଗପହଣ୍ଡି ସାନଖେମୁଣ୍ଡିରେ ବାଘ ବୁଲୁଥିବାର ଦେଖିବାକୁ ମିଳିଥିଲା ।
