ମୁମ୍ଵାଇ ୩୦।୧୦: ଐଶ୍ୱର୍ଯ୍ୟା ରାୟଙ୍କ ସହ ଛାଡପତ୍ର ଖବର ପାଇଁ ଅଭିଷେକ ବଚ୍ଚନ ଦୀର୍ଘ ଦିନ ଧରି ଲାଇମ୍ ଲାଇଟ୍ରେ ରହିଛନ୍ତି। ତେବେ ସମ୍ପର୍କର ମତଭେଦ ସମ୍ପର୍କରେ କୌଣସି ଅଫିସିଆଲ କନଫର୍ମ କରାଯାଇ ନାହିଁ। ନିମରତ୍ କୌରଙ୍କ ସହ ତାଙ୍କର ଘନିଷ୍ଠତା ସେମାନଙ୍କ ସମ୍ପର୍କରେ ମତଭେଦ ହେବାର ଅନ୍ୟତମ କାରଣ ବୋଲି କୁହାଯାଉଛି। ଅଭିଷେକଙ୍କ ସହ ନିମରତ୍ଙ୍କ ଡେଟିଂ ବିଷୟରେ ଅନେକ ଖବର ଆସିଛି । ଏସବୁ ମଧ୍ୟରେ ନିମ୍ରତଙ୍କ ଏକ ବିବୃତ୍ତି ଚର୍ଚ୍ଚାକୁ ଆସିଛି। ଯାହା ସେ ତାଙ୍କ ପୂର୍ବତନ ପ୍ରେମିକଙ୍କ ସହ ବ୍ରେକଅପ୍ ଉପରେ ଦେଇଥିଲେ।
ବାସ୍ତବରେ ନିମରତ କୌର ଅଭିଷେକଙ୍କ ସହ 'ଦସଭି'ରେ କାମ କରିଥିଲେ। ଏହାର ପ୍ରମୋସନ ସମୟରେ ଅଭିନେତ୍ରୀ ସିଦ୍ଧାର୍ଥ କାନନଙ୍କ ପୋଡ଼କାଷ୍ଟରେ ନଜର ଆସିଥିଲେ। ଏହି ସମୟରେ ସେ ତାଙ୍କ ପୂର୍ବ ପ୍ରେମିକ ସହିତ ସମ୍ପର୍କ ଏବଂ ବ୍ରେକଅପ୍ ବିଷୟରେ କହିଥିଲେ। ସେ ତାଙ୍କ ନାମ ନେବାକୁ ମନା କରିଦେଇଥିଲେ। ନାମ ନନେଇ ଅଭିନେତ୍ରୀ କହିଥିଲେ ଯେ ସେ ଏ ବିଷୟରେ ଅଧିକ କିଛି କହିବାକୁ ଚାହାଁନ୍ତି ନାହିଁ କାରଣ ସେ ବର୍ତ୍ତମାନ ବିବାହିତ ଏବଂ ତାଙ୍କର ସନ୍ତାନ ଅଛନ୍ତି। ଯଦି ସେ କିଛି କୁହନ୍ତି, ତେବେ ଏହା ତାଙ୍କ ପାଇଁ ଖରାପ ହେବ ଏବଂ ଯଦି ସେ କିଛି କହିଥାନ୍ତେ, ତେବେ ତାଙ୍କ ଏକ୍ସ ଅସୁବିଧାରେ ପଡ଼ିବେ।
ଏହା ପରେ ଯେତେବେଳେ ନିମରତଙ୍କୁ ତାଙ୍କ ପୂର୍ବ ବୟଫ୍ରେଣ୍ଡଙ୍କ ସହିତ ବ୍ରେକଅପ୍ ହେବାର କାରଣ ପଚରାଯାଇଥିଲା, ସେତେବେଳେ ଅଭିନେତ୍ରୀ କହିଥିଲେ ଯେ, ସେ ଏହି ସମ୍ପର୍କକୁ ପରବର୍ତ୍ତୀସ୍ତରକୁ ନେବାକୁ ଚାହୁଁଥିଲେ। ତାଙ୍କ ଉତ୍ତରରେ ଅଭିଷେକ ଆଶ୍ଚର୍ଯ୍ୟ ହୋଇ କହିଥିଲେ। ଅଭିଷେକ କହିଥିଲେ ହେ ଭଗବାନ, ଏହା ଏକ ଭଲ ଉତ୍ତର ଥିଲା। କହିବାକୁ ଗଲେ କେତେକ ରିପୋର୍ଟରେ ଦର୍ଶାଯାଇଛି ଯେ ଅଭିଷେକ ଏବଂ ନିମରତଙ୍କ ନିକଟତରତା ଯୋଗୁ ଐଶ୍ୱର୍ଯ୍ୟା ଅଭିଷେକଙ୍କଠାରୁ ନିଜକୁ ଦୂରେଇ ଯାଇଛନ୍ତି।
