କଟକ: ପ୍ରକାଶ ପାଇଲା ଓଡ଼ିଶା ଜୁଡିସିଆଲି ସର୍ଭିସ(ଓଜେଏସ)-୨୦୨୩ର ଫଳାଫଳ। ଏଥର ୩୩ ଜଣ ପରୀକ୍ଷାର୍ଥୀ କୃତକାର୍ଯ୍ୟ ହୋଇଥିବା ଓଡ଼ିଶା ପବ୍ଲିକ ସର୍ଭିସ କମିସନ(ଓପିଏସସି) ପକ୍ଷରୁ ସୂଚନା ଦିଆଯାଇଛି। ପରୀକ୍ଷାରେ ଝିଅମାନେ ବାଜି ମାରି ନେଇଛନ୍ତି। ଉତ୍ତୀର୍ଣ୍ଣ ହୋଇଥିବା ଆଶାୟୀଙ୍କ ମଧ୍ୟରୁ ୨୪ ଜଣ ଝିଅ ରହିଥିବା ବେଳେ ମାତ୍ର ୯ ଜଣ ପୁଅ ରହିଛନ୍ତି। ସୋମେଶ ରଣବିଜୁଳି ଓଜେଏସ-୨୦୨୩ ଟପ୍ପର ହୋଇଥିବା ବେଳେ ତାଲିକାରେ ଅରୁଣିମା ପତି ଦ୍ଵିତୀୟ, ପାଏଲ ଅତ୍ତା ତୃତୀୟ ସ୍ଥାନରେ ରହିଛନ୍ତି। ସମ୍ପର୍କିତ ପ୍ରାର୍ଥୀମାନଙ୍କୁ ବିବରଣୀ ପାଇଁ କମିସନର ୱେବସାଇଟ୍ (www.opsc.gov.in) ପରିଦର୍ଶନ କରିବାକୁ ପରାମର୍ଶ ଦିଆଯାଇଛି ବୋଲି ଏଥିରେ କୁହାଯାଇଛି।