ନୂଆଦିଲ୍ଲୀ: ଏବେ ଆପଣଙ୍କ ଫୋନ୍ପେରୁ ପେମେଣ୍ଟ କରିପାରିବେ ଆପଣଙ୍କ ପରିବାର ଲୋକେ। ୟୁପିଆଇ ସର୍କଲ୍ ସର୍ଭିସ୍ ଆରମ୍ଭ କରିଛି ଫୋନ୍ ପେ। ଯଦି ଆପଣ ଘରେ ଅଛନ୍ତି, ଓ ପରିବାର ସଦସ୍ୟ ବାହାରେ କୌଣସି ଜିନିଷ କିଣୁଛନ୍ତି, ତେବେ ସେ ଆପଣଙ୍କ ଆକାଉଣ୍ଟରୁ ଫୋନ୍ପେ ମାଧ୍ୟମରେ ପେମେଣ୍ଟ କରିପାରିବେ। ଫଳରେ ବ୍ୟାଙ୍କ ଆକାଉଣ୍ଟ ନଥିବା ପରିବାର ସଦସ୍ୟ ଏଥିରେ ଖୁବ୍ ଉପକୃତ ହେବେ। ଏହା କେମିତି ପଢନ୍ତୁ ରିପୋର୍ଟ।
ଫୋନ୍ପେ ୟୁପିଆଇ ସର୍କଲ ଆରମ୍ଭ ହେବା ଦ୍ୱାରା ପେମେଣ୍ଟ ଆହୁରି ସହଜ ହୋଇଯିବ। ୟୁପିଆଇ ସର୍କଲ ବ୍ୟବସ୍ଥା ଦ୍ୱାରା ଏଣିକି ଆପଣଙ୍କ ଆକାଉଣ୍ଟରୁ ଆପଣଙ୍କର ପରିବାର ଲୋକେ କିମ୍ବା କେହି ବିଶ୍ୱସ୍ତ ବି ପେମେଣ୍ଟ କରିପାରିବ। ଏହି ଫିଚର ବିଶେଷକରି ସେମାନଙ୍କ ପାଇଁ ବେଶ୍ ସୁବିଧାଜନକ ହେବ ଯେଉଁମାନଙ୍କ ପାଖରେ ବ୍ୟାଙ୍କ୍ ଆକାଉଣ୍ଟ ନାହିଁ କିମ୍ବା ଅନଲାଇନ ବ୍ୟାଙ୍କିଂର ବ୍ୟବହାର କରିପାରୁନାହାଁନ୍ତି। ଯେମିତିକି ଘରର ପିଲାମାନେ କିମ୍ବା ଘରର କେହି ବରିଷ୍ଠ ବ୍ୟକ୍ତି।
ପଢନ୍ତୁ-ATM On Train, ଚଳନ୍ତା ଟ୍ରେନ୍ରେ ମିଳିବ ଏଟିଏମ୍ ସୁବିଧା: ଟଙ୍କା ପାଇଁ ଆଉ ଷ୍ଟେସନ୍ରେ ଓହ୍ଲାଇବାକୁ ପଡ଼ିବନି
ଏହାକୁ କିଭଳି ବ୍ୟବହାର କରିବେ ଆସନ୍ତୁ ଷ୍ଟେପ୍ ବାଇ ଷ୍ଟେପ୍ ବାଇ ଜାଣିବା। ଏହି ଫିଚର ଆକ୍ଟିଭ କରିବା ପାଇଁ PhonePe ଆପ୍ ଖୋଲନ୍ତୁ । ହୋମ ସ୍କ୍ରିନରେ UPI ସର୍କଲ ଅପସନ ମିଳିବ। ପରେ UPI ସର୍କଲ ସେଟଅପ୍ କରିବା ପାଇଁ, ‘Invite Secondary Contact’ ଉପରେ ଟାପ୍ କରନ୍ତୁ, ଏହାଦ୍ୱାର ଆପଣ ଚାହୁଁଥିବା ବ୍ୟକ୍ତିଙ୍କୁ ସେକେଣ୍ଡାରୀ ୟୁଜର କରିପାରିବେ। ତେବେ ଏହି ସେବା ବ୍ୟବହାର କରିବା ପାଇଁ ସେକେଣ୍ଡାରୀ ୟୁଜରଙ୍କ ଫୋନରେ ଫୋନପେ ଥିବା ଦରକାର।
ଏହା ପରେ ନେକ୍ସଟ ଷ୍ଟେପରେ ଆପଣଙ୍କୁ ଉକ୍ତ ବ୍ୟକ୍ତିଙ୍କ ଫୋନର କ୍ୟୁଆର ସ୍କାନ କରାଇବାକୁ ପଡ଼ିବ। ଆପଣ ଚାହିଲେ ତାଙ୍କର ୟୁପିଆଇ ଆଇଡି ମାଧ୍ୟମରେ ମଧ୍ୟ ଯୋଡ଼ିପାରିବେ। ଏସବୁ ସରିଲା ପରେ ଏବେ ସେକେଣ୍ଡାରୀ ୟୁଜରଙ୍କୁ ତାଙ୍କ PhonePe ଆପରେ ଇନଭିଟେସନକୁ ଆକ୍ସେପ୍ଟ କରିବାକୁ ହେବ। ବାସ୍ ଏତିକି କଲେ ଆପଣଙ୍କ ଆକାଉଣ୍ଟ ସହ ତାଙ୍କ ଫୋନ୍ପେ ଲିଙ୍କ ହୋଇଯିବ।
ତେବେ ୟୁପିଆଇ ସର୍କଲ ମାଧ୍ୟମରେ ଯେତେବେଳେ ସେକେଣ୍ଡାରୀ ୟୁଜର କୌଣସି ପେମେଣ୍ଟ କରିବେ। ତାହାର ନୋଟିଫିକେସନ ଆପଣଙ୍କ ପାଖକୁ ଆସିବ। ଆଉ ଆପଣ ଅନୁମତି ଦେବା ପରେ ହିଁ ପେମେଣ୍ଟ ହୋଇପାରିବ। ତେବେ ମୂଳ ଆକାଉଣ୍ଟ ଧାରୀ ସେକେଣ୍ଡାରୀ ୟୁଜରଙ୍କ ପାଇଁ ଖର୍ଚ୍ଚର ଲିମିଟ୍ ବି ସେଟ୍ କରିପାରିବେ।
ପଢନ୍ତୁ- ଥମୁନି ଶୁଳ୍କ ଯୁଦ୍ଧ: ଚୀନ ଉପରେ ୨୪୫ ପ୍ରତିଶତ ଶୁଳ୍କ ଲଗାଇଲା ଆମେରିକା, ଚୀନ କହିଲା ଲଢ଼ିବାକୁ ଡରୁନା
