ଭୁବନେଶ୍ଵର: ଓଡ଼ିଶାରେ ପ୍ରଥମ ଥର ପାଇଁ ହେବାକୁ ଯାଉଛି ପ୍ରବାସୀ ଭାରତୀୟ ଦିବସ ସମାରୋହ । ଆସନ୍ତା ଜାନୁଆରୀ ୮ରୁ ୧୦ ପର୍ଯ୍ୟନ୍ତ ତିନି ଦିନ ଧରି କମ୍ପିବ ରାଜଧାନୀ ଭୁବନେଶ୍ବର । ଭୁବନେଶ୍ବର ଜନତା ମଇଦାନରେ ଏହି ମେଗା କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଥିବା ବେଳେ ଆଜିଠୁ ଆରମ୍ଭ ହୋଇଛି ପ୍ରସ୍ତୁତି । ଏହି ଭବ୍ୟ ସମାବେଶ ପାଇଁ ଆଜି ଜନତା ମଇଦାନରେ ହୋଇଛି ଭୂମି ପୂଜନ । ଏହି କାର୍ଯ୍ୟକ୍ରମରେ ୭ହଜାରରୁ ଅଧିକ ପ୍ରବାସୀ ଭାରତୀୟଙ୍କ ସମେତ ୧୦ ହଜାରରୁ ଅଧିକ ଅତିଥି ଯୋଗଦେବେ । ଏହି ମେଗା କାର୍ଯ୍ୟକ୍ରମରେ ଯୋଗଦେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ଅନେକ ବିଶିଷ୍ଟ ବ୍ୟକ୍ତି ।

ଓଡ଼ିଶାରେ ପ୍ରଥମ ଥର ପାଇଁ ହେବ ପ୍ରବାସୀ ଭାରତୀୟ ଦିବସ ସମାରୋହ ଏହି ମେଗା ସମାରୋହ ପାଇଁ ଆଜିଠୁ ଆରମ୍ଭ ହୋଇଛି ପ୍ରସ୍ତୁତି । ଭୁବନେଶ୍ବର ଜନତା ମଇଦାନରେ ହେବାକୁ ଥିବା ଏହି କାର୍ଯ୍ୟକ୍ରମ ପାଇଁ ଆଜି ହୋଇଛି ଭୂମି ପୂଜନ । ଜାନୁଆରୀ ୮ ତାରିଖରେ ଯୁବ ପ୍ରବାସୀ ଭାରତୀୟଙ୍କ ପାଇଁ କାର୍ଯ୍ୟକ୍ରମ ରହିଛି। ୯ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ଅନେକ ବିଶିଷ୍ଟ ବ୍ୟକ୍ତି ଏହି କାର୍ଯ୍ୟକ୍ରମରେ ଯୋଗଦେବେ । ବୈଦେଶିକ ମନ୍ତ୍ରାଳୟ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମ ପାଇଁ ଭବ୍ୟ ଆୟୋଜନ କରିବେ ରାଜ୍ୟ ସରକାର। କାର୍ଯ୍ୟକ୍ରମରେ ଦେଖିବାକୁ ମିଳିବ ଓଡ଼ିଶା ଐତିହ୍ୟ, ସଂସ୍କୃତି, ପରମ୍ପରା ସହ ଓଡ଼ିଆ ଅସ୍ମିତାର ଝଲକ । ୨୦୩୬ ମସିହା ସୁଦ୍ଧା ବିକଶିତ ଓଡ଼ିଶା ଏବଂ ୨୦୪୭ ସୁଦ୍ଧା ବିକଶିତ ଭାରତର ଲକ୍ଷ୍ୟ ପୂରଣ ଦିଗରେ ପ୍ରବାସୀ ଭାରତୀୟଙ୍କ ଯୋଗଦାନ ସମ୍ପର୍କରେ ଏହି କାର୍ଯ୍ୟକ୍ରମରେ ଆଲୋଚନା ହେବ। 

Also read: ଭଡ଼ା ଘରେ ଅତର୍କିତ ରେଡ୍‌: ତକିଆ ଖୋଳରୁ ମିଳିଲା ପୁଳା ପୁଳା ଟଙ୍କା, ବ୍ରାଉନସୁଗାର୍

ଓଡ଼ିଶାରେ ପ୍ରବାସୀ ଭାରତୀୟ ଦିବସ ସମାରୋହ ଆମ ରାଜ୍ୟ ପାଇଁ ଗର୍ବ ଓ ଗୌରବ । ୨୦୦୩ ମସିହାରୁ ଭାରତରେ ପ୍ରବାସୀ ଭାରତୀୟ ଦିବସ ପାଳନ ହୋଇ ଆସୁଥିବା ବେଳେ ଓଡ଼ିଶାରେ ପାଳନ ହେବ ଏହାର ୧୮ତମ ସଂସ୍କରଣ । ଗତବର୍ଷ ମଧ୍ୟପ୍ରଦେଶର ଇନ୍ଦୋରରେ ଅନୁଷ୍ଠିତ ହୋଇଥିଲା ଏହି ସମାରୋହ । ଭୁବନେଶ୍ବରରେ ଆୟୋଜିତ ହେଉଥିବା ଏହି କାର୍ଯ୍ୟକ୍ରମରେ ଯୋଗଦେଉଥିବା ସମସ୍ତ ଅତିଥିମାନଙ୍କୁ ଏକ ଭଲ ଅନୁଭବ ଦେବାକୁ ସବୁ ପ୍ରକାର ବ୍ୟବସ୍ଥା କରାଯାଉଛି । ଭାରତରେ G-20 ସମ୍ମିଳନୀ ପରେ ଏହା ପ୍ରବାସୀ ଭାରତୀୟ ସମାବେଶ ହେବ ସବୁଠୁ ବଡ଼ କାର୍ଯ୍ୟକ୍ରମ । ଏମିତିରେ ଯେତେବେଳେ ଏହା ଓଡ଼ିଶାରେ ହେବାକୁ ଯାଉଛି ତେଣୁ ଏହି ମେଗା କାର୍ଯ୍ୟକ୍ରମକୁ ନେଇ ବଡ଼ ପ୍ରସ୍ତୁତି କରୁଛନ୍ତି ସରକାର ।