ସିଲଙ୍ଗ ୨୧।୬: ସିଲଙ୍ଗର ଏକ କୋର୍ଟ ୨୧ ଜୁନ ଶନିବାର ରାଜା ରଘୁବଂଶୀ ହତ୍ୟା ମାମଲାରେ ଅଭିଯୁକ୍ତ ସୋନମ ରଗୁବଂଶୀ ଓ ରାଜ କୁଶୱାହଙ୍କୁ ୧୩ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି। ହତ୍ୟା ମାମଲାରେ ଦୁଇ ଅଭିଯୁକ୍ତଙ୍କୁ ମେଘାଳୟର ଇଷ୍ଟ ଖାସି ହିଲସ୍ ଜିଲ୍ଲା ସେସନସ କୋର୍ଟରେ ହାଜର କରାଯାଇଥିଲା। ତେବେ ପୋଲିସ ଅଭିଯୁକ୍ତଙ୍କ ରିମାଣ୍ଡ ନିବେଦନ ନ କରିବାରୁ କୋର୍ଟ ସେମାନଙ୍କୁ ବିଚାରବିଭାଗୀୟ ହାଜତକୁ ପଠାଇଛନ୍ତି।
ରାଜା ରଘୁବଂଶୀ ଓ ତାଙ୍କ ପତ୍ନୀ ସୋନମ ୨୩ ମେ ୨୦୨୫ରେ ମେଘାଳୟର ସୋହରା ଅଞ୍ଚଳକୁ ହନିମୁନ ଲାଗି ଯାଇଥିବା ବେଳେ ନିଖୋଜ ହୋଇଯାଇଥିଲେ। ପରେ ଜୁନ ୨ ତାରିଖ ଦିନ ରାଜାର କ୍ଷତବିକ୍ଷତ ଶବ ଏକ ଘାଟିରୁ ମିଳିଥିଲା ଓ ସେତେବେଳେ ସୋନମ ନିଖୋଜ ଥିଲେ। ଏହା ପରେ ପୋଲିସ ରାଜ କୁଶୱାହ ଓ ୩ ହତ୍ୟାକାରୀ ଆକାଶ ରାଜପୁତ (୧୯), ବିଶାଲ ସିଂହ ଚୌହାନ (୨୨) ଓ ରାଜ ସିଂହ କୁଶୱାହ (୨୧)ଙ୍କୁ ୟୁପି ଓ ମଧ୍ୟପ୍ରଦେଶରୁ ଗିରଫ କରିଥିଲା। ଏହା ପରେ ସୋନମ ତାଙ୍କ ପତିଙ୍କ ହତ୍ୟା ମାମଲାରେ ପୋଲିସ ନିକଟରେ ଆତ୍ମସମର୍ପଣ କରିଦେଇଥିଲେ।
ବିଚାରବିଭାଗୀୟ ମାଜିଷ୍ଟ୍ରେଟ୍ ଡନ କିଟବୋର କୋଶି ମିହସିଲଙ୍କ କୋର୍ଟ ଜୁନ ୧୧ ତାରିଖ ଦିନ ୫ ଅଭିଯୁକ୍ତଙ୍କୁ ୮ ଦିନିଆ ପୋଲିସ ରିମାଣ୍ଡରେ ଛାଡିଥିଲେ, ଯେଉଁମାନଙ୍କୁ ପୁଣି ଟ୍ରାଞ୍ଜିଟ ରିମାଣ୍ଡରେ ମେଘାଳୟ ଅଣାଯାଇଥିଲା। ସିଲଙ୍ଗର ଏକ କୋର୍ଟ ସୋନମ ରଘୁବଂଶୀ ଓ ତାଙ୍କ କଥିତ ପ୍ରେମିକ ରାଜ କୁଶୱାହର ପୋଲିସ ରିମାଣ୍ଡ ୨ ଦିନ ବଢାଇ ଦେଇଥିଲେ।
#WATCH | Raja Raghuvanshi Murder Case | Shillong, Meghalaya: Assistant Public Prosecutor Tushar Chanda says, "The court has remanded both the accused for 13-day judicial custody. The police did not ask for custody. The Investigating Officer pleaded for judicial custody. The court… https://t.co/LQ110Cuc1E pic.twitter.com/vCIN8bX0Bt
— ANI (@ANI) June 21, 2025
