ଯାଜପୁର ୧୮।୧: ଯାଜପୁର ଜିଲ୍ଲା ଦାନଗଦି ବ୍ଲକ ନୟାବଗପାଟିଆ ପ୍ରାଥମିକ ବିଦ୍ୟାଳୟରେ ଅଘଟଣ । ଖସଡ଼ା ଦୋଳିରେ ଖେଳୁଥିବା ସମୟରେ ତଳକୁ ଖସିପଡି ୪ର୍ଥ ଶ୍ରେଣୀ ଛାତ୍ରଙ୍କ ମୃତ୍ୟୁ ହୋଇଛି । ମୃତ ଛାତ୍ର ଜଣକ ନବଘନ ସାହୁଙ୍କ ପୁଅ ସୌମ୍ୟରଞ୍ଜନ ସାହୁ ବୋଲି ଜଣାପଡିଛି । 

ସୂଚନାଯୋଗ୍ୟ ଯେ, ଛାତ୍ର ଜଣଙ୍କ ବିଦ୍ୟାଳୟ ପରିସରରେ ଥିବା ଏକ ସିମେଣ୍ଟ କଂକ୍ରିଟ ନିର୍ମିତ ଖସଡ଼ା ଦୋଳିରେ ଖେଳୁଥିଲେ । ଏହି ସମୟରେ ଖସଡ଼ା ଦୋଳିର ସାଇଡ଼ ଓ୍ବାଲ ଭାଙ୍ଗିଯିବାରୁ ସେ ତଳେ ପଡ଼ିଯାଇଥିଲେ । ଗୁରୁତର ଅବସ୍ଥାରେ ତାଙ୍କୁ ଦାନଗଦି ମେଡ଼ିକାଲକୁ ନିଆଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଶିକ୍ଷକଙ୍କ ଅବହେଳାରୁ ଏପରି ହୋଇଥିବା ଦର୍ଶାଇ ଗ୍ରାମବାସୀ ଶିକ୍ଷକଙ୍କୁ ସ୍କୁଲରେ ଅଟକ ରଖିଥିବା ଜଣାପଡିଛି । 

ସେପଟେ ଦାନଗଦି ମେଡ଼ିକାଲରେ ପୋଲିସ ପହଞ୍ଚି ଛାତ୍ରଙ୍କ ମୃତଦେହ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

You Can Read:

ତାଲା ଭାଙ୍ଗି ଘରେ କଳାକନା ବୁଲାଇଲେ ଦୁର୍ବୃତ୍ତ : ସବୁ ଖୋଲି ଦେଖିଲେ, ଅରିଜିନାଲ ନେଇଗଲେ