ନୂଆଦିଲ୍ଲୀ ୧୯।୦୧; ଉତ୍ତର-କେନ୍ଦ୍ରୀୟ ନାଇଜେରିଆରେ ବିସ୍ଫୋରଣ । ଏକ ପେଟ୍ରୋଲ ଟ୍ୟାଙ୍କର ବିସ୍ଫୋରଣରେ ୭୦ ଜଣଙ୍କର ମୃତ୍ୟୁ ହୋଇଛି। ଦେଶର ଜରୁରୀକାଳୀନ ପ୍ରତିକ୍ରିୟା ସଂସ୍ଥା ଅନୁଯାୟୀ, ଶନିବାର ଦିନ କିଛି ଲୋକ ଜେନେରେଟର ବ୍ୟବହାର କରି ଗୋଟିଏ ଟ୍ୟାଙ୍କରରୁ ଅନ୍ୟ ଏକ ଟ୍ରକକୁ ପେଟ୍ରୋଲ ସ୍ଥାନାନ୍ତର କରିବାକୁ ଚେଷ୍ଟା କରୁଥିଲେ। ନାଇଜର ପ୍ରଦେଶର ସୁଲେଜା ଅଞ୍ଚଳ ନିକଟରେ ଏହି ବିସ୍ଫୋରଣ ଘଟିଥିଲା । ବିସ୍ଫୋରଣ ଇନ୍ଧନ ସ୍ଥାନାନ୍ତର ଯୋଗୁଁ ହୋଇଥିଲା। ଯେଉଁଥିରେ ପେଟ୍ରୋଲ ସ୍ଥାନାନ୍ତର କରୁଥିବା ଲୋକମାନେ ଏବଂ ଆଖପାଖରେ ଛିଡା ହୋଇଥିବା ଲୋଜକ ପ୍ରାଣ ହରାଇଥିଲେ। ବର୍ତ୍ତମାନ ଉଦ୍ଧାର କାର୍ଯ୍ୟ ଜାରି ରହିଛି।
ଇମ୍ରାନ ଖାନ୍ଙ୍କୁ ୧୪ ବର୍ଷ ଜେଲ୍ ଦଣ୍ଡ; ଟ୍ରଷ୍ଟ ଦୁର୍ନୀତି ମାମଲାରେ ସଜା ଶୁଣାଇଲେ କୋର୍ଟ
ପେଟ୍ରୋଲ ଟ୍ୟାଙ୍କର ବିସ୍ଫୋରଣ
ନାଇଜର ରାଜ୍ୟପାଳ ଏକ ବିବୃତ୍ତିରେ କହିଛନ୍ତି ଯେ ରାଜ୍ୟର ଡିକ୍କୋ ଅଞ୍ଚଳର ଅନେକ ବାସିନ୍ଦା ଏକ ପେଟ୍ରୋଲ ଟ୍ୟାଙ୍କରରୁ ଇନ୍ଧନ ନିଷ୍କାସନ ଚେଷ୍ଟା କରିବା ସମୟରେ ଏକ ଭୟଙ୍କର ଅଗ୍ନିକାଣ୍ଡରେ ଫସି ଯାଇଥିଲେ। ଅନେକ ଲୋକ ପୋଡ଼ି ମୃତ୍ୟୁବରଣ କରିଥିଲେ। ସେ କହିଛନ୍ତି ଯେ ଯେଉଁମାନେ ଟ୍ୟାଙ୍କର ପାଖରେ ନଥିଲେ, ସେମାନେ ଆହତ ହେବା ସତ୍ତ୍ୱେ ବଞ୍ଚି ଯାଇଛନ୍ତି। ସେ ଏହି ଘଟଣାକୁ ଚିନ୍ତାଜନକ, ହୃଦୟ ବିଦାରକ ଏବଂ ଦୁର୍ଭାଗ୍ୟଜନକ ବୋଲି ବର୍ଣ୍ଣନା କରିଛନ୍ତି।
୭୦ ଜଣଙ୍କର ମୃତ୍ୟୁ ହୋଇଛି
ନ୍ୟୁଜ୍ ଏଜେନ୍ସି ଜି ଅନୁଯାୟୀ, ଏହି ଘଟଣାରେ ଅତି କମରେ ୭୦ ଜଣଙ୍କର ମୃତ୍ୟୁ ହୋଇଛି। ନାଇଜର ରାଜ୍ୟ ସରକାର ସ୍ଥାନୀୟ ମାନବିକ ସଂସ୍ଥାଗୁଡ଼ିକୁ ଚ୍ୟାଲେଞ୍ଜର ସମ୍ମୁଖୀନ ହୋଇ ଅଞ୍ଚଳରେ ସ୍ୱାଭାବିକତା ଫେରାଇ ଆଣିବାକୁ ଆହ୍ୱାନ କରିଛନ୍ତି। ନାଇଜେରିଆରେ ପେଟ୍ରୋଲ ଟ୍ୟାଙ୍କର୍ ବିସ୍ଫୋରଣ ଅସାଧାରଣ ନୁହେଁ। ଯାହା ପ୍ରାୟତଃ ବହୁ ମୃତାହତ ଏବଂ ଦେଶବ୍ୟାପୀ ଶୋକ ସୃଷ୍ଟି କରେ।
ଜୀବନରୁ ମାରିଦେବାକୁ ହୋଇଥିଲା ଯୋଜନା; ଷଡ଼ଯନ୍ତ୍ରର ବଡ଼ ଖୁଲାସା କଲେ ଶେଖ୍ ହସିନା
