ଆନନ୍ଦପୁର ୮।୧: ଠକିଦେଲା ଉଦ୍ୟାନ ବିଭାଗ । ଲକ୍ଷାଧିକ ଟଙ୍କାର ଥାଇଲାଣ୍ଡ ବେରି ଚାରାକୁ ବଞ୍ଚାଇବାକୁ ସଂଘର୍ଷ କରୁଛି ଚାଷୀ । ନ୍ୟାୟ ପାଇବା ଆଶାରେ ଉଦ୍ୟାନ ବିଭାଗ କାର୍ଯ୍ୟାଳୟ ସମ୍ମୁଖରେ ଦେଲେ ଧାରଣା । 

କେନ୍ଦୁଝର ଜିଲ୍ଲା ଆନନ୍ଦପୁର ଉଦ୍ୟାନ ବିଭାଗ ଅଧୀନରେ ଅନେକ ଚାଷୀ ଥାଇଲାଣ୍ଡ ବେରି ଲଗାଇ ସ୍ୱାବଲମ୍ବୀ ହେବାକୁ ନିଜ ଜମିରେ ଆରମ୍ଭ କରିଥିଲେ ଚାଷ । ଉଦ୍ୟାନ ବିଭାଗ ସେମାନଙ୍କୁ ଚାରା ସହିତ ବୋରୱେଲ କରି ପାଣି, ତାର ବାଡ଼ ଓ ମନରେଗା ଯୋଜନାରେ ପାରିଶ୍ରମିକ ଦେବାର ପ୍ରତିଶୃତି ଦେଇଥିଲା । ଚାଷୀ ମାନେ ଚାରା ତ ପାଇଗଲେ ହେଲେ ଦୀର୍ଘ ୩ ମାସ ପରେ ମଧ୍ୟ ଅନ୍ୟ ସୁବିଧା କିଛି ପାଇ ପାରୁନାହାନ୍ତି । ଏବେ ଲଗାଇଥିବା ଚାରାକୁ କିଭଳି ବଞ୍ଚାଇ ବଡ଼ କରିବେ ସେଇ ଚିନ୍ତାରେ ଉଦ୍ୟାନ ବିଭାଗ ସମ୍ମୁଖରେ ଧାରଣାରେ ବସିଛନ୍ତି । 

ଅନ୍ୟପଟେ ବୋରୱେଲ ଓ ତାର ବାଡ଼ ପାଇଁ ଜିଲ୍ଲା ଖଣିଜ ପାଣ୍ଠି ଅର୍ଥ ବହନ କରିବାକୁ ଚୂଡାନ୍ତ ହୋଇଥିବା ବେଳେ ଜିଲ୍ଲା ସ୍ତରରେ ଏହାର କାର୍ଯ୍ୟକାରିତା ମନ୍ଥର ଗତିରେ ଚାଲିଛି । ତେଣୁ ଚାଷୀ ପାଇବାକୁ ଥିବା ସୁବିଧାରୁ ବଞ୍ଚିତ ହେଉଥିବା ଉଦ୍ୟାନ ଅଧିକାରୀ ପ୍ରକାଶ କରିଛନ୍ତି । 

You Can Read:

ନରସିଂହପୁରରେ ଦନ୍ତା ହାତୀର ମୃତ୍ୟୁ, ଦାନ୍ତ ଉଦ୍ଦେଶ୍ୟରେ ମାରିଥିବା ସନ୍ଦେହ