ଜଗତସିଂହପୁର: କୋଲକାତା ଚାଲାଣବେଳେ ଗୋମାଂସ ଭର୍ତ୍ତି ଗାଡ଼ିକୁ ଜବତ କଲା ପୋଲିସ । ସୋମବାର ଗତସିଂହପୁରରୁ ଏକ ୪୦୭ ଟ୍ରକରେ ଗୋ ମାଂସ ଚାଲାଣ ହେଉଥିବାନେଇ ଖବର ପାଇଥିଲା ଜଗତସିଂହପୁର ପୋଲିସ। ଆଉ ଗାଡ଼ିଟିକୁ ନୂଆପୋଲ ନିକଟରେ ଅଟକାଇବାରେ ସଫଳ ହୋଇଥିଲା ପୋଲିସ।
ତେବେ ଗାଡ଼ିକୁ ଜବତ କରି ଚାଳକ ସହ ଦୁଇ ଜଣଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ। ଏତେ ପରିମାଣର ଗୋମାଂସ କେଉଁ ସ୍ଥାନରୁ ଆସିଲା ସେନେଇ ଘଟଣାର ତଦନ୍ତ କରୁଛି ପୋଲିସ। ଜବତ ଗୋ ମାଂସ ଗୁଡିକୁ ମାଜିଷ୍ଟେଟଙ୍କ ଉପସ୍ଥିତରେ ପୋତି ଦିଆଯିବା ପାଇଁ ବ୍ୟବସ୍ଥା କରା ଯାଉଛି । ସେପଟେ ଜିଲ୍ଲାର କେତେକ ସ୍ଥାନରେ ମାଫିଆମାନେ ସକ୍ରିୟ ରହି ଗୋମାଂସ ଚାଲାଣ କରୁଥିବାର ବିଭିନ୍ନ ସମୟରେ ଅଭିଯୋଗ ଘଟଣା ମଧ୍ୟ ସାମ୍ନାକୁ ଆସୁଛି।
