କଟକ ୧୪।୧: ପବିତ୍ର ମକର ସଂକ୍ରାନ୍ତିରେ ଅଘଟଣ । ଗୁଡ଼ି ସୂତା ଲାଗି ଦୁଇ ଜଣ ଆହତ ହୋଇଛନ୍ତି । କଟକ ସହରର ରାଣୀହାଟ ଓ ଶିଖରପୁରରେ ବାଇକ୍ରେ ଆସୁଥିବା ବେଳେ ଗୁଡ଼ିସୂତା ଲାଗିଯାଇଥିଲା । ଜଣଙ୍କର ବେକ, ହାତ କଟିଥିବା ବେଳେ ଅନ୍ୟ ଜଣଙ୍କର ମୁହଁ କଟିଛି । ଦୁଇ ଜଣ ଯୁବକ ମୃତ୍ୟୁ ମୁଖରୁ ଅଳ୍ପକେ ବର୍ତ୍ତି ଯାଇଛନ୍ତି । ଆହତଙ୍କୁ ଚିକିତ୍ସା ପାଇଁ କଟକ ଏସସିବି ମେଡ଼ିକାଲକୁ ପଠାଯାଇଛି ।
ଓଡ଼ିଆ ଘରର ଏ ପବିତ୍ର ପର୍ବ ମକର ସଂକ୍ରାନ୍ତି । ଆଉ ଏହି ମକର ସଂକ୍ରାନ୍ତିରେ କଟକରେ ଗୁଡ଼ି ଉଡା ପରମ୍ପରା ଥାଏ ଏକ ନିଆରା । କଟକ ଆକାଶରେ ଦେଖିବାକୁ ମିଳେ ରଙ୍ଗବେରଙ୍ଗର ରଙ୍ଗୀନ ଗୁଡ଼ି । ତେବେ ଏହି ଗୁଡ଼ି ଉଡାରେ ବ୍ୟବହୃତ ହେଉଥିବା ପ୍ଲାଷ୍ଟିକ ଚାଇନିଜ ମାଞ୍ଜା ସୂତା ସୃଷ୍ଟି କରୁଛି ବିପଦ ।
କଟକ ସହରର ରାଣୀହାଟ ଓ ଶିଖରପୁରରେ ଗୁଡ଼ି ସୂତା ଲାଗି ଦୁଇ ଜଣ ଆହତ ହୋଇଛନ୍ତି । ଜଣଙ୍କର ବେକ, ହାତ କଟିଥିବା ବେଳେ ଅନ୍ୟ ଜଣଙ୍କର ମୁହଁ କଟିଛି । ଆହତଙ୍କୁ ଚିକିତ୍ସା ପାଇଁ କଟକ ଏସସିବି ମେଡ଼ିକାଲକୁ ପଠାଯାଇଛି । ତେବେ ମକର ପୂର୍ବରୁ ସୂତା ଲାଗି ରାଜେନ୍ଦ୍ର ନଗରର ଅନିକେତ ଦାସ ଆହତ ହୋଇଥିଲେ । ଅନିକେତ ତ୍ରିଶୁଳିଆରୁ କଟକ ଆସୁଥିବା ବଳେ ତାଙ୍କ ବେକ ଓ ହାତରେ ସୂତା ଲାଗି ଆହତ ହୋଇଥିଲେ । ଗତ ସପ୍ତାହରେ ବାୟାଲିଶ ମୌଜା ଅଞ୍ଚଳରେ ଗୁଡ଼ି ସୂତା ଲାଗି ଜଣେ ଆହତ ହୋଇଥିଲେ । ତେବେ ଏହି ପ୍ଲାଷ୍ଟିକ ସୂତା ଦ୍ଵାରା ପାଞ୍ଚରୁ ଉର୍ଦ୍ଧ୍ବ ବ୍ୟକ୍ତିଙ୍କ ବେକ କଟି ଜୀବନ ହାନି ମଧ୍ୟ ହୋଇଛି । ତେବେ ଆଜିକାଲି ଏହି ସୂତା ଦୋକାନ ଅପେକ୍ଷା ଅନଲାଇନରୁ ମଧ୍ୟ ଲୋକ ମଗାଉଛନ୍ତି ବୋଲି ଗୁଡ଼ି ବ୍ୟବସାୟୀ କହିଛନ୍ତି । ଚଳିତ ବର୍ଷ ଗୁଡ଼ି ସୂତା ଲାଗି ପ୍ରାୟ ୧୨ରୁ ଉର୍ଦ୍ଧ୍ବ ଆହତ ହୋଇଥିବା ବଳେ ୬ ଦିନ ମଧ୍ୟରେ ୫ ଜଣରୁ ଉର୍ଦ୍ଧ୍ବ ବ୍ୟକ୍ତି ଆହତ ହୋଇଛନ୍ତି ।
ମକର ପୂର୍ବରୁ ସୋମବାର ପୁରୀଘାଟ ଥାନା ପକ୍ଷରୁ ନନ୍ଦୀ ସାହି, ଚୌଧୁରୀ ବଜାର ଓ କାଠଗଡା ସାହିରେ ଗୁଡ଼ି ସୂତା ଦୋକାନ ଉପରେ ଚଢ଼ାଉ କରାଯାଇଥିଲା । ପ୍ରାୟ ୧୫ରୁ ଉର୍ଦ୍ଧ୍ବ ଦୋକାନରେ ଯାଞ୍ଚ କରାଯିବା ସହ ଗୁଡ଼ି ଉଡାରେ ବ୍ୟବହୃତ ବିପଦପୂର୍ଣ୍ଣ ସୂତା ସବୁକୁ ମଧ୍ୟ ଜବତ କରାଯାଇଥିଲା । ଏଥିସହ ଗୁଡ଼ି ଉଡାରେ ଯେଉଁମାନେ ପ୍ଲାଷ୍ଟିକ ମଞ୍ଜ ସୂତା ବ୍ୟବହାର କରିବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଅତିରିକ୍ତ ଡିସିପି କହିଛନ୍ତି ।
ତେବେ ଜନ ସାଧାରଣ ଏହି ପ୍ଲାଷ୍ଟିକ ମାଞ୍ଜା ସୂତା ବ୍ୟବହାର ନ କରିବା ସହ ଖୋଲା ପଡିଆରେ ଗୁଡ଼ି ଉଡ଼ାନ୍ତୁ ବୋଲି କମିଶନରେଟ୍ ପୋଲିସ ଅପିଲ କରିଛି ।
You Can Read:
ପୂର୍ଣ୍ଣତୋୟା ବୈତରଣୀରେ ମକର ବୁଡ଼ ପକାଇଲେ ମୁଖ୍ୟମନ୍ତ୍ରୀ, ଆନନ୍ଦେଶ୍ୱର ଓ ପରମେଶ୍ବର ମନ୍ଦିରରେ କଲେ ପୂଜାର୍ଚ୍ଚନା
