ନୂଆଦିଲ୍ଲୀ: ନ୍ୟାସନାଲ କନଫ୍ରେନ୍ସ ନେତା ଓମର ଅବଦ୍ଦୁଲ୍ଲା ପାକିସ୍ତାନର ଟିପ୍ପଣୀ ଉପରେ ଜବାବ ରଖିଛନ୍ତି । ପାକିସ୍ତାନ ସରକାର ନିଜ ଦେଶକୁ କିପରି ସମ୍ଭାଳିବେ ସେ ପ୍ରୟାସ କରନ୍ତୁ, ଅନ୍ୟକୁ ଜ୍ଞାନ ଦେବେ ପଛରେ । ଜାମ୍ମୁ-କଶ୍ମୀରରେ ନିର୍ବଚନକୁ ପଡୋଶୀ ଦେଶ ଟିପ୍ପଣୀ ଦେବା ଉଚିତ୍ ନୁହେଁ ବୋଲି ଓମର ଅବଦ୍ଦୁଲା କହିଛନ୍ତି । 

ସୂଚନା ଅନୁଯାୟୀ, ଜାମ୍ମୁ-କାଶ୍ମୀରରେ ବୁଧବାର ପ୍ରଥମ ପର୍ଯ୍ୟାୟ ବିଧାନସଭା ନିର୍ବାଚନ ଶେଷ ହୋଇଛି । ମୁଖ୍ୟ ନିର୍ବାଚନ କମିଶନଙ୍କ ସୂଚନା ମୁତାବକ, ରାଜ୍ୟରେ ୬୧ ପ୍ରତିଶତ ମତଦାନ ହୋଇଛି । ଏହାରି ଭିତରେ ପାକିସ୍ତାନୀ ନେତା ଜାମ୍ମୁ-କାଶ୍ମୀରରେ ଅନୁଚ୍ଛେଦ ୩୭୦କୁ ନେଇ ଟିପ୍ପଣୀ ଦେଇଥିଲେ । ପାକିସ୍ତାନର ଏକ ଟିଭି ଶୋ’ରେ ପ୍ରତିରକ୍ଷା ମନ୍ତ୍ରୀ ଖ୍ବାଜା ଅସିଫ୍ ପ୍ରଶ୍ନ କରାଯାଇଥିବା, ଶେଖ୍ ଅବଦ୍ଦୁଲା ଏବଂ ପଣ୍ଡିତ୍ ନେହରୁ ଜାମ୍ମୁ-କାଶ୍ମୀରରେ ଧାରା 370 ଏବଂ 35A ଲାଗୁ କରିଥିଲେ । ଏବେ ନ୍ୟାସନାଲ କନଫ୍ରେନ୍ସ ଏବଂ କଂଗ୍ରେସ ନିର୍ବାଚନ ଜିତିଲେ ଏହାକୁ ପୁଣି ଲାଗୁ କରିବେ ବୋଲି କହୁଛନ୍ତି। ଏହା ଉପରେ ଖ୍ବାଜା ଅସିଫ୍ ଉତ୍ତର ରଖି କହିଥିଲେ, ମୋତେ ଲାଗୁ ଏହା ସମ୍ଭବ । 

ଏହି ଟିପ୍ପଣୀ ଉପରେ କଡ଼ା ଜବାବ ଦେଇଛନ୍ତି ନ୍ୟାସନାଲ କନଫ୍ରେନ୍ସ ନେତା ଓମର ଅବଦ୍ଦୁଲ୍ଲା । ସେ କହିଛନ୍ତି, ପାକିସ୍ତାନ ପ୍ରଥମେ ନିଜ ଦେଶ ସମ୍ଭାଳୁ । ଏହି ମାମଲାରେ ପାକିସ୍ତାନ ସହିତ କୌଣସି ପ୍ରକାର ଲେଣଦେଣ ନାହିଁ । ଭାରତର ଏହା ଅନ୍ତରୀଣ ମାମଲା, ଏଥିରେ ପକିସ୍ତାନ ଦଖଲ ହେବାର କୌଣସି  ଆବଶ୍ୟକତା ନାହିଁ ବୋଲି ନ୍ୟାସନାଲ କନଫ୍ରେନ୍ସ ନେତା ଓମର ଅବଦ୍ଦୁଲ୍ଲା କହିଛନ୍ତି ।...