ନୂଆଦିଲ୍ଲୀ: ଉତ୍ତର ପ୍ରଦେଶର ପ୍ରୟାଗରାଜରେ ଚାଲିଥିବା ମହାକୁମ୍ଭରେ ଦଳାଚକଟା ଘଟଣାରେ ରାଜନୀତି ଜୋର୍ ଧରିଛି। ଜାନୁଆରୀ ୨୯ ତାରିଖରେ ମୌନୀ ଅମାବାସ୍ୟା ଦଳାଚକଟା ଭଳି ସ୍ଥିତି ଦେଖାଯାଇଥିଲା। ଏହି ଦୁର୍ଘଟଣାରେ ପ୍ରାୟ ୩୦ ଜଣଙ୍କର ମୃତ୍ୟୁ ହୋଇଥିଲା । ଏହି ଦୁର୍ଘଟଣା ପରେ, ଏସପି ଏବଂ କଂଗ୍ରେସ ଓ ଅନ୍ୟ ବିରୋଧୀ ଦଳଗୁଡ଼ିକ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ବିଜେପିକୁ ଟାର୍ଗେଟ କରୁଛନ୍ତି। ସେହି ସମୟରେ, ଏବେ ମୁଖ୍ୟମନ୍ତ୍ରୀ ଯୋଗୀ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଏବଂ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କୁ ମଧ୍ୟ ଜବାବ ଦେଇଛନ୍ତି। ମୁଖ୍ୟମନ୍ତ୍ରୀ ଯୋଗୀ କହିଛନ୍ତି ଯେ କଂଗ୍ରେସ ଏବଂ ସପା ମଧ୍ୟରେ ସନାତନ ବିରୋଧୀ ପ୍ରତିଯୋଗିତା ଚାଲିଛି।
ମହାକୁମ୍ଭ ଦୁର୍ଘଟଣା ସମ୍ପର୍କରେ ଅଖିଳେଶ ଯାଦବଙ୍କ ବୟାନକୁ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଲଜ୍ଜାଜନକ ବୋଲି କହିଛନ୍ତି। ମୁଖ୍ୟମନ୍ତ୍ରୀ ଯୋଗୀ କହିଛନ୍ତି ଯେ ମଲ୍ଲିକାର୍ଜୁନ ଖଡଗେଙ୍କ ବୟାନ ପାଇଁ ଦୁଃଖ ପ୍ରକାଶ କରୁଛନ୍ତି। ଅଖିଳେଶଙ୍କ ସନାତନ ବିରୋଧୀ ଚରିତ୍ରର ପର୍ଦ୍ଦାଫାସ ହୋଇଛି। ମୁଖ୍ୟମନ୍ତ୍ରୀ ଯୋଗୀ କହିଛନ୍ତି ଯେ ସମାଜବାଦୀ ପାର୍ଟି ମିଛ ପ୍ରଚାର କରୁଛି। ମହାକୁମ୍ଭ ଦଳାଚକଟା ଉପରେ ଅଖିଳେଶ ଏବଂ ଖଡଗେ ମିଛ ପରେ ମିଛ କହୁଛନ୍ତି।
ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି ଯେ ମହାକୁମ୍ଭ ଦୁର୍ଘଟଣା ସମ୍ପର୍କରେ ମଲ୍ଲିକାର୍ଜୁନ ଖଡଗେଙ୍କ ମନ୍ତବ୍ୟ ଭ୍ରାମକ। ସନାତନ ବିରୋଧୀମାନେ ମହାକୁମ୍ଭରେ ଏକ ବଡ଼ ଦୁର୍ଘଟଣା ଘଟାଇବାକୁ ଚାହୁଁଥିଲେ। ମହାକୁମ୍ଭ ବିରୋଧରେ ଷଡ଼ଯନ୍ତ୍ର କରୁଥିବା ଲୋକଙ୍କ ପର୍ଦ୍ଦାଫାଶ କରାଯିବ।
