ନୂଆଦିଲ୍ଲୀ ୦୧/୦୫: ଭାରତ-ପାକିସ୍ତାନ ଉତ୍ତେଜନା ଭିତରେ ସାମ୍ନାକୁ ଆସିଛି ଏକ ବଡ଼ ଖବର । ଆମେରିକାରୁ ଭାରତକୁ ଆସିଲା ଫୋନ୍ । ବିଦେଶ ମନ୍ତ୍ରୀ ଏସ୍ ଜୟଶଙ୍କରଙ୍କୁ ଫୋନ୍ କରିଛନ୍ତି ଆମେରିକା ବୈଦେଶିକ ସଚିବ । ପହଲଗାମ୍ ଆକ୍ରମଣକୁ ନେଇ ଶୋକ ପ୍ରକାଶ କରିଛନ୍ତି ଆମେରିକା ବୈଦେଶିକ ସଚିବ ମାର୍କୋ ରୋବିଓ । ମୃତକଙ୍କ ପରିବାର ପ୍ରତି ସେ ସମବେଦନା ଜଣାଇଛନ୍ତି ।
Secretary of State Marco Rubio spoke with Indian External Affairs Minister Dr S Jaishankar today. The Secretary expressed his sorrow for the lives lost in the horrific terrorist attack in Pahalgam, and reaffirmed the United States' commitment to cooperation with India against…
— ANI (@ANI) April 30, 2025
ଆତଙ୍କବାଦ ବିରୋଧ ଲଢେଇରେ ଆମେରିକା ଭାରତ ସହ ଥିବା କହିଛନ୍ତି ରୋବିଓ । ସେହିପରି ପାକିସ୍ତାନ ପ୍ରଧାନମନ୍ତ୍ରୀ ସେହବାଜ ସରିଫଙ୍କୁ ମଧ୍ୟ ଫୋନ୍ କରି କଥା ହୋଇଛନ୍ତି ଆମେରିକା ବୈଦେଶିକ ସଚିବ । କ୍ଷେତ୍ରୀୟ ସ୍ଥିତି ନେଇ ଆମେରିକାକୁ ଜଣାଇଛନ୍ତି ସେହବାଜ୍ ସରିଫ୍ । ଉତ୍ତେଜନାକୁ ଭାରତ ଉସକାଉଥିବା ସେ ଅଭିଯୋଗ କରିଛନ୍ତି । ଆତଙ୍କବାଦ ଆକ୍ରମଣକୁ କଡ଼ା ଭାଷାରେ ନିନ୍ଦା କରିଛନ୍ତି ମାର୍କୋ ରୋବିଓ । ତଦନ୍ତରେ ସହଯୋଗ ପାଇଁ ସେ ପାକ୍ ପ୍ରଧାନମନ୍ତ୍ରୀଙ୍କ ଉପରେ ଚାପ ପକାଇଛନ୍ତି । ଉତ୍ତେଜନା କମାଇବା ପାଇଁ ଦୁଇ ଦେଶକୁ ଅପିଲ୍ କରିଛନ୍ତି ଆମେରିକା ବୈଦେଶିକ ସଚିବ ।
ସେହିଭଳି ରୋବିଓ ଶାହବାଜ ସରିଫଙ୍କୁ ବି ଫୋନ କରି କଥା ହୋଇଛନ୍ତି । ପାକିସ୍ତାନ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଜାରି ଏକ ପ୍ରେସ୍ ରିଲିଜ୍ ଅନୁଯାୟୀ, ଶାହବାଜ ସରିଫ ଆମେରିକାର ବୈଦେଶିକ ଦେଶର ପରିସ୍ଥିତି ନେଇ ସ୍ପଷ୍ଟ କରିଥିଲେ । ଆଲୋଚନା ବେଳେ ଶାହବାଜ ସରିଫ ଭାରତ ଉପରେ ଉତ୍ତେଜନା ସୃଷ୍ଟି କରିବାର ଅଭିଯୋଗ ଆଣିଥିଲେ।
Today, Secretary Marco Rubio spoke with Pakistan's Prime Minister Muhammad Shehbaz Sharif and encouraged Pakistan to work with India to de-escalate tensions, re-establish direct communications, and maintain peace and security in South Asia: US State Department spokesperson Tammy…
— ANI (@ANI) April 30, 2025
ସରିଫ କହିଛନ୍ତି ଯେ ଭାରତର ଉତ୍ତେଜନା ପାକିସ୍ତାନକୁ ଆତଙ୍କବାଦ, ବିଶେଷକରି ଆତଙ୍କବାଦୀ ଗୋଷ୍ଠୀଗୁଡ଼ିକୁ ପରାସ୍ତ କରିବା ପାଇଁ ଜାରି ରହିଥିବା ପ୍ରୟାସରୁ ବିଚ୍ୟୁତ କରିବ। ଶାହବାଜ ସରିଫ କହିଛନ୍ତି ଆତଙ୍କବାଦୀ ଆକ୍ରମଣର ନିରପେକ୍ଷ ତଦନ୍ତ ପାଇଁ ପାକିସ୍ତାନର ଦାବିକୁ ଦୋହରାଇଛନ୍ତି । ସେ ଆମେରିକାକୁ ଅପିଲ କରିଥିଲେ ଯେ ସେ ଭାରତକୁ 'ଉତ୍ତେଜକ ବୟାନ' ନ ଦେବାକୁ ଅନୁରୋଧ କରନ୍ତୁ । କାରଣ ଏହା ଅଧିକ ଉତ୍ତେଜନା ସୃଷ୍ଟି କରିପାରେ ।
