ନୂଆଦିଲ୍ଲୀ ୧୯।୦୭: ଦିନକୁ ଦିନ ବଢିବାରେ ଲାଗିଛି ତୈଳଦର । କାରଣ ଋଷ-ୟୁକ୍ରେନ ଯୁଦ୍ଧ ଯୋଗୁଁ ତୈଳ ଉତ୍ପାଦନ ବାଧାପ୍ରାପ୍ତ ହୋଇଛି । କିନ୍ତୁ ସମସ୍ତଙ୍କ ମନରେ ନିଶ୍ଚୟ ପ୍ରଶ୍ନ ଆସୁଥିବ ଯେ କେବେ ଖୋଳା ଯାଇଥିଲା ପ୍ରଥମ ତୈଳକୂପ । ୧୬୧ ବର୍ଷ ପୂର୍ବେ ଅର୍ଥାତ୍ ୧୮୫୯ରେ ପ୍ରଥମେ ଖୋଳାଯାଇଥିଲା ତୈଳକୂଅ । ଆଉ ଉନବିଂଶ ଶତାବ୍ଦୀରେ ଆରମ୍ଭ ହୋଇଥିଲା କୋଇଲାରୁ ତୈଳ ଉତ୍ପାଦନ । କିନ୍ତୁ ସେତେବେଳେ ବାହାରୁଥିବା ତେଲର ପରିମାଣ ବହୁତ କମ୍ ଥିଲା। ଆଉ ମୂଲ୍ୟ ଥିଲା ବହୁତ ଅଧିକ ।
{"id":819212,"width":840,"height":648,"sizeSlug":"full","linkDestination":"none"}
ଏଥିପାଇଁ କୋଇଲା ବ୍ୟତୀତ ଅନ୍ୟ ଉପାୟରେ ତୈଳ ଉପାଦାନ ପାଇଁ ଚାଲିଲା ପରିକ୍ଷଣ । ଦୀର୍ଘ ସମୟର ଅନୁସନ୍ଧାନ ପରେ ଉତ୍ତର ଆମେରିକାର ଏଡୱିନ୍ ଏଲ୍ ଡ୍ରେକ୍ ଶେଷରେ ଖଣିଜ ତେଲର ପାଇଥିଲେ ସନ୍ଧାନ । ଆଉ ୧୮୫୯ରେ ଏଡୱିନ୍ ଆମେରିକାର ପେନସିଲଭାନିଆର ଟିଟୁସଭିଲରେ ବିଶ୍ୱର ପ୍ରଥମ ତୈଳ କୂଅ ଖୋଳିଥିଲେ । ୧୯୬୭ ସୁଦ୍ଧା ଉତ୍ତର ଆମେରିକାରେ ଖଣିଜ ତେଲର ଆବିଷ୍କାର ବିଶ୍ୱରେ ଆଣିଥିଲା ପରିବର୍ତ୍ତନ ।
{"id":819213,"sizeSlug":"full","linkDestination":"none"}
ଆମେରିକା ପରେ ଖଣିଜ ତେଲର ଅନୁସନ୍ଧାନ ଅନ୍ୟ ଦେଶରେ ମଧ୍ୟ ଆରମ୍ଭ ହୋଇଥିଲା । ଯାହା ସୃଷ୍ଟି କରିଥିଲା ଶିଳ୍ପ ବିପ୍ଳବ । ବର୍ତ୍ତମାନ ସମୟରେ ଆରବ କିମ୍ବା ଗଲ୍ଫ ଦେଶଗୁଡ଼ିକରେ ବିଶ୍ୱର ସର୍ବାଧିକ ଖଣିଜ ତୈଳକୂଅ ରହିଛି । ଏହି ଦେଶଗୁଡ଼ିକ ସମଗ୍ର ବିଶ୍ୱରେ ତୈଳ ରପ୍ତାନି କରିଥାନ୍ତି ।
{"id":819214,"sizeSlug":"full","linkDestination":"none"}
ଭାରତ ସ୍ବାଧୀନ ହେବା ପର୍ଯ୍ୟନ୍ତ କେବଳ ଆସାମରୁ ଖଣିଜ ତୈଳ ବାହାର କରାଯାଇଥିଲା । କିନ୍ତୁ ପରେ ଗୁଜୁରାଟ ଏବଂ ବମ୍ବେରେ ମଧ୍ୟ ଖଣିଜତୈଳର ଖୋଜା ଯାଇଥିଲା । ସୂଚନା ଅନୁଯାୟୀ, ଭାରତରେ ୧୪.୧ ଲକ୍ଷ ବର୍ଗ କିଲୋମିଟର ଯାଏଁ ସମ୍ଭାବ୍ୟ ତୈଳ କ୍ଷେତ୍ର ରହିଛି । ଭାରତର ମୋଟ ଖଣିଜ ତୈଳ ଭଣ୍ଡାର ୧୭୫୦ ଲକ୍ଷ ଟନ୍ ବୋଲି କୁହାଯାଉଛି ।
You Can Read:
wp:embed {"url":"https://www.prameyanews7.com/johnson-baby-powder-company-ordered-to-pay-dollar-18-8-million/","type":"wp-embed","providerNameSlug":"prameya-news-7"}
