ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ବୁଧବାର ଲୋକସଭାରେ ୱାକଫ୍ ସଂଶୋଧନ ବିଧେୟକ ସମର୍ଥନରେ ମନ୍ତବ୍ୟ ରଖିଛନ୍ତି । ସେ କହିଛନ୍ତି ଯେ ଏହି ବିଧେୟକ ଭୂମିକୁ ସୁରକ୍ଷା ପ୍ରଦାନ କରିବ । ଏବେ ଅନ୍ୟ କାହାର ଭୂମି କେବଳ ଘୋଷଣା ମାତ୍ରେ ୱାକଫର ହୋଇପାରିବ ନାହିଁ । ନିଜ ସମ୍ପତ୍ତିକୁ ହିଁ ଦାନ କରିପାରିବ, ଗାଁ କିମ୍ୱା ସରକାରୀ ଭୂମି କରିପାରିବ ନାହିଁ । ଏଏସଆଇର ଭୂମି, ଆଦିବାସୀଙ୍କ ଜମି ସୁରକ୍ଷିତ ହେବ । ବ୍ୟକ୍ତିଗତ ସମ୍ପତ୍ତି ସୁରକ୍ଷିତ ହେବ । କଂଗ୍ରେସକୁ ଟାର୍ଗେଟ୍ କରି ଶାହ କହିଛନ୍ତି ଯେ ଯଦି ୨୦୧୩ରେ ୱାକଫରେ ସଂଶୋଧନ କରାଯାଇନଥାନ୍ତା, ତେବେ ଏହି (ସଂଶୋଧିତ ବିଧେୟକ) ବିଧେୟକର ଆବଶ୍ୟକତା ପଡ଼ିନଥାନ୍ତା । ସବୁକିଛି ଠିକ୍ ଚାଲିଥିଲା, କିନ୍ତୁ ୨୦୧୪ରେ ନିର୍ବାଚନ ହେଲା ଓ ୨୦୧୩ରେ ରାତାରାତି ତୁଷ୍ଟୀକରଣ ପାଇଁ ୱାକଫ ଆଇନରେ ପରିବର୍ତ୍ତନ କରାଗଲା । ଯାହାର ପରିଣାମ, କଂଗ୍ରେସ ସରକାର ଲୁଟିୟନ୍ସ ଦିଲ୍ଲୀରେ ୧୨୩ ଭିଭିଆଇପି ସମ୍ପତ୍ତିକୁ ୱାକଫକୁ ହସ୍ତାନ୍ତର କରିଥିଲା ।
ଅମିତ୍ ଶାହା ୱାକଫ ବିଧେୟକ ଉପରେ କହିଛନ୍ତି ଯେ ପାରଦର୍ଶିତା ଆଣିବା ପାଇଁ ସୂଚନାର ପ୍ରକ୍ରିୟାକୁ ଅଣାଯାଇଛି । ୱାକଫକୁ ଯେଉଁ ସମ୍ପତ୍ତି ଘୋଷଣା କରିବାର ଅଧିକାର ଥିଲା, ତାହାକୁ ଶେଷ କରାଯାଇଛି । କଲେକ୍ଟର ସାର୍ଟିଫାଏଡ୍ କରିବାକୁ ପଡ଼ିବ । ପଞ୍ଜିକରଣ ବିନା କୌଣସି ସଂସ୍ଥା ଚାଲିବ ନାହିଁ । ଅନେକ ମୁସଲିମ୍ ସମୁଦାୟ ଅଛନ୍ତି, ଯେଉଁମାନେ ୱାକଫ୍ ଆଇନ ଅଧିନରେ ଆସିବାକୁ ଚାହୁଁନାହାନ୍ତି । ଏବେ ମୁସଲିମ୍ ଟ୍ରଷ୍ଟ ଆକ୍ଟ ଅଧିନରେ ଟ୍ରଷ୍ଟର ପଞ୍ଜିକରଣ କରିପାରିବେ । ସଂଶୋଧିତ ଆଇନରେ ଅନେକ ନୂଆ ପ୍ରାବଧାନ କରାଯାଇଛି । ବିରୋଧୀଙ୍କୁ ଘେରି ଶାହ କହିଛନ୍ତି, 'ଗୋଟିଏ ଫ୍ୟାସନ୍ ହୋଇଯାଇଛି, ରାମ ମନ୍ଦିର ନିର୍ମାଣ କଥା ଆସିଲା ବେଳେ କୁହାଗଲା ଯେ ରକ୍ତର ନଦୀ ବୋହିବ । ଟ୍ରିପଲ୍ ତଲାକ, ସିଏଏ ଉପରେ ଉତ୍ତେଜନା ସୃଷ୍ଟି କରାଗଲା । ଯଦି ଜଣେ ମୁସଲିମଙ୍କ ନାଗରିକତା ଯାଇଛି ତେବେ ଦେଖାଅ ?'
ଅମିତ୍ ଶାହ କହିଛନ୍ତି, 'ଆପଣ (ବିରୋଧୀ) ଏହି ଦେଶର ବିଭାଜନ କରିଦେବେ...ଏହି ଗୃହ ମାଧ୍ୟମରେ ଦେଶର ମୁସଲମାନଙ୍କୁ କରିବାକୁ ଚାହୁଁଛି ଯେ ଆପଣଙ୍କ ୱାକଫରେ ଜଣେ ବି ଅଣମୁସଲିମାନ ରହିବେ ନାହିଁ । ଏହି ଆଇନରେ ଏପରି କୌଣସି ପ୍ରାବଧାନ ନାହିଁ । କିନ୍ତୁ ୱାକଫ୍ ବୋର୍ଡ ଓ ୱାକଫ୍ କାଉନସିଲ୍ କରି କରିବେ ? ୱାକଫର ସମ୍ପତ୍ତି ବିକ୍ରି କରୁଥିବା ଲୋକଙ୍କୁ ଧରି ବାହାର କରିବୁ, ୱାକଫ୍ ନାଁରେ ନିଜ ସମ୍ପତ୍ତିକୁ ୧୦୦ ବର୍ଷ ପାଇଁ ଭଡ଼ାରେ ଦେଉଥିବା ଲୋକଙ୍କୁ ଧରିବୁ ।'
